Pilersaarusiornermi siunnersorti

Kalaallit Nunaata suliffeqarfiutaata annersaanni pilersaarusiornikkut periusissiaq pilersinguk

Kalaallit Nunaata siunissaanut ilusilersueqataangit

Royal Greenland Kalaallit Nunaanni suliffeqarfiit annersaraat nunarsuarmilu piujuartitsilluni aalisarnermi aalisakkanillu tunisassiorfinni siuttuusut ilaattut inissisimavoq. Kalaallit inuiaqatigiivinut atassuserujussuarpugut, suliffissaqartitsinermilu, avammut niuernermi inuiaqatigiinnillu ineriartortitsinermi qitiusumik inissisimaffeqarluta. Niuernermut periusissarput nutaaq INUA 27 tunngavigalugu ukiuni aggersuni anguniagaqarpugut, piujuartitsisumik ineriartorneq, naleqartitaqalerneq, pitsaasumik naammassinninneq immallu pisuussutaanik akisussaassuseqarluta atuineq pingaartillugit.

Periusissiaq tamanna niuernermut tunngaannarani aamma Kalaallit Nunaannut inuiaqatigiinnullu ilaaffigisatsinnut siunissaq ungasinnerusoq eqqarsaatigalugu naleqartitsinissamut tunngavoq.

Pilersaarusionermi siunnersorti

Aalajangiinissamut tunngavissaqarluarnissat saqqummiussilluarsinnaanissarlu qulakkeerniarlugu pisortaanerup qullersallu qanimut suleqatiginissaat kajumigisarpiuk?

Suliffinni pilersaarusiornermut, pilersaarusiornermik naammassinninnermullu tunngassuteqartuni EMT-llu siulersuisuisa ataatsimiinnerinut piareersarnermut tunngassuteqartuni ingerlalluartarpit?

Aamma takorloorsinnaaviuk suliffeqarfimmi nunanit tamalaanit suleqatigineqartumi aammalu Issittumiittumi misissueqqissaarsinnaanerit attaveqarluarsinnaanermilu piginnaasatit suliffimmi atorluarsinnaallugit?

Taava immaqa tamanna atorfik tulliani suliffigilersinnaavat.

Suliffik pillungu

Suliniutinik pilersaarusiornermi siunnersortitut annertuumik tatiginartumillu akisussaaffeqalissaatit aammalu pisortaaneq, aqutsisoqatigiit siulersuisullu qanimut suleqatigalugit.

Suliffimmi tamatumani periusissianik suliaqarneq nalinginnaasoq ingerlanneqartarpoq aamma aqutsisunut tapersersuineq pingaaruteqarput, tassanimi pitsaassuseq, aaqqissuussaaneq piffissarlu aalajangiisuummata.

Suliassatit il. makkuupput:

· Suliffeqarfiup iluani tamani INUA 27 atuutsinneqarneranik tapersiinikkut tunngavilersuineq

· Periusissianik misissueqqissaartarneq, aalajangiinissamut tunngavilersuisarneq niuernermullu tunngatillugu nassuiaanerit

· Siulersuisut ataatsimiinnerini EMT-llu ataatsimiinnerini saqqummiussat, atortussat oqalugiaatinillu piareersaanerit

· Suliffeqarfinni aqutsinermut tunngatillugu ajornartorsiutinik aaqqiinissamut atatillugu pisortaaneq sulisullu nakorsallu ataavartumik siunnersuisarnertik immikkut pisariaqartitaqaraangat ikiuunneq

· Suliniutit, aningaasaliinerit ineriartortitsinerullu periarfissaasa nalilersornissaannut suliniuteqaqataaneq

Taamaattumik suliassami tamatumani pingaarnersiuineq annikitsualuillu pillugit suliaqarneq, aalajangiinerit saqqummiussinerillu eqqoqqissaartuunissaat, peqqissaarluarsimanissaat atorneqarsinnaanissaallu qulakkeerniarlugit iliuuseqarneq pikkorissarfigisariaqarpat. Tamannali anguniarlugu, angusaqarusussuseq pingisariaqarpat, piareersarluarnikkut suliamik naammassinnilluaasinnaaneq, naleqartitsinikkut pilersitsineq aqqutigalugu aqutsisut qanimut suleqatigalugit, aamma suliassat ilungersunaraluarpata, piffissartornaraluaraangata imaluunniit ‘nuannarineqanngikkaluarpata’ suliarisinnaaneri pingaaruteqarpoq.

Suliffik tamanna Kalaallit Nunaanni suliffeqarfiit annersaanni aalajangiisarnermik immikkut ilisimasaqalersitsisarpoq.

Periusissiornermut immikkoortortaqarfimmi sulissaatit, tassanilu Nicolai RodeJørgensen, periusissiornermut pisortaasumut nalunaaruteqartassallutit.

