Piujuartitsinermut siunnersorti

Nunatsinni attaveqaateqartitsinermut suliffeqarfiit annersaanni nukissiornermik piujuartitsisumik ingerlatitseqataagit

Nunarput tamakkerlugu attaveqaasersuinermut aamma allakkisarnermi piujuartitsinissamut sammivileeqataarusuppit, - taamaasillutillu issittumi Tusassip piujuartitsinissamut siuttutut inissisimanissaanut qulakkeeqataasinnaassallutit? Tusassimi piujuartitsinissamut suliniuteqarusuttumik tunniusimasumillu siunnersortimik ujartuivugut.

Atorfik pillugu

Tusassi suliffeqarfiup periusissiaanik nutaamik atuutsitsilerniarfiup nalaaniippoq, tassanilu piujuartitsinissaq qitiusumik inissisimaveqartuulluni. Piujuartitsinermut siunnersortitut aqutsisuvut suliffeqarfimmilu sulisut allat ilagalugit piujuartitsinissamut suliniutinik piviusunngortitsisinnaanissaq anguniarnerani akisussaasunngussaatit.

Suliassatit ilaatigut ukuussapput

• Pisortat inatsisaat naapertorlugit, EU-mit piumasaqaataasut malitassiallu malinneqarnissaannik aammalu nalunaarusiortarnissamut qulakkeereqataassaatit. Tamatumuuna ilaapput CSRD aamma ESRS
• Silap pissussaanut, avatangiisimullu, inuit pisinnaatitaaffii aammalu suliffeqarfimmi akisussaassusermik ingerlatsinermi tunngasunut politikkinik pilersitsillutillu atuutitsilissaatit
• Pisortanut aamma siulittaasunut ESG-tigut nalilersuinerit aammalu piujuartitsinissamut paasissutissat ingerlateqqittarnissaat
• Tunisassiuinermi piujuartitsinissamut aallaaveqartunik aaqqiissutinik aammalu pingaartorsiuinermik tapersiineq
• Ukiumoortumik piujuartitsinissamut nalunaarusiornermut aamma silap pissusaanik nalilersuinermut tunngatillugu suliaqaqataaneq
• Piujuartitsinissamut siunertaqarluni aningaasaliisarnernut aammalu suliniuteqarlutik aallarniisunut suussusiinerit nalilersuinerillu taperserneri

Atorfiup nunatsinni suliffeqarfiit annerit ilaanni, piujuartitsinermillu pingaartitsisuni, taamatullu Tusassip pingaartitaanut, periusissiatigut piumasaqaateqarfiusumi qitiusumik inissisimavimmik periarfississavaatit.

Illit pillutit

Aaqqissuussamik sulisinnaassuseqartutit, piujuartitsinermullu tunngatillugu nalilersuisinnaallutit pingaarnersiuisinnaassuseqartutit. Aaqqissuussaasutigut suliaqarnissamut aammalu paasissutissatigut aallaavilinnik atuutitsilersinnaassuseqartutit. Naatsorsuutigaarput:

• Attuumassutilimmik kandidatitut ilinniarsimasuusutit aamma piujuartitsinermut tunngatillugu minnerpaamik ukiuni marlunni suliaqarnikkut misilittagaqartutit – iluaqutaassaaq siunnersuisartuni suleqatigiinniissimaguit imaluunniit ESG-/CSR-/sustainability-mik suliaqartuusimaguit
• CSRD aamma ESRS-tigut piujuartitsinissamut nalunaarusiorsinnaanermik misilittagaqartutit 
• Excel aamma PowerPoint-ikkut paasisaqarluarsimallutit suliaqarsinnaasutit aammalu paasissutissanik ajornakusoornarsinnaasunik suliaqarnikkut aalajangiissutissanut paasinartunngortillugit saqqummiussassanngortitsisinnaasutit
• Suliat assigiinngitsut piginnaasallu assigiinngitsut akornganni suleqateqarsinnaassuseqarluartutit
• Siuarsaalluarusussuseqarlutit, inerninik takunnissinnaalluartutit suliaqarusuttuullutillu
• Qallunaatut tuluttullu oqaluttariarsornikkut allattariarsornikkullu piginnaasaqarfigilluaritit aamma Kalaallisut piginnaasaqarluarfigigukku iluaqutaassaaq

Issittuni piviusunik aammalu Nunatsinni inuiaqatigiinnut tunngatillugu ilisimasaqarluartutit, tamannali piumasaqaataanngilaq.

Suliffiinnaanngitsoq

Iliuuseqarusuttumik allanngueqataarusuttumillu, piusunit periarfissanik takunnissinnaasumik aammalu nunarsuatsinni qeqertani annersaanni, attaveqaasersuinermi, assartuinermi ataqatigiissaakkamik aallussinermi immikkuullarissutsimik inissisimanermik takunnissinnaassusilimmik ujartuivugut.

Atorfeqarfik Nuummi qullersaqarfimmi inissisimavoq, Nuummilu inissisimariinngikkaanni Tusassip nutsernissamut ikiuutaasinnaalluni.

Soqutiginnippit?

CV qinnuteqaatillu toortagaq talerperlermiittoq aqqutigalugu nassiukkit. Emailikkut qinnuteqaatit tiguneq ajorpagut. Atorfik pillugu paasisaqarnerorusukkuit Periusissiaq aamma piujuartitsinermut immikkoortortaqarfimmi pisortaq Niels Johan Krabbe oqarasuaatitigut attavigisinnaavat +299 48 79 06.

Atorfik una qinnuteqarfigiuk

Tusass A/S Namminersorlutik Oqartussanit pigineqarpoq,Nunatsinni oqarasuaateqarnikkut attaveqaqatigiinnermi assartuinermut ataqatigiissaarinermilu pilersuisuulluni, 360-inik pimoorussisunik piukkunnaateqarluartunillu sulisoqarpoq, kiisalu DKK 800 mio.-inik kaaviaartitaqarluni. Nuummi qullersaqarfeqarpoq nunalu tamakkerlugu oqarasuaateqarnermi attaveqaqatigiinnermut kabelimik, ledningeqanngitsumik, qaammataasakkullu atortorissaarusersuisuulluni, kiisalu allakkeriveqarnermi assartuinermut ataqatigiissaarinermik suliaqartuulluni. Tusassip suliassaasa pingaarnerit ilagaat atortulersuutinik piujuartitsisunik isumannaatsunillu ineriartortitsinissaq, inuiaqatigiinnilu digitalikkut pisariaqartitanik tapersiinissaq.