Fakta
Atorfiup suussusaa: Arbejdsmiljøkonsulent
Suliffeqarfik:Grønlands selvstyre
Qinnuteqarfissamut killigititaq:15. maj 2026, kl. 12.00
Attavissaq: Aviaja Sinkbæk på mail avsn@nanoq.gl eller tlf. +299 34 64 16.
Suleqatigiinneq, attaveqatigiinneq aaqqiissutissallu attuuttuartussat tunngavigalugit sulinermi avatangiisinik suliaqarusuppit?
Naalakkersuisut Siulittaasoqarfiata ataani Piginnaasanik Aaqqissuussaanermillu Ineriartortitsivimmi (PAI)-mi Kalaallit Nunaanni Namminersorlutik Oqartussat Qitiusumik allaffeqarfiani tamarmi atugarissaarneq, aqutsisunik isumasioqateqarneq inerisaanerlu suliarisarpavut.
Ilisimasat piviusumi suliniuteqarninnguutinneqarnerinut peqataasinnaasumik – aamma inuit allat peqatigalugit angusassarsiorsinnaasumik avatangiisinut siunnersortissarsiorpugut.
Illit inissisimaffiit
Illit inissisimanerit tamatigoortuuvoq suleqatiginninnermillu tunngavilerujussuulluni. Sulisoqarnermut Inerisaavimmi suleqatigiinnut ilaasutut Kalaallit Nunaanni Namminersorlutik Oqartussani aqutsisut sulinermilu avatangiisit qanimut suliarissavatit; SASQA – sulinermi avatangiisinut suleqatigiinnermullu qitiusumik ataatsimiititaliaq aamma SASSA – sumiiffimmi sulinermi avatangiisinut suleqatigiinnermullu ataatsimiititaliaq, kiisalu Namminersorlutik Oqartussat immikkoortuini tamani suleqatit suleqatigisassavatit.
Ataqatigiinnermik siuariartornermillu pilersitsinissaq illit suliassaraat – kisimiillutik sulinak, ilisimasanilli, katersillutit, sulinernik ataqatigiisitsillutit aamma suliffeqarfimmi atorsinnaasunngorlugit.
Avatangiisit pillugit suliat nalinginnaasut, soorlu makku suliarissavatit
sulinermi avatangiisit suliffeqarfimmilu suleqatigiissitanik (SASQA aamma SASSA) tapersersuineq.
SN aamma atugarissaartitsiniarluni suliniarnerit
oqaloqatigiisitsilersineq aamma periutsit atuutilersinneqarneri – PAI amerlanertigut suleqatigalugu,
Periutsit, ataatsimiinnerit malitseqartitsinerillu atorfissaminnik atorneqarnersut peqataaffigisassavatit, suliffeqarfillu tamaat isigalugu sulinerup ataqatigiissuunera qulakkeertassallugu. Ilutigalugu naalakkersuinermik suliallit aqutaanni suliffeqarfimmi sulininni suliniutit aallartinneqannginerminni ataqatigiissarneqartarneri, pituttugaaneri amerlanertigullu akuerineqartarneri sulissutigisassavatit. Taakkua isiginnittariaatsinik arlalinnik ilisimasaqarnissannik tapersersuisoqarnissaanillu pilersitsisinnaanermik piumasaqaatitaqarput. Kalaallisut oqalussinnaaneq pitsaaqutaassaaq kisianni piumasaqaataanani.
Illit suliassatit
Pilersaarusiornermiit malitseqartitsinermut SN-mik suliaqarneq atugarissaartoqarnissaanillu suliniutinik suliaqarnerit
Aqutsisut sullivimmi avatangiisinut akisussaaffeqarneri pillugit siunnersuineq tapersersuinerlu
Suliffeqarfiup pisariaqartitaanit aallaaveqarluni oqaloqatigiisitsilernerit suliniuteqarnerillu
Suliffimmi avatangiisit aamma suliffeqarfimmi suleqatigiisitat (SASQA aamma SASSA) sulinerini tapersersuineq
Sullivimmi avatangiisit PAI-p suliniutai allat imminnut ataqatigissuunissaannik suleqataaneq
Kinaavit?
Suliat tunngavigalugit suliaqartartutit, suleqatigiinnermik iluarisaqartuullutit attaveqalersitsinerlu pikkoriffigigit. Ilutigalugu aaqqiissuussaasumik suliseriaaseqartutit malitseqartitsinerlu akisussaaffigisarit. Sivisuumik arriitsumillu sulisoqarneranut naammagittarsinnaasutit aamma pisut piviusumik atorneqalersisinnaagitit.
Taamaattumik qinnuteqartariaqarputit
Amerlasuunik attaveqartartutut inissisimassaatit aamma Kalaallit Nunaanni Namminersorlutik Oqartussani sullivimmi avatangiisit atugarissaarinerlu allannguiffigissallugit periarfissaqassaatit.
PAI-mi ilaalissaatit, tassani qanimut suleqatigiilluta uatsinnullu pitsaasumik pissusilersorfigaluta sulisarpugut – aamma suliffeqarfimmut iluaqutaasunik aaqqiissutinik inerisaasarpugut.
Akissarsiat atorfeqarnermilu atugassarititat
Sulisoqarnermut suliaqarfimmi inerisaanermut siunnersortip juulip 1-ani 2026-mi atorfininnissaa imaluunniit isumaqatigiissuteqarnikkut kissaatigineqarpoq.
Akissarsiat atorfeqarnermilu atugassarititat, matumani atorfininnermi soraarnermilu angalanissamut pisattanik nassiussinissamut akiliunneqarsinnaatitaanermut piffissami atorfiniffiusumi Namminersorlutik Oqartussat aamma kattuffiup isumaqatiginninniarsinnaatitaasup ilaasortaaffigisap akornanni isumaqatigiissutit naapertorlugit pissapput.
Qinnuteqartunut uppernarsarneqarsinnaasunik piginnaasalinnut misilittagalinnullu immikkut ittumik siunnersortitut atorfinitsinneqarnissaq neqeroorutigineqarsinnaavoq.
Qinnuteqaatit
Atorfik pillugu apeqqutissaqaruit allaffimmi pisortaq Aviaja Sinkbæk maili una atorlugu avsn@nanoq.gl, attavigisinnaavat imaluunniit oqarasuaat una aqqutigalugu +299 34 64 16
Qinnuteqaat CV-mik soraarummeersimanermullu uppernarsaatinik ilalik kiisalu allakkat atorneqarsinnaasut allat ilanngullugit "Qinnuteqaat nassiuguk" toorlugu nassiutissavatit.
Qinnuteqarfissamut killigititaq
Qinnuteqaat kingusinnerpaamik ulloq tallimanngorneq maajip 15-ani 2026 nal. 12.00 nassiuguk. Mail-ikkut qinnuteqaatinik tigooqqaaneq ajorpugut.
Atorfinitsitsinissaq pillugu oqaloqateqarnerit qinnuteqarfissatut piffissaliussap tungaanut qaangiuppallu sapaatip akunnerini arlalinni sapinngisamik pissapput.
Ineqarneq
Atorfimmut atatillugu inissaqartitsisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareeruni sulisutut inissiamik innersuussivigineqarnissamut pisinnaatitaaffik attatiinnarneqassaaq. Sulisutut inigisaq atorfeqarnermut atasuuvoq, atorfeqarunnaarnermilu qimanneqartussaassalluni.
