Pisortaqatigiit Allatseqarfia politikerinik sullissisussamik immikkut siunnersortimik pissarsiorpoq

Pisortaqatigiit Allatseqarfia politikerinik sullissisussamik immikkut siunnersortimik pissarsiorpoq

Kalaallit Nunaanni kommunit annersaanni politikkikkut allaffissornikkullu qullersatut aqutsisut qanimut suliffigerusuppigit? Suliatigut nukittuunik avatangiisilimmi ataqatigiissaarinermut aamma periusissiugaasunik suliassanut pingaarutilinnut akisussaaffeqarluarsinnaavit? Taava illiusimavoq Kommuneqarfik Sermersuumi Pisortaqatigiit Allatseqarfiani immikkut siunnersortissatut ujartugarput.

Atorfik pillugu

Immikkut siunnersortimik kommunip politikkikkut ataatsimiititaanik kommunalbestyrelsianillu suliamut piginnaasatigut qaffasissumik sullissisinnaasumik pissarsiorpugut. Sulianik politikkikkut suliarineqartussanik piareersaanermut pitsaassutsimillu qulakkeerinermut akisussaaffeqassaatit aamma politikkikkut aalajangiisarnerup pitsaasumik sukkasuumillu ingerlanneqarnissaannut akisussaaqataassaatit.

Atorfik annertuumik nammineerluni akisussaaffeqarnissamik imaqarpoq aamma ajornartorsiutinik ajornarsinnaasunik misissuisinnaassuseqarnissamik, aalajangiinissamut tunngavissap pitsaassusaanik qulakkeerinninnermik aamma politikkikkut aalajangiisartunik allaffissornermilu suliaqartunik qanimut suleqateqarnissamik pisariaqartitsiffiuvoq.

Suliassarilerumaakkatit ilaatigut makkuussapput:

∙Aningaasaqarnermut Inuussutissarsiornermullu Ataatsimiititamut Kommunalbestyrelsimullu allatsitut sullissineq, tassunga ilanngullugit ataatsimiinnernik pilersaarusiorneq, ingerlatsineq malinnaaviginninnerlu

∙Oqaluuserisassanik aamma aalajangiiffigisassanik saqqummiussassanik suliaqarneq pitsaassutsinillu qulakkeerinninneq

∙Politikkikkut sullissinermut najoqqutarisassanik ineriartortitseqataaneq immikkoortortanullu allanut politikkikkut sullissinermik ilitsersuineq

∙Politikkikkut aalajangiinernik, siunnersuutinik aamma missingersuutinut isumaqatigiissummi anguniakkanik malinnaaffiginninneq kiisalu atuutsitsilernermi siuariartornissamik qulakkeerinninneq

∙Sulisumit piareersimaffigineqassaaq allatseqarfiup suliassaanut allanut pisariaqartitsisoqartillugu kiisalu suliassanik takkussuuttunik isumaginnissinnaaneq

Atorfimmut atatillugu Kalaallit Nunaanni nunanilu allani angalasarnissaq naatsorsuutigineqassaaq.

Ilinnut tunngasut

Naapertuuttumik kandidatitut ilinniagartuujuvutit – ass. inuiaqatigiilerinermi ilisimatusarnermi, ingerlatsinermut tunngasuni imaluunniit tassunga tunngasuni allani. Misissueqqissaarnermik piginnaasaqarluarputit aamma namminersorlutit aaqqissuussaasumillu sulisinnaallutillu politikkikkut allaffissornermi sulineq piginnaasaqarfigaat.

Pingaartipparput illit:

∙Politikkikkut sullissinermi imaluunniit pisortat allaffeqarfianni misilittagalik – imaluunniit sukkasuumik sungiussinissamut anguniagaqartutit piginnaasaqartutillu

∙Aaqqissuussaasumik sulisinnaasutit tamakkiisumik isiginnissinnaallutit ataqatigiissitsisinnaallutillu

∙Ingerlatitseqqiillaqqipputit, allattariarsornikkut aamma oqaatsitigut aamma sullinniakkanut assigiinngitsunut attaveqaqateqartarnerit naleqqussarsinnaalluarpat.

∙Suleqatiginnilluarsinnaavutit, sunniuteqarsinnaassuseqarputit aamma assigiinngitsunik attaveqarsinnaasuuvutit

∙Kalaallit Nunaanni inuiaqatigiinni pissutsit ilisimasaqarfigaatit aamma/imaluunniit kalaallisut oqalussinnaavutit (piumasaqaataanngilaq iluaqutaassaarli)

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Uagut pilluta

Pisortaqatigiit Allatseqarfiat aqqaneq-marlunnik tunniusimasunik pikkorissunillu sulisoqarpoq, taakku kommunimi politikkikkut allaffissornikkullu aqutsisunik sullissinermi qanimut suleqatigiittarput. Suliamut piginnaasaqarluarneq, siunersioqatigiinneq aamma pitsaasumik suliffimmi avatangiiseqarneq pingaartippagut, tassani aamma nuannisarnissaq eqaatsumillu sulineq inissaqartinneqarput.

Suliffigisatsinni oqaluuserisassat allanngorapiloorsinnaasarput – tassanilu ineriartortitsinermi suliassat annertuut aamma ingerlatsinermi suliassat annikinnerusut tamaasa pimoorussilluta immitsinnut ikioqatigiilluta suliarisarpagut.

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami aqutsisoq Maritha Eugenius, oqarasuaat +299 36 70 14 imaluunniit e-mail: maeu@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 703-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 20.-at, 2025

Atorfik una qinnuteqarfigiuk