Peqqissaanermik Pinngortitamillu Ilisimatusarfimmi atorfiit uku inuttassarsiuuppavut: professionsfaglæreri, studieadjunkti, studielektori, adjunkti lektoriluunniit

Peqqissaanermut immikkoortortaq ilinniartitsisutut atorfimmik inuttassarsiuussivoq, ilinniagarineqartorlu aallaavigalugu professionsfaglæreritut, studieadjunktitut, studielektoritut, adjunktitut lektoritulluunniit atorfinittoqarsinnaalluni.

Sukkanerpaamik isumaqatigiissutigineqartorluunniit naapertorlugu atorfinitsitsisoqarsinnaavoq.

Atorfimmut ilaassapput ilinniartitsineq, inerisaanermik suliaqarneq, immaqalu ilisimatusarneq, sutut atorfinissimaneq apeqqutaalluni.

Ilinniartut ilinniartitsisullu pimoorussisut ikittunnguit ilisimatusarnermillu suliaqarluartut qanimut suleqatigilissavatit, suliatsigut inuttullu ineriartornissamut periarfissaqassallutit. Atorfik ilinnut aallussilluartunik suleqatigiilluartartunillu suleqateqarnermik nuannarisalimmut tulluassaaq.

Ilisimatusarfimmi tamatumaniipput peqqissaasunngorniarfik ukiorlu manna februaarimiilli uumassusilerisunngorniarfimmi SILA-mi ilinniartut siulliit aallartipput, ilinniakkallu marluk taakku bachelorinngorniarfiupput. Aamma ilisimatusarfik napparsimasunik sullissinermi siunnersortinngorniarfiuvoq pikkorissarfissarpaaloqarlunilu. Atorfillit, professorit ikiortaasut, lektorit ilisimatusartullu qulit missaanniipput. Peqqissaasunngorniarfimmi bachelorinngorniat 45-50-iupput ph.d.-nngorniallu 10-12-iullutik.

Suliassat:

• Peqqissaanermi fagini teorii suleriutsillu pillugit ilisimatusarnermilu suliaqarfiit allat pillugit ilinniartitsineq

• Opgaveliornermi suliniutinillu ingerlatsinermi siunnersuineq

• Praktikkerfinnik ilinniartunillu praktikkertunik suleqateqarneq

• Ilinniartitsinerup ilisimatusarnermik tunngaveqarnissaanik ineriartortitsinermut atatillugu pilersaarusiorneq inerisaanerlu

• Piginnaasarineqartut apeqqutaallutik inerisaanermi ilisimatusarnermilu suliniuteqaqataaneq

Ilinnut uku neqeroorutigisinnaavavut:

• Suliassanut atatillugu namminersorluni sulisinnaaneq

• Assigiinngisitaartunik suliaqarfiusumi suliatsigut perorsaanermilu ilikkariartorneq pikkorissartarnerlu

• Ilisimatusarnermi suliaqarfik ineriartorfiusoq

• Suleqatit pimoorussisut piumassuseqarluartullu

• Sunngiffimmi sammisaqarluarsinnaaneq, pinngortitamiinnermik kulturimilluunniit soqutigisaqaruit (uani paasisaqarnerugit: www.nuuk.gl)

• Ilinniartitsisunngortunut adjunktpædagogikummeqartitsineq suliatsigullu ineriartornissamut piffissaqarneq. 

Illit pisinnaasassatit:

• Tunngaviusumik ilinniakkamit ilinniartitsinermik siunnersuinermillu misilittagaqarneq.

• Ilisimatusarnermik inerisaanermillu soqutigisaqarneq, paasisimasaqarneq misilittagaqarnerlu.

• Napparsimmavimmi peqqissaasutut misilittagaqarneq.

• Kalaallit Nunaanni peqqissaasutut piginnaatitaaneq.

• Naleqquttumik masteritut kandidatitulluunniit ilinniagaqarneq

Qinnuteqaat

Qinnuteqaat, allaganngorlugu qinnuteqaatip saniatigut, ukuninnga imaqassaaq:

Ilanngussaq 1: Curriculum Vitae.

Ilanngussaq 2: Soraarummeersimanernut uppernarsaatit.

Ilanngussaq 3: Inuit pingasut tikillugit oqaaseqaatinik aallerfiusinnaasut attaviginissaannut paasissutissanik tunniussineq.

Ilanngussaq 4: Ilaatigut saqqummersissimasat aamma/imaluunniit ilaatigut ilisimatuutut misissuilluni paasissutissiornermilu suliat kiisalu ilinniartitsisimanerit allattorsimaffiat

Kalaallit Nunaanni sulisinnaatitaanissamut (autorisation) qinnuteqaatip immersorsimasup qinnuteqaammut ilanngunneqarnissaa piumasarineqarpoq. Sulisinnaatitaanissamut qinnuteqaammut immersugassaq nittartakkami ataani innersuussissummiittumi nassaarineqarsinnaavoq: Sulisinnaatitaaneq

Attavigisassat/ paasissutissat:

Atorfik pillugu sukumiinerusunik paasisaqarusukkuit rektori Gitte Adler Reimer, attaviginissaanut tikilluaqqusaavutit oqarasuaammut uunga +299 34 73 02 / 550558. Ilisimatusarfik pillugu paasisaqarnerorusukkuit uani paasisaqarnerusinnaavutit www.uni.gl

Naliliisarneq atorfinitsitsisarnerlu, adjunktinut lektorinullu atorfinnut

Qinnuteqartut nalilerneqarnerat malittarisassat atuuttut naapertorlugit naliliisartunit ilisimasalinnit ingerlanneqartarpoq. Qinnuteqartut piffissap qinnuteqarfiusup naareernerani naliliisartut inuttalersornerinik ilisimatinneqassapput. Qinnuteqaatit takkussuuttut naliliisartoqatigiinnit misissorneqassapput, tamanna pereerpat taakkua Instituttimi aqutsisumut innersuusiussallutik.

Professionsfaglærer/Ilinniartitsisutut atorfik ukiunik sisamanik sivisussuseqarpoq.

Professionsfaglærer/ilinniartitsisup atorfeqarnermini ukiut sisamassaat naatinnagu sammisamut naleqquttumik kandidatitut masteritulluunniit naammassisaqarsimassaaq. Tamatuma kingorna ilinniartitsisoq ilinniartitaanermut studieadjunktitut atorfinitsinneqassaaq.

Studieadjunktitut atorfeqartitaaneq ukiunik 6-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorit naliliinerat tunngavigalugu studielektoritut atorfittut aalajangersimasunngorlugu atorfinitsinneqarsinnaavoq.

Studielektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat.

Adjunktitut atorfeqartitaaneq nalinginnaasumik ukiunik 4-nik sivisussuseqarpoq, tamatumalu kingorna suli ukiut marluk angullugit sivitsorneqarsinnaalluni. Tamatuma kingorna lektorip naliliinera tunngavigalugu lektoritut atorfittut aalajangersimasunngorlugu atorfinitsinneqarsinnaavoq.

Lektoritut atorfinitsitaaneq pisinnaavoq atorfininnissaq sioqqullugu naliliilluartoqarpat imaluunniit qinnuteqartoq piffimmi allami sammisami lektorimit nalilerneqarsimappat. 

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk