Piniarnermut nakkutilliinermi assistenti

Kalaallit Nunaanni Aalisarsinnaanermut Piniarnermullu Nakkutilliisoqarfik (KANUAPNA), Ittoqqortoormiit/Nuuk -mi Piniarnermut nakkutilliinermi assistentimik pissarsiorpoq

Nunap immikkoortuini allafimmi Nuummiittumi piniarnermik nakkutilliinermi assistentimik piginnaasaqarluartumik sullisserussuseqartumillu, suliassarpassuarnik unammartunik suliarininittussamik sulisussarsiorpugut. 

Atorfik inuttassarsiugaq Ittoqqortoormiini inissisimavoq, immikkoortortaqarfimmut Nuummi inissisimasumi ulluinnarni attaveqartussaalluni. Immikkoortortaqarfimmi Nakkutilliisut sulisut arfineq marluupput. 

Pingaarnertut suliassat tassaapput aalisarnermik nakkutilliisut piniarnermillu nakkutilliisut qanimut suleqatigalugit Kalaallit Nunaanni aalisarnermik piniarnermillu nakkutiginninneq nakkutilliinerlu.
 
Piginnaasat 

• Aalisarnermik piniarnermillu naleqquttumik ilinniagaqarneq piginnaasaqarnerlu

• Issittumi tunngaviusumik ilinniarsimaneq iluaqutaassaaq (Arktisk Basisuddannelse)

• Immikkoortumi aalisarnermi, piniarnermi aallaaniarnermilu inatsisinik nalunaarutinillu ilisimasaqarneq, piniutinillu ilisimasaqarneq

• Nammineerlutit sulisinnaassaatit aalajangiisinnaallutillu, aamma piffinni ulapiffiusuni

• Aalajaatsuuvutit tamanillu takunnilluarsinnaallutit

• Suleqatinut suleqatigisanullu attaveqatiginnilluarsinnaavutit suleqatiginnilluarsinnaassuseqarlutillu

• Inorortuuvutit, tamatigoortuullutit ilungersunartoqartillugulu sulisinnaassuseqarlutit

• Pinerluuteqarsimannginnermut allagartaqassaatit

• Peqqissuuvutit, timikkullu nukittuujullutit

• Biilinik ingerlatsisinnaanermut allagartaqaruit iluaqutaassaaq

Suliassat 

• Nakkutilliineq annerpaamik Ittoqqortoomiini eqqaanilu ingerlanneqassaaq

• Nunami immamilu aallaanianik piniartunillu nakkutilliinermi peqataaneq

• Nakkutilliinermi uppernarsaatinik qulakkeerinninneq

• Nakkutilliinermi angalanermiillu nalunaarusiorneq

• Allafffissornermi suliassat, tassunga ilanngullugit atortunik aserfallatsaaliuineq iluarsaanerlu

• Piniarnermi malittarisassanik piffissanillu eqqissisimatitsivinnik siunnersuisarneq ilitsersuisarnerlu

• Najukkami kommunimi oqartussanut aamma aalisartut piniartullu kattuffiinut attaveqarneq

• KANUAPNA-mi aalisarnermik nakkutilliisut piniarnermillu nakkutilliisut suleqatigalugit aalisartunut, piniartunut kommuninilu siunnersortinut paasisitsiniaasarnerni peqataaneq

Piffissaq suliffik allanngorartuussaaq, aammalu sulinissamut piareersimasuunissamullu pilersaarutit qaammatikkaartumik siumut suliarineqartartut malillugit sulisoqartarluni. Ullup unnuallu ingerlanerani piffissani tamani sapaatillu akunnerani ulluni tamani sulisarnissat piareersimaffigissavat.

Pikkorissarnerit aalisarnermut piniarnermullu nakkutilliinermut tunngasut, ingerlanneqartillugit peqataaffigineqartassapput. 

Illit pillutit

Sullisserusuttuunissat, ikiuukkumatuunissat ullinnarnilu sulinermi nuannaartuunissat pingaartippagut. Aaqqissuussamik sulisinnaassaatit suliassallu pitsaasut piffissarlu eqqorlugu tunniussinnaassavatit naammassillugillu. Pisariaqartillugu sulinerusinnaasarnissat aamma pingaartittarput.

