Pinngortitamut Avatangiisinullu Naalakkersuisoqarfiup aqutsinermut allattoqarfiani attaveqaqatigiinnermut siunnersorti

Ulloq atorfiniffissaq: 1. maaji 2026-mi imaluunniit isumaqatigiissuteqarnikkut piaarnerpaamik atorfinitsitsisoqassaaq. 

Attaveqaqatigiinnermut siunnersortimik misilittagalimmik namminersorsinnaasumillu, oqartussaasunut qaffasissumik siunnersuisinnaasumik, tamatumalu peqatigisaanik attaveqaqatigiinnermi pilersitanik nukittuunik, eqqortunik oqartussaasunillu qanitaqarfiusunik suliaqarsinnaasumik pissarsiorpugut.

Upalungaarsimanermi, inuiaqatigiit isumannaassusianni, pinngortitami, avatangiisini silallu pissusiani attaveqaqatigiinnermut sulianik nukittorsaaqataasinnaassaatit.

Atorfimmi politikkikkut allaffissornikkullu avatangiisini isumannaatsumik aqqutissiorsinnaanissat, aammalu oqartussaasunut qaffasissumik ikiuussinnaanissat atorfimmi pisariaqartinneqarpoq. Periusissiornermi aalajangikkat attaveqaqatigiinnermut aalajangersimasumut naammassisaqarfigisinnaassagitit naatsorsuutigineqarpoq. Aalajangiinermiit nammineerlutit tusagassiorfinnut nalunaarummik allassinnaassaatit, innuttaasunik ataatsimiititsinissanik pilersaarusiorsinnaassaatit, sammisaqartitsinissat pilersaarusiorsinnaassavatit, videokkullu saqqummiussassanik suliaqarsinnaassaatit.

Suliassatit pingaarnerit tassaassapput:

Periusissiorluni siunnersuineq:

• Ajornartoornerni Namminersorlutik Oqartussat sinnerlugit attaveqaqatigiinnernik ataatsimoortunik pilersitseqataaneq

• PAN-imi naalakkersuisoqarfiup pisortaaneranut siunnersuineq aamma Naalakkersuisut attaveqaqateqarnera pillugu suleqateqarneq.

• Oqartussaaffinni suliani ingerlasuni sumiiffissisarnermut, piffissaliisarnermut ulorianartorsiorfinnillu naliliisarnernut ikiuunneq.

Ajornartoornerni attaveqaqatigiinnermut siunnersortissaq, aamma ulluinnarni Naalakkersuisoqarfimmi sulisussaq qanittumik suleqatigisassavat. Ataatsimoorlusi qulakkiigassarissavasi:

• Oqariartuutit ataqatigiinnissaannik aammalu piffissaalluarallartillugu attaveqaqateqarnissamik qulakkeerisarneq.

• Pisariaqartillugu avataaniit siunnersortinik suleqateqarnissamik ilusilersuineq.

• Tusagassiorfinnik suleqateqarnermik allanngutsaaliuineq ineriartortitsinerlu.

Sullissinermi suliat saqqummiisarnerlu: 

• Naalakkersuisut nassitsisutut inissiffigisaannik videoliorneq.

• Tusagassiorfinnut nalunaarutinik, oqalugiaatissanik, Q&A-nik, oqallinnermi ilanngutassanik tunuliaqutassatullu allakkianik suliaqarneq.

• Innuttaasunik ataatsimiititsinissanut pilersaarusiorneq ingerlatsinerlu.

• Paasititsiniutinik attaveqaqatigiinnernillu innuttaasunut sammitinneqartunik ineriartortitsineq.

Sulinerunissamut piffissallu suliffiusut nikerarnissaannut eqaatsumik aaqqiisinnaanissat pisariaqartinneqassaaq.

Ilinnut tunngasut

Attuumassutilimmik ilinniagartuutut ilinniaqqiffiusumik ilinniarsimanissat, taamaanngippallu tusagassiortutut ilinniarsimanissat, aammalu angusanik misilittakkanillu atorfimmi piumasaqaatinut annertuunut nallersuunneqarsinnaanissat uppernarsaasinnaanissat naatsorsuutigaarput.

Ukiuni arlalinni pisortani oqartussaasuniit, Ministereqarfimmiit, aqutsisoqarfimmiit imaluunniit aaqqissuussaanermit annertusumit, politikkikkut pisariusunik suliaqarfiusumiit misilittagaqarsimanermut uppernarsaammik takutitsisinnaavutit.

