Pisiortortoq

Suliffeqarnermi alloriarfissavit tullia piareersimaffigaajuk?

Pisiortortumik tunniusimasumik, suleqatikkuminartumik, systeminik suliaqarnermi, ingerlariuutsinillu niuernermilu inerisaaqataarusuttumik ujartuivugut.

Pisiortortutut Pisiortornermut immikkoortortaqarfimmi qitiusumik suliaqarfiusumi ilaalissaatit, tassani ulluinnarni pisiortornermut tunngasuni, allaffissornermi aammalu Tusassip periusissiaatigut suliniutinik suliaqarnermut suleqataalissaatit.

Atorfik ilinnut immikkut ilisimasalittut imaluunniit aqutsisutut ineriartorluni ingerlariaqqikkusuttumut tulluarpoq – atorfimmi ineriartorluni ingerlariaqqinnissamut anguniagassanik iliuuserisassanillu ikiorumaarpatsigit aqqutissiuullutillu.

Immikkoortortaqarfik

Tusass pisiassanik tunniussassanillu pisortornermut pitsaanerpaamik atugassaqarnera qulakkeertarparput.

Immikkoortortaqarfik sulisunik tallimanik inuttaqarpoq, taakkulu nunatsinni nunanilu tamalaani tunisanik suliaqartut suleqatigisarpaat.

Immikkoortortaqarfimmi allannguisoqarnikuuvoq, taamaammallu immikkoortortaqarfiup ingerlariaqqinneranut misilittagannik piginnaasannillu sunneqataasinnaanissat annertulluni.

Suliassat

• Ingerlatseriuutsinut nassuiaatit ilitsersuutillu nutarterneri suliarinerilu
• Isumaqatigiissutit, politikkit aammalu compliance atuutsinneqarneri qulakkeerneri
• Pisiortornermut tunngatillugu suliniutinut aammalu suliffeqarfiup iluani assiginngitsunit suliarineqartuni suleqataaneq
• Tunisiusunut isumaqatigiissutit akisussaaffigineri tassuunatigullu pitsaasumik aqutsisoqarnera qulakkeernera
• Isumaqatigiissutit pioreersunik aammalu nutaanik suliaqarneq
• Suleqatit, tunisisut aammalu nunanit tamalaanit soqutiginnittoqatigiinnik suleqateqarneq
• Pisinermut, inniminniinermut aammalu pisianut allagartaliuussanut allakkanik suliaqarneq
• Quersuarmi pigisanik peqarneq ingerlannera aammalu D365/AX-imi stamdata-nik suliaqarneq

Illit

Suliatigut piginnaasatit

• Systeminik paasisaqarluarsimanerit D365/AX, SAP imaluunniit assingusunik suliaqarnermut misilittagaqartutit
• MS Office-ikkut atortunik (Excel, PowerPoint) suliaqarnermi misilittagaqartutit
• Kalaallisut piginnaasaqarluartutit aammalu tuluttut naammaginartumik piginnaasaqartutit
• Suleqatinik assigiinngitsunik sulialinnik suleqateqarluarsinnaanerit

Piginnaasatit

• Ammasuusutit ujartuisuullutillu – suliaqarusuttoq ilisimasaqarlualersinnaasorlu
• Siunnersuutinik aaqqiissutissanillu nassaartorsinnaasoq
• Iliuusernik aammalu pisuni iliuuserisinnaasannik eqqarsaatiginnilluarsinnaasartutit
• Aaqqissuussamik sulisinnaasutit sulianillu pingaarnersiuisinnaassuseqartutit
• Isumaqatigiissutinik sulianullu killerititaasunik ataqqinnittuusutit

Neqeroorutigaarput

• Atorfik ineriartorfiusoq, tassuunalu immikkut ilisimasalittut imaluunniit aqutsisutut ineriartorsinnaanermik periarfissalik
• Suliffeqarfik suleqatigiinnermik pingaartitsisoq, isumassarsianullu siunnersuutinulluunniit ammasuusoq
• Peqatigalutit pilersaarusiornikkut ersarissumik suliffeqarfimmi ingerlariaqqinnissamut tikkuussisooqataasinnaasoq
• Piginnaasat naapertorlugit akissarsisoqassaaq

Soqutiginnippit?

Linki talerpiata tungaaniittoq toorlugu qinnuteqaat CV-lu nassiutikkit.

Qinnuteqaatinik e-mailikkut tigusaqarneq ajorpugut.

Tusassip qinnuteqaatit takkuttut tulleriaallugit suliarisassavai oqaloqatiginninnerillu ingerlaavartumik ingerlanneqassallutik. Piukkunnartumik nassaarutta atorfik piaartumik inuttalerneqarumaarpoq.

Atorfik pillugu paasisaqarnerorusukkuit Pisiortornermut pisortaq Karsten Vestergaard e-mailikkut kve@tusass.gl imaluunnit oqarasuaat +299 581332-mut attaviginissaanut tikilluaqqusaavutit.

Akisussaaffimmik tiguseqataarusuppit suliffeqarfimmilu ineriartorfissannik inissisimaveqarusullutit? Tusarfiginissat qilanaaraarput!