Pinnguarluta Kivitsisami ilinniusianut atuartitsinermut siunnersortissarsiorpoq

Atorfik 28. februar 2030-mut killilik

Meeqqat atuarfiini ilinniusianik nutaanik ineriartortinneqarnerinut peqataarusuppuit? Nunalu tamakkerlugu ilinniusianik aallerfiusinnaasumik nutaamik ineriartortitsinermi pingaarutilimmik inissisimasoorusuppit – aammalu ilinniaritsisut ulluinnaanut ilinniusiat naleqquttuunissaannik isumannaajaarusullutit? Taamaappat imaassinnaasoq tassaasutit Pinnguarluta Kivitsisamut atuartitsinermut siunnersortissarput.

Pinnguarluta Kivitsisa pillugu

Pinnguarluta Kivitsisa suliniutaavoq nutaarluinaaq, tassani ilinniusianik ineriartortitsillutalu nutarterillutalu nuna tamakkerlugu meeqqat atuarfiini aallerfiusussamik pilersitsiviusussaq. Suliniut Ilinniartiaanermut Aqutsisoqarfik qanimut suleqatigalugu ingerlanneqassaaq piffissallu ingerlanerani taakku tiguariartuaartussaavaat piginnittuuffigiartuaarlugu. Siunertaavoq ilinniartitsisut pitsaanerusunik pissarsiuminartunillu ilinniutissaqalernissaat - tamannalu Kivitsisap nunatsinni meeqqat atuarfiiini ilinniartitseriaatsimut periaasiusoq malillugu ingerlassaaq.

Atorfik

Ilinniusianut tunngatillugu atuartitsinermut siunnersortitut Pinnguarluta Kivitsisami qitiusumik inissisimassaatit. Ilinniusiat faagitigut pitsaasut, atuartitseriaatsit eqqarsaatigilluagaasut aammalu atuarfinni ullunnarni piviusumi atoriaannaat ineriartortitseqataaffigissavatit. Suliassaqarfimmi ilinniartitsisullu piviusuat attatiinnassavat: Qanoq piareersariaaseqarnersut, ilinniusianik qanoq atuisarnersut atortussiallu nutaat qanoq atorneqalersinnaanersut ilisimasaqarfigereerlugu.

Kivitsisami suleqatit, atuarfinni ilinniartitsisut aammalu Ilinniartitaanermut Aqutsisoqarfimmi aaqqissuisut qanimut suleqatigalugit nammineerlutit ilinniusianik suliaqartassaatit. Saniatigut atortussianut aallerfimmut nutaamut pingaarutilimmik inissisimasuussaatit. Ineriartortitseqataaffigalugulu piukunnarsaaqataaffigissavat. Naammassippat imatut ilisimasaritigilissavat allat ikiorsinnaalissallugit - aaqqissuisut, suleqatit avataanilu suleqatit - pitsaanerpaamik atorsinnaalernissaannut. Aammattaaq ilinniartitsisut aallerfimmik suliaqarnerini ikorfartussavatit.

Kivitsisami peqataalerit

Kivitsisap nittartakkakkut allaffeqarfeeraanni ilaalissaatit, taanna nunatsinni ilinniarnikkut suli inissikkiartorpoq. Ineriartortitsisuuvugut: ulluinnarni ileqquusunut qanilluta, misileraalluta sapinngisamillu teknologii oqilisaassutigalugu. Tamanna suliniutitsinni allaffeqarfimmilu ilutsinni atuuppoq. Pingaartorsiortuunngilagut angusaqarusussuseqarlutali, ilisimasallu siammarnissaat, aalangiigasuarsinnaanerit suleqatigiilluarnerlu pingaartillugit. Pinnguarluta Kivitsisami ineriartornermut aqutsisup ataaniissaatit Kivitsisamilu suleqatit, Ilinniartitaanermut Aqutsisoqarfik, ilinniartitsisut, avataanilu suleqatit qanimut suleqatigissallugit. Suliffiup inissisimanera Nuummiippoq, taamaakkaluartorli Kalaallit Nunaanni sumiluunniit najugaqarnissaq aamma periarfissaavoq.

Suliassatit

• Ilinniusianik ineriartortitsineq
  Ilinniusiat suliaqarfik eqqarsaatigalugu pitsaasut atoruminartullu nutarneri nalimmassarnerilu suliarisassavatit.
• Atuartitsissutissanik aallerfik tulluarsaanerlu
  Atuartitsissutissanik aallerfittaassap ineriartortinneqarnerani atortussiallu tassunga tulluarsarnissaannut, taamaalillutik imarisai, aaqqissuussaanerat atorneqarneranilu ataqatigiissarnerani pingaarutilimmik inissisimassaatit.
• Atortussiat aaqqissornerini suleqatigiinneq
  Ilinniartitaanermut Aqutsisoqarfimmi aaqqissuisut, ilinniartitsisut suleqatillu ineriartortitsinermi, piukkunnarsaanermi atortussianillu naammassinninniarnermi qanimut suleqatigissavatit.
• Ineriartorneq ulluinnarni atukkanut qanittoq
  Ilinniartitsisunit atuarfinniillu misilittakkanik katersineq, atuartitsinermi atorsinnaasunngortitsiniarluni atortussianik misileraaneq nalimmassaaneq.
• Ikorfartuineq ilisimasanillu siammarterineq
  Aaqqissuisut, suleqatit, suleqatigisartakkallu aallerfissap atoruminartussaasunik atortussianik ineriartortitsinermi nalimmassaanermilu ikorfartuineq.
• Suliassat allat

Kinaavit?

Siullertut atuarfinnik ilisimasaqarluartoq ilinniartitsisullu ulluinnarnik suliannik paasisimalik pisariaqartipparput. Ulluinnarmi suleriuseq puigornagu ineriartornissamut periarfissanik pitsanngorsaanermillu takunnissinnaasumik tatiginnitsitsilersinnaasumik peqataatitsilersinnaasumillu.

Naatsorsuutigaarput:

• Nunatsinni meeqqat atuarfianut ilisimasaqarluartuusutit
  Ilinniartitsisut suleriaasaat, piareersartarnerat ilinniusianillu atuinneriaasaat ilisimavatit.
• Atuartitseriaatsimut paasinnissinnaassuseqartutit atortussianillu pitsaasunik ineriartortitserusussuseqartutit
  Atortussiat suut atorneqarsinnaanersut, isumaqarnersut faagitigullu pitsaasuunersut takusinnaavatit.
• Tatiginninnermik suleqatigiinnermillu pilersitsisinnaassuseqartuusutit
  Ilinniartitsisut, aaqqissuisut suleqatit suleqatigisartakkallu suleqatigisinnaalluarpatit allallu peqataatikkusulerlugit ineriartortitsisinnamut tunniussisinnaassuseqarluartuullutit.
• Aaqqiissutinut digitaliusunut paasisimasaqarnerulernissannut piumassuseqarlutillu piginnaasaqartuusutit
  Suut tamaasa aallaqqaammut sapinngittariaqanngilatit, nutaanilli ilikkaqaranissannut soqutigisaqartuussaatit, it-lerinermut piginnaasaqartuullutit atuartitsissutinullu aallerfittaassaq tigummerusussavat.
• Sakkussanik suleriaatsinillu nutaanik sungiussiniartitsinermi allanik ikiusisinnaassuseqartuusutit
  Aaqqiisstit nutaat ulluinnarni atuisussanut paasiuminartunngortissinnaassavatit atoruminartunngorlugillu.
• Kivitsisa pillugu ilisimasaqarneq pitsaassaaq
  Ilinniartitseriaatsitta, sakkuussatitta suleriaatsittalu ilisimareernissaat pitsaassaaq.
• Oqaatsit atuumassuteqarnerlu
  Kalaallit Nunaanni atuarfinni pissutsit paasisimasaqarluarfigissavatit. Marlunnik oqaaseqartuuneq (qall/kal) pingaartinneqarpoq, tuluttoorsinnaanerlu iluaqutaassaaq.

Atorfimmi sinaakkutit

Kommunini ataatsimoorfiusumi allaffeqarfimmi virtueliusumi ilaalissaatit, nunalu akimorlugu qanimut suleqateqarfiusumiilissallutit.

Atorfininnerup ilusaa sivisussusaalu: Atorfik 28. februar 2030-mi killeqarpoq. Ulloq atorfiffissat 1. august ullorluunniit isumaqatigiissutigineqartoq.

Suliffiup inissisimaffia: Atorfik Nuummiippoq, Kalaallilli Nunanni illoqarfimmi allami najugaqarnissaq aamma periarfissaavoq.

Akissarsiat atugassarititallu: Naalakkersuisut sulinermullu isumaqatigiissusiortut akornanni isumaqatigiissut malillugit.

Inissat: Inissamik neqeroorfigitinnissaq periarfissaanngilaq.

Atorfik pillugu erseqqinnerusumik paasissutissat Kivitsisap allaffeqarfiani pisortaq, Rune Nydam Bundgaard, attavigineqarsinnaavoq uunga: telefon (+299) 594455 imaluunniit mail rune@kivitsisa.gl.

Qinnuteqaat ilinniarsimanermut uppersarsaatit, oqaaseqaatit, CV, pinerlussimannginnermut uppernarsaatit naleqquttut ilanngullugit nassiunneqassapput.

Uani paasisaqarnerugit www.kivitsisa.gl

Jobbet søges via QuickApply på Jobindex.