Tamatuma saniatigut naatsorsuutigaarput:

• pisortanut periusissiorluni attaveqaqatigiinnissamut siunnersuisarneq pillugu misilittagaqarneq uppernarsarsinnaassagit,

• politikkikkut allaffissornermilu pisortanut isumannaatsumik naliliisinnaassuseqarlutit siunnersuisinnaassasutit,

• ajornartoornerni attaveqaqatigiinnissamut oqartussaasullu inissisimaffiinik paasisimaarinnilluassasutit,

• tusagassiorfiit tunngaviinik ilisimaarinnissasutit aammalu tusagassiornerup silarsuaani isumannaatsumik sulisinnaassasutit,

• aaqqissuussaanerni pisariusuni akimuilluni ataqatigiissaarinermik misilittagaqassasutit,

• aaqqissuussamik sulisinnaassasutit, ulappuffiullu nalaani suliassat paasisimaarinerinik attassiinnarsinnaassasutit,

• danskisut oqaatsit ersarissut eqqortullu atorlugit allassinnaassasutit, tunniussanik piginnittutut saqqummersinnaassasutit, aalajangiinerit naammassillugit atorsinnaasumillu tunniussinnaassagitit, aamma

• suleqateqarnissamik siunnerfeqassasutit, sulianik sungiussisimassasutit pilersitsinissamullu ikiuussinnaassasutit – suliassat sukkasuumik suliarineqartariaqaraluarpataluunniit.

Aamma pisortani sullississutinik (soorlu F2-mik) misilittagaqarnerit, kiisalu ajornartoornerni aqutsissutinik oqartussaasullu suleqatigiinnerinik ilisimasaqarnerit iluaqutaassaaq.

Kalaallisut oqaatsinik, kulturiannik, kiisalu kalaallinik inuiaqatigiinnik ilisimasaqarneq iluaqutaassaaq, piumasaqaataanngilarli.

Inuiaqatigiinni kalaallini pissutsinik ilisimasaqaruit, aammalu kalaallisut, danskisut tuluttullu oqaatsinik atuisinnaaguit iluaqutaassaaq.

Pinngortitamut Avatangiisinullu Naalakkersuisoqarfik pillugu

Naalakkersuisoqarfimmi sulisut 35-t missaanniippugut, taakkunanngalu pingasut Aqutsisut Allattoqarfianni sulisuupput.

Naalakkersuisoqarfimmi inuiaqatigiit pillugit suliassat pingaarutillit, aammalu Kalaallit Nunaannut iluaqutaasut isumagisaraagut. Ulluinnarni attaveqaqatigiilluarpugut, aammalu suliat inernerinut nammineerluni sunniisinnaanissaq inissaqartipparput.

Suliassat ineriartortitsiffiusut pissanganartorpassuit suliaraagut, aammalu suliffinni ineriartorsinnaallutit misiginissat uagutsinnut pingaaruteqarpoq.

Naalakkersuisoqarfimmi pisortat toqqissisimanerup nukittorsarnissaa tamatumalu qaffasinneranik attassiinnarnissaq pingaartippaat. Naalakkersuisoqarfimmi ilisarnaaterput tassaavoq ingerlaavartuugatta, ilungersuussisuugatta akisussaaffimmillu tigusisaratta. Naalakkersuisoqarfittut ataatsitut ataatsimoorpugut, tassanilu assigiinngiiaarneq nukittoqqutigaarput. Taamaattumik avatangiisit nuannaralugit tamatumunnga tapersersuisinnaallutit takusinnaassavat.

Annertunerusunik paasisaqarusuppit?

Atorfik pillugu paasissutissat annertunerusut Naalakkersuisoqarfimmi pisortaaneq Natuk Lund Meire tlf. +299 34 64 76-imut, e-mail: natl@nanoq.gl, attaveqarfigalugu pissarsiarisinnaavatit.

Qinnuteqarnissamut killigititaq

Qinnuteqaat, CV-mik soraarummeernermullu uppernarsaatit assilinerinik ilaqartinneqartoq kingusinnerpaamik 30. Apriili 2026-mi link matuma kingulianiittoq aqqutigalugu nassiutissavat, aammalu ingerlaavartumik oqaloqatiginnittarpugut. E-mail-ikkut qinnuteqaatinik tigusineq ajorpugut.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.