PERIUSISSIORNERMUT ATTAVEQAQATIGIINNERMULLU SIUNNERSORTI

Nalik Ventures tunniusimasumik Periusissiornermut Attaveqaqatigiinnermullu Siunnersortissarsiorpoq suliffeqarfiup saqqumilaartuunissaanik annertusaasinnaasumik aammalu attaveqaqatigiinnermik naleqalersitsisussamik suliniuteqarsinnaasumik, tamatumalu saniatigut suliffeqarfiup pisortaa siulersuisullu ataqatigiissaarisutut tapertaaffigalugit.

Atorfik Nuummi Nalik Venturesip allaffeqarfianiippoq, suliffeqarfiullu pisortaata ataaniissaatit. Atorfimmi attaveqaqatigiinneq, ataqatigiissaarineq pitsaassutsimillu qulakkeerinermik imaqassaaq, suliffeqarfimmi mikisumi akisussaaffik angisuujuvoq aalajangiinermut aqqummik naatsumik atuiffiusoq.

Nalik Venuresip pingaarnertut suliffeqarfittaani suliassat tassaapput Kalaallit Nunaat tamakkerlugu inerisaanissamik annertusaaneq aammalu inuussutissarsiornikkut inerisaaneq, taavalu kalaallit annertuumik piginneqataanissaat ineriartornermillu iluanaaruteqarnissaat qulakkeerlugu. Nalik Ventures suliffeqarfik pingaarnertut inissisimavoq nalilinnillu inuiaqatigiinnit pigineqartunit ingerlatsisuulluni, angusallu aningaasaliissutaaqqittarput suli annertunerusumik allisaanissamut aalajaallisaanissamullu siunertaqarfiusarlutik. Suliffeqarfik immikkoortortalik ilaatigut Nalik Capital aamma Nalik Startup 15-it missaannik sulisoqarpoq.

Suliassat pingaarutillit Ingerlaariaatsit aqutsisut, siulersuisut aaqqissukkallu akimorlugit ingerlannissaat aamma ataqatigiissaarnissaat akisussaaffigissavatit, taavalu nutaamik attaveqaqatigiinnermut periusissiornissamut qitiusumik suliaqassallutit (nittartagaq, saqqumilaartitsineq, sullitanik suliat, sineriammut angalanerit il. il.)

Suliassat ilaatigut ukuupput:

• Pilersaarusiorneq, ataqatigiissaarineq, suliffeqarfiullu pisortaanut ulluinnaani suliatigut tapersiineq (ullorsiutit, ataatsimiinnerit, piareersarnerit, ataqatigiissaarinerit il. il.)
• Siulersuisunik sullissineq: Atugassanik aallerneq/ataqatigiissaarineq, imaqarniliat, sulianik isumannaarineq
• Saqqummiussassat, isumaqatigiissutit avammut atugassat (paasissutissat, oqaatsit, layout, suliamut pikkorissuseq) pitsaasuunerannik qulakkeerinninneq
• Aqutsisoqatigiit aalajangigaat piffissaliussaallu malitseqartitsivigineri
• Suliffeqarfiup pisortaanik avitseqateqarneq, soorlu inassuteqaatinut, suliffeqarfiup siunertaanut (business cases) aammalu suliamut soqutiginnittunik ingerlatsinernut (stakeholder management) tunngatillugu.
• Suliassat takkuttut akimullu suleqatigiinneq (attaveqaqatigiinneq/public affairs)
• Ukiumut nalunaarusiornermut tapertaaneq – matumani piujuartitsinermut nalunaarusiornermi ilanngussineq
• Siunnersuisartutut siulersuisunut (Advisory Board) allatsitut suliaqarneq (inuussutissarsiornermut suliaqarfinni kommunit pigisaanni): Aggersaanerit, imaqarniliat, malitseqartitsinerit, ataqatigiissaarinerit kiisalu siulersuisut sinnerlugit attaveqaqatigiinneq
• Ukiumut ullut angalaffiusussat 15-iunissaat naatsorsuutaavoq.

Ilinnut tunngasut

Takorloorparput attaveqaqatigiinnermut tunngasumik ilinniagaqartutit, assingusumillu suliaqarsimaninnit tunngaviusumik misilittagaqartutit (siunnersorti, attaveqaqatigiinnermut immikkut ilisimasalik, pisortaqatigiinnut/siulersuisunut allatsi, ataqatigiissaarisoq il. il.)

Pingaartipparput illit:

• Attaveqaqatigiinnermut periusissiornermi inerisaasinnaasutit atuutsitsilerlutillu, namminerlu qaffasissumik pitsaassusilimmik atugassianik pilersitsisinnaasutit
• Aaqqissugaasumik suleriuseqartutit, assut pingaarnersiuisinnaasutit suliallu inaartarlugit
• Suliamut pikkorissuseqarlutit aqutsisunik/aqutsisoqatigiinnik/siulersuisunik sullissinermik misilittagaqartutit
• Oqaatsitigut pikkorilluinnartutit kukkunersiuinermut, aaqqiissuteqarnermut aaqqissuussinermullu piginnaasaqartutit
• Tunngaviusumik IT-mut paasisimasaqartutit Office-pakkimullu pikkorilluartutit (Word, PowerPoint/Excel/Outlook)
• Ulluinnarni allanngorarfiusuni, suliani piffissaliussani qanittuni ungasissunilu sulisinnaassuseqartutit
• Nipangiussisussaatitaaneq attassinnaagit aammalu aqutsisoqatigiit akornanni sapiunnak sulisinnaasutit
• Oqaatsit: Danskisut tuluttullu qaffasissumik atuisinnaaneq – kalaallisut oqalussinnaaneq iluaqutaassaaq.

Nalik Venturesip neqeroorutigai

Suliffik isumaqarluartoq piffimmi pingaarutilimmi Kalaallit Nunaanni inuussutissarsiornikkut ineriartornermi sunneeqataanissamut periarfissalik Aaqqissukkami anginngitsumi annertuumik sunniuteqassaatit, isumassarsiamiit aalajangiinermut aqqummik naatsumik atuiffiusoq.

Tamatuma saniatigut akissarsiat orniginartut utoqqalinersianillu katersiffiusoq, Codan Care, ukiumut ataasiarluni akiliunneqarluni sulinngiffeqarnermi angalaneq kiisalu atorfimmut atatillugu inissaqartitsineq neqeroorutigineqarput. Atorfimmi avatangiisit persuarsiortuunngillat, allaffillu Nuummi illoqarfiup qeqqaniilluni.

Nalik Venturesip Pointer Search A/S atorfinitsitsiniarnermi suleqatigaa. Sukumiinerusumik paasisaqarusukkuit allaffissornikkut pisortaq Inger Ingvardsen attavigisinnaavat uunga +45 29 36 86 36 imaluunniit imi@pointersearch.dk. Saaffiginnissutit allanut saqqummiunneqarneq ajorput.