Kalaallit Nunaanni Aalisarnermut Piniarnermullu Nakkutilliisoqarfiup soqutiginnittut tamaasa qanoq tunuliaquteqarneq apeqqutaatinnagu atorfimmut qinnuteqarnissaannik kaammattorpai.

Ilinniarsimanermut uppernarsaatit, pinerlussimannginnermillu allagartat qinnuteqaatimut ilanngunneqassapput.

Ulloq qinnuteqarfissaq kingulleq:

Augustip 12-at  2026

Atorfininnissaq

Sapinngisamik piaartumik inuttaleerusuppugut imaluunniit isumaqatigiissuteqarneq tunngavigalugu.

Atassuteqarfissaq:

Atorfik pillugu apeqqutissaqaruit Aalisarnermut Piniarnermullu Nakkutilliisoqarfimmi Nuummi Region-imi Aqutsisuugallartumut Dennis Rasmussen-imut mail: dras@nanoq.gl imaluunniit oqarasuaatikkut  +299 34 56 86 attaveqarnissamut tikilluaqqusaavutit.

Pinerluuteqarsimannginnermut uppernarsaat

Atorfinitsitaaneq pinerluuteqarsimannginnermut takutitsisinnaanermik piumasaqaateqarpoq.

Pinerluuteqarsimannginnermut uppernarsaat atorfinitsitsiniarnermut atatillugu aaniarneqassaaq.

KANUAPNA pillugu

Kalaallit Nunaanni Aalisarneq, Piniarneq aamma Pinialunneq pillugit Kalaallit Nunaanni Aalisarnermi- aamma Piniarnermi Nakkutilliisut (KANUAPNA) aqutsillutillu, alapernaallutillu aamma nakkutilliisuupput. KANUAPNA pingaarnertut anguniagarivaa Kalaallit Nunaanni Namminersorlutik Oqartussat aalisarneq- aamma piniarneq pillugit inatsisaat malitsinneqarnissaat qulakkiissallugu; tassunga ilanngullugit maleruagassat nunat illugiillutik aalisarneq pillugu isumaqatigiissutaasa imaluunniit Kalaallit Nunaata nunat tamalaat aalisarnikkut suleqatigiiffigisaanni peqataatillugu atuutsitani malitsitsinissaq. Suliaqarneq Aalisarnermut aamma Piniarnermut Naalakkersuisoqarfik qanimut suleqatigalugu ingerlavoq.

KANUAPNA Nuummi qitiusumik allaffeqarfeqarpoq kiisalu nunap immikkoortuani allaffeqarfiit pingasut, Sisimiuni, Ilulissani aamma Nuummi inissisimasut. Qitiusumi allaffeqarfimmi sulisut 17-iupput taakkua aaqqissugaanerat immikkoortortaqarfinnut sisamanut aggulunneqarsimasuupput: IT-mut Nunallu Tamalaat Akornanni Suleqatigiinnermut, Nakkutilliineq, Aningaasaqarneq aamma HR. Nakkutilliinermut immikkoortortaqarfimmi nakkutilliinermi sulisut aalisarneq pillugu nakkutilliillutik alapernaarsuisut 11-iupput, kiisalu nunap immikkoortuani allaffinni katillugit 17-it aalisarnermi aamma piniarnermi nakkutilliisuusut.

Takuuk aamma www.kanuapna.gl.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Ineqarneq

Atorfimmut atatillugu inissaqartitsisoqanngilaq. Imaappat qinnuteqaateqartoq qinnuteqaateqarnermi nalaani Namminersorlutik Oqartussat ataanni atorfeqarnermini ineqareersoq, taava atorfimmut atasumik inissaqartitsisoqarnera attatiinnarneqarsinnaavoq. Atorfeqarnermi inissaqartitaaneq sulinermut atatillugu inissiaavoq tassungalu atatinneqassalluni aamma tamanna atorfeqarunnaarnermi qimanneqartussaalluni. 

Qinnuteqaatit nassiuguk, CV, ilinniarsimanermut uppernarsaat- aamma pikkorissarsimanernut uppernarsaatit, kiisalu uppernarsaatit attuumassuteqarsinnaasut allat ilannguteriarlugit ”qinnuteqaat nassiuguk” toorneratigut. Qinnuteqaatinik e-mailikkut nassiussanik tigusisanngilavut.