PI/SPS Ilinniartitsiutigaluni ataqatigiissaarisussamik pissarsiorpoq

Siunnersuinermi ilinniakkanut aammalu perorsaanilerinermi diplomitut ilinniakkamut Ilinniartitsisoq ataqatigiissaarisorlu

Unammillernartunik nutaanik suliaqassallutit sapiissuseqaruit ilinniartunut ataasiakkaanut inuiaqatigiinnullu allanngueqataarusukkuit atorfimmik ilinnoortumik peqarpugut, tassalu Perorsaanermik Ilinniarfimmi Ilulissaniittumi ilinniartitsisutut ataqatigiissaarisutullu.

Perorsaanermik Ilinniarfik 300-it missaaniittunik ilinnartoqarpoq ilinniakkanut assigiinngitsunut arfineq-pingasunut agguataaqqasunut taakkunanngalu pingasut ilinniaqqinnertut taaneqartartuullutik.

Ilinniartoqarfik 50-it missaanni sulisoqarpoq, taakkunannga 20-it ilinniartitsisuullutik.

Perorsaanermik Ilinniarfiup nuna tamakkerlugu ilinniakkanik pingaarutilinnik assigiinngitsunik sullissivoq:

• Perorsaanilerinermi sulilersussanik sulisunillu ilinniartitsineq aammalu ilinniaqqinnikkut pisinnaasanik qaffassaanerit nunarput tamakkerlugu ingerlataqarluni.

• Perorsaanilerinerup iluani suliamut tunngasunik aammalu ilinniarnikkut ineriartortitsineq isumassarsitsinerlu ingerlallugit

• Inuiaqatigiinni ilinniartitaanerup qaffanneqarnissaanut sunniuteqaqataalluni.

Inunnik sullissinerup iluani ilinniakkanut modulikkaartunut agguakkanut pingasunut ilinniartitsisussamik ataqatigiissaarisussamillu ujartuivugut

• Siunnersuinermi ikiortitut ilinniagaq

• Isumaginninnerup Iluani Siunnersortitut ilinniagaq akademiskiusoq

• Perorsaanilerinermi Diplomitut ilinniagaq akademiskiusoq

Ilinniartitsisumik ujartuivugut tamatigoortumik ineriartortitserusuttutullu siunnerfilimmik, inunnik isumaginninnerup iluani suliaqarluni nuannarisalimmik aammalu periarfissanik pilersitsinissaminut soqutigisaqartumik ilinniartut ilinniartitsisoqatit suleqatillu allat peqatigalugit pilersitseqatigisinnaasaminik ujartuisinnaasumik.

Avatangiisitit suliassatillu nuannersumik periuseqarlutit naapinnissaannik suliarinissaannillu pisarnissat kissaatigaarput.

Perorsaanermik Ilinniarfiup qitiusumik ilinniarfeqarfiani sulissaatit. Kalaallit Nunaata iluani arlaanniik sulisinnaanissaq aamma periarfissaavoq. Ilulissanut nuussagaluaruit inissamik tunineqarsinnaaneq periarfissaavoq.

Ilinniakkat pingasuusut ilusilersorneqarnerat aallaavigalugu ataqatigiissaarisuussaatit aammalu nammineerlutit ilinniartitsisinnaassallutit periarfissaqarnera aallaavigalugu.

Angalasaqattaarsinnaaneq naatsorsuutigissavat ilinniartitsinermi suliassat Kalaallit Nunaata iluani assigiinngitsuni pisinnaasassammat.

Perorsaanermi Ilinniarfimmi ilinniartitsisoqatigiit pikkorissut ilagilissavatit suliallu assigiinngitsut ilinniakkallu assigiinngitsut akimorlugit suleqatigiissinnaaneq periarissaasarumaarpoq. Perorsaanermik Ilinniarfiup siunnerfia aallaavigalugu ataqatigiissaarisutut sulinerni sunniuteqarumaarputit ilinniakkat pineqartut ilinniartitsinerup iluani ineriartoqqissinnaaneri pillugit, taamaasillutit inunnik isumaginninnerup iluani perorsaanilerinerullu iluani Kalaallit Nunaanni tunniussaqarsinnaallutit.

Atorfik Piorsaaviup ataani inissisimasuuvoq.

Suliamut inuttullu pisinnaasarisariaqakkat ukua naatsorsuutigaagut:

-Inunnik isumagininnermi siunnersortitut ilinniarsimasuunissat imaluunniit isumaginninnerup iluani bacheloritut ilinniagaqarsimanissaq – taakkua qaavatigut masteritut imaluunniit kandidatitut ilinniaqqissimanissaq iluaqutaasinnaalluni

- Siunnersuinermi sulinermi imaluunniit inunnik isumaginninnerup iluani sullissinermi misilittagaqarsimanissaq kissaataavoq

- Ilinniartitsinermi misilittagaqarsimanissaq aammalu inersimasunik ilinniartitserusunneq kissaataalluni

- Ulluinnarni ulapaarfiusinnaasuni namminersorluinnarlutit sulisinnaasariaqarnissat aammalu allaffissornikkut suliaqarnermi tamanik isigisaqarsinnaanissat kissaataavoq

- Kalaallit Nunaanni inuiaqatigiinni piorsarsimassutsimik ilisimaqasaqarnissat kissaataavoq

- Piorsarsimassutsinut allanut ammasuunissat kissaataavoq

- Nammineq ilinniartitsinernut ilinniakkallu ineriartortuarnissaanut ataqatigiisitsisinnaallutillu akisussaaffeqarsinnaanissat kissaataavoq

- Suleqatigiinnerup nukittusarnera takusinnaassavat taamatullu aamma suliat akimorlugit suleqatigiissinnaanerup takusinnaanissaa kissaataavoq

- Akuersaartumik pissuseqarnissat, tutsuiginartuunissat aammalu akisussaaffeqartuunissat kissaataavoq

Kalaallisut oqaaseqartuunissat kissaataavoq ilinniartitsinerit annerusumik kaallisut ingerlanneqartarmata

Atorfiup inuttalerneqarnissaa kissaataavoq:

Februarip aallaqqaataani 2026-mi imaluunniit piaarnerpaamik (01.02.2026)

Qinnguteqarfissap ullua kingulleq:

Januarip 14-iani 2026-mi ullaakkut nalunaaqutaq arfineq-pingasut nallertinnagu (14.01.2026 0800)

Atorfinitsitsinissamut oqaloqatigiinnerit piumaarput tamatuma kingorna

Paasissutissanik allanik piniarnermi attavigineqarsinnaapput:

Teamleder Kirsten P Jensen imaluunniit Ilinniartitaanermi pisortaq Laila Thorsen

Oqarasuaat: +299 38 35 50

Mail: allaffik@pi.sps.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk