PAASISSUTISSAT
Atorfiup suussusaa: Pikkorissaanermik aqutsisoq
Suliffeqarfik: Campus Kujalleq
Qinnuteqarfissamut killigititaq: aggustip 22.-at, 2025 13:00
Attavissaq: Aaju Simonsen e-mailikkut: as@cak.gl imaluunniit oqarasuaatikkut: +299 647886.
Pikkorissaanermik suliaqarnikut ineriartortitserusuppit? Siulersuinermik piginnaasaqarpit kiisalu takornarialerinikkut sunniuteqarnissamut piumassuseqarpit? Taava immaqa Campus Kujallermi pikkorissaanermik aqutsisutut naleqquttuusinnaavutit. Killilimmik atorfik ukiumut tiimit 1080-t missaani ingerlanneqartarnissaa naatsorsuutigineqarpoq, tassa suliffiusup nalingiinaasup 60%-anik naleqarluni.
Sulilernissamut ulluliussaq: 1. september 2025 imaluunniit isumaqatigiissuteqarnikkut.
Pikkorissaanermi aqutsisutut suliassatit
Pikkorissaanermik aqutsisutut suliassatut akisussaaffigissavatit pilersaarusiorneq, ineriartortitsineq taavalu pikkorissaanernik ingerlatat naammassineqarnissaat, Campus Kujallermi immikkoortortat tamaasa suleqatigalugit, pingaartumillu Takornarialerinermik Ilinniarfik qanimut suleqatigalugu takornariaqarnermik inatsisip piumasaqaataanik naapertuutitsilluni. Illit qitiusumik ilinniartitsisut, aqutsisut kiisalu takornarialerinermik ingerlatsisut suleqatigiisinnissaat aallutissavat.
Suliffiup imarai:
- Pikkorissartitsinerit pilersaarusiorlugit ineriartortinneri, ilinniartitsisut aqutsisullu peqatigalugit
- Pikkorissaatitsinermi imarisassat suliassallu naleqquttuunissaat pitsaasuunissaallu qulakkeerinninnerit
- Allaffissornikkut suliassat isumagisassat: peqataaniarluni nalunaarsuinerit, pilersaarusiorneri kiisalu naliliinerit
- Aaqqissuussamik suliffeqarfiit, kommunit aamma peqatigiiffiit akornini attaveqaatissanik pilersitsineq
- Pikkorissaanermik immikkoortortaqarfiup ineriartonissaa aaqqissuussamik suliaqarnissamik peqataaneq.
- Campus Kujallermi pikkorissartitsinermut neqeroorutit nittarsaanneqarnissaat pillugu suliaqarnermut peqataaneq
Naatsorsuutigaarput:
- Attuumassutilimmik ilinniagaqarsimanissat – takornarialerinermik misilittagaqarneq iluaqutaassaaq
- Pikkorissaanermik, ilinniartitsinermillu pilersaarusiornermik imaluunniit suliniutinik aqutsinermik misilittagaqarneq
- Aaqqiissuteqarsinnaaneq, suleqatigiilluarsinnaaneq aammalu aallussilluarsinnaaneq
- Kalaallisut, danskisut aammalu tuluttullu attaveqaqatigiinnermut piginnaaneqarluarneq
- Ilinniartitaanermut aaqqissuussinermut, inuiaqatigiinnut aammalu takornariaqarnermut inatsisimut ilisimasaqarneq imaluunniit soqutigisaqarneq
Neqeroorutigaavut:
- Suliffik pissanganartoq assigiinngitsunillu suliaqarnermik ineriartortitsinissamillu periarfissiisoq
- Tunniusimasumik suleqatigiiffiusumik tunngavilinnik avatangiiseqartoq
- Inuttut aamma sulisutut ineriartortitsinissamut pitsaasumik periarfissiisoq
- Suleqatit aammalu suleqatigisartakkat pikkorissut suleqatigiilluarsinnaasullu
- Suliffeqarfik soqutiginartoq Nunatta kujataani inissisimasoq
Immikkut aaqqiisoqarnikkut Niuernermik Ilinniarfimmi atuartitsinermik atorfik ilaterneqarsinnaavoq, taamaalilluni atorfik tamakkiisuunerusoq anguneqarsinnaalluni.
Campus Kujallermi Takornarilerinermik immikkoortortaqarfik Campus Kujallermut ilaavoq, tassani EUD aamma Ilinniarnertuunngorniarfik immikkoortortaqarlutik. Takornarialerinermik ilinniarfimmi suliffeqassaatit, kisianni pisariaqartitsisoqartillugu immikkoortortani allani suliassinneqartarsinnaavutit.
Qinnuteqarfissamut killigititaq:
Tallimanngorneq 22. august 2025 nal. 13:00. Atorfimmut oqaloqatiginninnerit ataavartumik ingerlanneqarsinnaapput.
Sulilernissaq: 1. september 2025 imaluunniit isumaqatigiissuteqarnikkut.
Paasissutissanik pisariaqartitsiguit attaveqarfigisinnaavat Ilinniartitaanermik pisortaq Aaju Simonsen e-mailikkut: as@cak.gl imaluunniit oqarasuaatikkut: +299 647886.
Oqaloqatiginninnerit Teams atorlugu imaluunniit Campus Kujallermi pisassapput – kingusinnerpaamik ulloq 28. august 2025 naammassineqassapput.
Akissarsiat atorfininnerlu
Akissarsiat atorfinitsitaanermilu atugassarititaasut isumaqatigiissutinut atuuttunut naapertuupput.
Ineqarneq
Atorfininnermi imaluunniit soraarnermi angalanissamut imaluunniit ineqarnissamut periarfissaqanngilaq.
Qinnuteqaat nassiuguk
Qinnuteqaat, CV, ilinniarsimanermut pikkorissarsimanermullu uppernarsaatit kiisalu allanik naleqquttunik takussutissat kakkiussorialugit ”Send ansøgning” toorlugu nassiuguk. E-mail atorlugu qinnuteqaatinik tigusineq ajorpugut.
Qinnuteqaat nassiuguk
