Pilersaarusiornermut immikkoortortaqarfimmut illoqarfimmik pilersaarusiortoq

Nuummi Pilersaarusiornermut immikkoortortaqarfimmut illoqarfimmik pilersaarusiortoq – Suliassat assigiinngisitaartut kommunimi aamma illoqarfiup ilaanut pilersaarusiorneq pingaartillugu

Kommuneqarfik Sermersuumi arlalinnik pissangarnartunik pilersaarutinik ulapputeqarpugut, taamaattumillu tamanna pillugu immikkoortortaqarfimmi illoqarfimmi pilersaarusiortumik ataatsimik kommunimi aamma illoqarfiup ilaanut pilersaarusiornermik ikorfartuisussamik pissarsiorpugut

Uagut pilluta:

Kommuneqarfik Sermersuumi suleqatigiiuvugut amerlanngitsut uummaarissut kommunimi pilersaarusiornermik siammasissumik suliallit - illoqarfiit pingaarnersaanni inoqarfinni mikisuni aamma nunaannarmi pilersaarutit ukkataraavut. Uagut suliassavut assigiinngisitaartuupput aamma pilersaarusiornermik tamakkiisumik najukkamilu piginnittuunermik piumasaqaatitaqarput. Nammineq suliniuteqarneq, suleqatigiinneq aamma suliassanik tigusisinnaanermik periaaseqarneq aqqutigalugit kikkut tamat piginnaasatik isumassarsiatillu tunngavigalugit ilanngussaqataasarnerat.

Atorfik pillugu:

Illoqarfimmik pilersaarusiortumik tunniusimasumik Kommuneqarfik Sermersuup najugaqarfittut pitsaasuuginnarnissaanut tapertaasussamik pissarsiorpugut. Suliffimmi suleqatigiinni avatangiisinik ineriartortitsinissap pingaaruteqarnera takusinnaavat aamma kommunimi illoqarfiullu ilaanut pilersaarusiornermi suliassanut assigiinngiiaartunut aamma illoqannginnersanik ineriartortitsinissamut akisussaaffeqalissaatit. Suliassatit pingaarnerit makkuussapput:

∙Kommunimut pilersaarusiorneq: Kommuni aamma illoqarfiup ilaanut pilersaarutit iluarsaqqinneqarnerannik atulersinneqarnerannullu peqataaneq, taakkununnga ilanngullugit paasiniaaqqissaarnerit innuttaasunillu peqataatitsinerit.

∙Suliniummik aqutsineq: Suliffeqarfiup iluani avataanilu suleqatitit peqatigalugit illoqarfimmik ineriartortitsinermik suliniutit aalajangersimasut aquttuuffiginerat.

∙Suleqatigiinneq aamma ataqatigiissaarineq: Suleqatit, kommunimi immikkoortortat allat, avataanit siunnersortit, innuttaasut soqutigisallillu qanimut suleqatiginerat.

∙Allaffissorneq aamma attaveqaqatigiinneq: Allakkianik, nassuiaatinik, saqqummiussassanik attaveqaqatigiinnermilu atortussanik allanik suliaqarneq suliffeqarfimmi avataanilu tigusisussat atugassaannik.

Illit ilisarnaatitit:

Ataani kissaatigisatut perusutatsinnik arlalinnik naammassinnissinnaanerit iluaqutaassaaq

∙Illoqarfimmik pilersaarusiornermut tunngasunik, titartaasartutut, urban designeritut assigisaannilluunniit illoqarfimmik pilersaarusiornermut, pilersaarutinik aqutsinermut aamma peqataatitsinermut tunngasunik ilinniagaqartutit

∙Takorluukkatit titartaganngortissinnaavatit nunap assinngortillugillu paasinartunngortillugit

∙Qarasaasialerinermik ajornanngippat aamma GIS, autocad aamma Adobemik ilisimasaqarluartutit

∙Kalaallit oqaasiinik kulturiannillu ilisimasaqarneq

∙Illoqarfiup ilaanut pilersaarusiornermik aamma illoqarfimmik ineriartortitsinermik - kommunimut tunngatilluguluunniit misilittagaqarnissat iluaqutaassaaq piumasaqaataanngilarli

∙Namminersorsinnaassutit, aaqqissuussaasumik aaqqiissuteqarnissamillu siunertaqarlutit sulisinnaasutit suliassat assigiinngitsut ataatsikkut isumagisinnaanerat ilanngullugu

∙Suleqatigiinni inuttakitsunnguani sulinissamut kajumissuseqartutit, tassani eqaatsumik suleqateqarsinnaanermillu periuseqarneq pingaaruteqarluinnarpoq

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli

Neqeroorutigaavut:

∙Ineriartortitsinissamut periarfissat pitsaasut: Illoqarfimmik kommunimillu pilersaarusiornermut, suliniutinik aqutsinermut aamma innuttaasunik peqataatitsinermut piginnaasanik ineriartortitsinissamut periarfissat.

∙Nammineersinnaalluarneq: Nammineq suliniutinut suliassanullu akisussaaffeqarneq, illit nammineq kommunimi ineriartornermut sunniuteqaqataasinnaavutit.

∙Suliffimmi avatangiisit soqutiginnittut ilumoorsaartuaannanngitsut, suleqatit pitsaasut aamma sulinermi atugassarititaasut eqaatsut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Pilersaarusiornermut pisortaq Runa Sværd, oqarasuaat +299 55 54 84 imaluunniit e-mail: ruma@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 269-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit: 

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: apriilip 1.-at, 2026