Illit

Takorloorpatsigit suliassat tungaatigut eqqarsarluarsinnaasutit, aaqqissuussaasumik sulisinnaaneq, avatangiisinilu assigiinngitsorpassuarni, amerlasuunillu soqutiginnitsilinnik suliaqarfiusuni sulisinnaasutit.

Aammali piviusorsiortuussaatit, misissueqqissaarnerit tunngavigalugit siunnersuutinik iliuusissanillu tigussaasunik saqqummiussisinnaallutit.

Aammattaaq uku kissaatigaagut:

· Ilinniarnertuunngorniarfinni ilinniagaqarneq aammalu ukiuni marlunni- tallimaniluunniit siunnersuisarfimmi (periusissiornermut/aaqqiissutinulu tunngatillugu) imaluunniit suliffeqarfimmi iliuusissanik pilersaarusiornermik misilittagaqarnissaq.

· Eqqarsallaqqissuuneq, ajornartorsiutinillu aaqqiinermik misilittagaqarluartuuneq aammalu suliassanik aqutsinermut misilittagaqarneq

· Excel-imik aammalu PowerPointimik atuillaqqinneq

· Immikkut ilisimasallit, kulturit assigiinngitsut aqutsisullu assigiinngitsut suleqatigiilluarsinnaavatit

· Inuttut anguniagaqartuuvutit aammalu ilimagisamiik pitsaanerusumik angusaqarusuttuullutit

· Inunnut misiginneqataasinnaaneq piginnaasaraat, tatiginartuuneq aammalu suleqatigiinnikkut nuannersumik tunniussaqarsinnaaneq

· tuluttut qallunaatullu oqalussinnaaneq – kalaallisut oqalussinnaaneq iluaqutaassaaq

Pilersaarusiornermi siunnersortitut atorfik ineriartorfiusoq

Royal Greenlandimi periusissiortuusinnaasumik ujaasiinnarnata, aammali inummik Kalaallit Nunaanni inuiaqatigiinnut sunniuteqarluartumik iliuuseqarusussuseqartumik ujaasivungut.

Nuummi najugaqarluni sulissangaanni, alapernaatsuuneq, inuttut nukittuneq, nutaanillu misiliiumassuseqarneq inuttut pingineqariissapput. Nuummi inuuneq illoqarfissuarniik allaaneruvoq, ulluinnarlu sakkortusinnaalluni.

Ulluinnarilissavallu suleqatit, aqutsisut aammalu pinngortitaq qanimut avatangiiseralugit sulineq. Maani suliffeqarfimmi isumassarsiaqarnermiik, periusissiorneq aqqutigalugu timitaliineq ulluinnaraarput.

Illit ujartorpatsigit, suliffeqarfimmi naleqartitsinikkut pilersitseqataasinnaasoq aammalu suliffiup iluani ulluinnaallu allaanerulluinnartup ataqatigiissaarinikkut pingaaruteqarluinnartumik inissisimallutit allanngueqataasinnaasoq.

Taamaattumik neriuutigaarput illit:

· Kalaallit Nunaanni inooriaaseq alapernaaffigissagit, aammalu isiginnittariaatsit assigiinngitsut nutaat inuttut ammaffigissavatit

· Akisussaaffeqarsinnaallutillu nammineq sulisinnaassaatit

· Kulturit assigiinngissutaasa paasiuminaassusiat periarfissanillu takunnissinnaaneq pingeriiissavatit

Pisinnaasaqaruit piumassuseqaruillu suliffiinnarmik neqeroorfingiinnanngilatsigit, inuunermili misilittagaqalernissat neqeroorutigissavarput, tassanilu suliakkut inuttullu ineriartorsinnaavutit

Paasissutissat pingaarutillit

Suliffik Nuummi Royal Greenland-ip qullersaqarfianiippoq. Nuummi najungaqareersimanngikkuit, Royal Greenland nuunnissamut tunngasunik ikiuisinnaavoq.

Soqutinginnippit?

Qinnuteqaatit ataani tuugassaq aqqutigalugu nassiutissavat.

Qinnuteqarnissamut killigititaq tassaavoq 15. februaari 2026 – qinnuteqaatilli nalilersortuartarpavut, suliffillu pillungu oqaloqatiginninnissamut qaaqqusiuarluuta.

Atorfik pillungu apeqqutissaqaruit, uku attavigeriaannaavatit: 

• Nicolai Rode Jørgensen, Periuusissianik pilersitsinermut Pisortaq, oqarasuaat. +45 41 88 26 65 (Akisussaaffiit aammalu suliassanut tunngasut)
• Tomas Rotovnik, Sulisoqarnermut ingerlatsinermut aqutsisoq, oqarasuaat +299 58 13 15 (Nuuk aammalu Kalaallit Nunaat)

Qinnuteqarnissamut killissarititaasoq: februaarip 15.-at, 2026

Atorfik una qinnuteqarfigiuk