Fakta
Atorfiup suussusaa: Ilinniartitsisoq
Suliffeqarfik: Perorsaanermik Ilinniarfik / Socialpædagogisk Seminarium
Qinnuteqarfissamut killigititaq: oktobarip 24.-at, 2025 09:00
Attavissaq: Lena Mathiesen Fly +299 38 35 65
Unammilligassanut nutaanut sapiissuseqarpit? Taava Perorsaanermik Ilinniarfiup Nuummi immikkoortortaqarfiani isumaginninnermi ikiortinngornianut ilinniartitsisutut atorfimmik ilinnut neqeroorutigisinnaasatsinnik peqarpugut.
Perorsaanermi Ilinniarfik (PI/SPS) Ilulissani Nuummilu immikkoortortaqarfeqarpoq Ilulissani qiutisumik allaffeqarluni. 50-it missaanni sulisoqarpugut, ilinniartuutigullu 300-t missaanniittut ilinniakkanut arfineq-pingasunut agguarsimapput, ukuusunut: Ulluunerani meeqqanik sullissinermi ikiortitut ilinniarneq, isumaginninnermi ikiortitut ilinniarneq, socialassistentitut ilinniarneq, perorsaasutut sammivilimmik bacheloritut ilinniarneq, pædagogassistentitut inuussutissarsiummik ilinniarneq, siunnersuinermi ikiortitut ilinniarneq, inulerinermi siunnersorti aammalu immikkut pisariaqartitsisunut sammivilimmi perorsaanilerinermi ilinniarneq.
Perorsaanermi Ilinniarfiup Kalaallit Nunaat tamakkerlugu makkunannga sullillugu ingerlatsisarpoq:
- Perorsaanermi sulisunik piukkunnartunik ilinniartitsineq
- Pikkorissaaneq, ilinniaqqinnerit ilinniareernerullu kingorna qaffassarnerit inunnik isumaginninnermi siunnersuinermi immikkullu pisariaqartitsisunut sammivilimmik perorsaanilerinermi ilinniarneq
- Ineriartortitsinissamut isumassarsisitsiniarneq perorsaanermi iluani sulinermi ilinniarnermilu.
Ilinniartitsisumik ataqatigiissitsisinnaasumik, eqaatsumik, suleqatiginnissinnaasumik kiisalu ineriartornermut soqutiginnittumik ujarlerpugut. Pinngorartitsinermut pikkoriffeqaruit, perorsaanermi tarnip pissusaannik ilisimasaqarluaruit, nalinginnaasumik perorsaanermi ilisimasaqaruit imaluunniit ilinniakkami atuartitsissutit tamaasa ilinniartitsissutigisinnaagukkit illiuvoq ujartugarput. Ilinniartitsisoq ilinniartitsissaaq, skemaliorluni ilinniartitsinissaminut pilersaarusiorluni, suliffimmi misiliisunut ilinniartitsisuulluni- aammalu suliffiit misiliiffiusut attavigisassallugit. Ilinniartitsinerup saniatigut ilinniartitsisoq ilinniartut allaaserisai atuagarsornerini suliffimmilu misiliilluni allaaserisai atuarlugillu naliligassarivai. Kiisalu ilinniartut misilitsinnerinut ilinniartitsisuusinnaalluni.
Perorsaanermi Ilinniarfimmi ilinniartitsisoqatigiinnut ilanngutissaatit ilinniartitsinerup ingerlanerani ineriartorneranilu peqataaffigisinnaalerlugu, Perorsaanermi Ilinniarfiup siunertarisaa naapertorlugu Nunatsinni perorsaanerup iluani suleriutsimut peqataasitsineq sunneeqataaffigalugulu. Aammattaaq pikkorissartitsinermi ilinniartitsinermilu angalanertaqartarpoq.
Kissaatigaarput perorsaanerup iluani sulinermi misilittagaqarluarnissat imaluunniit inersimasunik ilinniartitsinermik misilittagaqarluarnissat.
- Kalaallit Nunaanni misilittagaqarlutillu nalunngisaqarluassaatit
- Nammineerlutit sulisinnaassaatit aammalu suleqatitit suleqatigalugit sulisinnaallutit nammineq ilinniartitsissutissarni aammalu ataqatigiittumik ineriartortumillu ilinniarnerup iluani.
- Akuerserpalaartumik isiginninneq, tatiginninneq akisussaaffeqarnerlu illit suleqatitut ilisarnaatigissavat.
- Kalaallisut danskisullu oqaaseqartuussaatit
Atorfik inuttalerneqassaaq kingusinnerpaamik novemberip aallaqqaataani 2025. Qinnuteqarfissaq kingulleq oktoberip 24-at 2025 nal. 09:00 nallertinnagu.
Paasissutissat sukumiinerusut pissarsiarineqarsinnaapput uunga Immikkoortortami aqutsisoq Lena Fly Thiesson oqarasuaat +299 38 35 50 imaluunniit e-mail-ikkut: allaffik@pi.sps.gl
Perorsaanermik Ilinniarfik pillugu paasisaqarnerorusukkuit nittartagarput alakkarsinnaavat www.pi.sps.gl
Aningaasarsiatigut atorfinitsitaanermilu atugassarititaasut
Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
Najugaq
Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
E-mail-ikkut qinnuteqaatinik tigusineq ajorpugut.
Naalakkersuisut pillugu
Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.
Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.
Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job
Qinnuteqaat nassiuguk
