Piniarnermut Aalisarnermullu immikkoortortami TNI-mi ilinniartoq

Kommuneqarfik Sermersooq Sanarfinermut Avatangiisinullu Ingerlatsivimmi Piniarnermut Aalisarnermullu immikkoortortami TNI-mi allaffimmi ilinniartumik pissarsiorpoq.

Immikkoortortaq kommunip allaffiani inissisimavoq, Innuttaasunik Kiffartuussivimmiilluni tassanilu innuttaasut saaffiginnissutaat Piniarnermut Aalisarnermullu suliassaqarfimmut kiisalu Kommuneqarfik Sermersuumi ingerlatsiveqarfinni pisuussutinik uumassusilinnik aqutsinermut tunngasut suliarineqartarput. Immikkoortortaqarfik marlunnik sulisoqarpoq.

Akisussaaffeqarfiit:TNI-mi ilinniartumik pissarsiorpugut, tamaani innuttaasunut pitsaasumik eqqortumillu sullissineq kommunip pingaarnertut suliassaatut isigineqarpoq. Akisussaaffeqarfiit assigiinngillat – umiatsiaaqqat uuttuutaannit piniakkanut killilersukkanut akuersissutinik tunniussinernut. Innuttaasunik Kiffartuussivik qanimut suleqatigineqarpoq.

Taamaattumik tulluusimaarutigalugu ataatsimoortut, suliffiup avatangiisaanik eriaginnittut innuttaasunillu pitsaanerpaamik ataqqinaatigalugu kiffartuusserusuttut akornanniilissaatit.

∙Kommuneqarfik Sermersuumi pisuussutinik uumassusilinnik immikkoortumi aqutsineq

∙Aalisartunut, piniartunut, sunngiffimmi pinialuttartunut, aalisarnermut kattuffinnut 

∙Namminersorlutillu Oqartussanut attaveqarneq

∙Qinnuteqaatinik piniarnermut aalisarnermullu tunngasunik suliaqarneq

∙Angallatinik nalunaarsuineq

∙Aalisartut illuaraannik aqutsineq

∙Suliassat takkussuuttut assigiinngitsut

Suliassat isumagineqartarput Piniarnermut Aalisarnermullu Immikkoortortami sulisut sinneri Innuttaasunullu Kiffartuussivik qanimut suleqatigalugit.

Qinnuteqartunit naatsorsuutigisat:

∙Pitsaasumik inunnik isiginnittariaaseqassaatit saaffigiuminarlutillu

∙Tamakkiisumik isiginnillaqqissuussasutit aaqqissuussamillu suleriaaseqarlutit

∙Imminut kiffartuunnermut aaqqiissutissanik soqutigisaqassaatit

∙Kalaallisut danskisut ajornanngippallu tuluttut oqaluttariarsornikkut allattariarsornikkullu piginnaasaqarluarneq

∙Suliffiit ataqqissagit / malittarisassat atuuttut ataqqissagitit

∙Aalajaatsoq, tatiginartoq qiimasorlu

Pingaartipparputtaaq:

∙Alapernaatsuussasutit nutaanillu ilikkagaqarnissamut sapiissuseqartuussasutit

∙Tamakkiisumik takunnissinnaalluni ataatsikkut arlalinnik suliaqarsinnaasoq

∙Allattariarsornikkut oqaluttariarsornikkullu ersarissumik paatsuugassaanngitsumillu attaveqarsinnaasoq

∙Nammineerluni sulisinnaasoq, akisussaassuseqartoq sullissiumatoorlu

∙Sulianut atatillugu eqaatsumik periuseqarneq suliallu agguaanneqartarneranni aaqqiissuteqartuarsinnaasoq

·Ulloq ulapaarfiugaluarpalluunniit ukkatarinnilluarsinnaasoq ataqatigiissitsilluarsinnaasorlu

∙Tatitooq, namminersorluni aallarniiniartartoq, nukissaqarluartoq piumassuseqarluartorlu

∙Siammasissumik suleqateqarluarsinnaasoq

∙Marlunnik oqaaseqartuuneq, kalaallisut qallunaatullu, iluaqutaassaaq tamannali piumasaqaataanngilaq.

Neqeroorutigivagut:

∙Suleqatit pitsaasut suleqatigiuminartut

∙Suleqatit aamma aqutsisut akornanni suleqatigiilluarneq aamma siunersiueqatigiittarneq

∙Ileqqut tunngavigalugit suliassat

∙Suliffik akisussaaffimmik tigusinissamut aamma nammineerluni sulisinnaanissamut pitsaasumik periarfissiisoq

∙Piffissaliussat aalajangersakkat malillugit sulineq ilinniarneqartarpoq ulapaartoqartarlunilu

Pineqaatissinneqarsimannginnermik uppernarsaat:

Atorfimmut uunga atatillugu pineqaatissinneqarsimannginnermik uppernarsaammik pissarsinissaq inatsisitigut pisussaaffiuvoq. Inatsit naapertorlugu kommuneqarfik pineqaatissinneqarsimannginnermik uppernarsaammik pissarsippat atorfinitsitsineq aatsaat pisinnaavoq. Taamaattumik maluginiaqqussavarput atorfinitsitsineq aatsaat isumaqatigiissusiorfigineqarsinnaammat kommuneqarfik pineqaatissinneqarsimannginnermik uppernarsaammik Politiinit tigusaqareerpat.

Akissarsiatigut atorfinitsitsinermilu atugassarititaasut:

Naalakkersuisut, Finansministeriap aammalu Sulinermik Inuussutissarsiuteqartut Kattuffiata inuussutissalerinermi ilinniagaqarsimasut pillugit isumaqatigiissutaat naapertorlugit akissarsiaqartitsisoqarlunilu atorfeqartitsisoqassaaq.

Inissaq:Atorfimmut atatillugu inigisassamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Aqutsisoq Agnes Olsen attavigisinnaavat, oqarasuaat. +299 36 74 56 imaluunniit e-mail: agno@sermersooq.gl

Qinnuteqaat:

Qinnuteqaat Atorfiup normuanik 368-26-mik nalunaaqutserlugu aamma ilinniagaqarsimanermut siornatigullu suliffigisimasanit uppernarsaaserlugu, ulloq tunniussivissaq kingulleq nallertinnagu nassiunneqarsimassaaq.

Imatut qinnuteqassaatit:

Qinnuteqaatit elektroniskimik nassiunneqassapput, quppernermi matumani allerpaami innersuussaq toorukku qinnuteqaatit CV-llu kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpavut, qinnuteqaatit sulisussarsiorneq aqqutigalugu nassiunneqarnissaat inussiarnersumik piumasarineqarpoq.

Qinnuteqarnissamut killissarititaasoq: apriilip 28.-at, 2026