Postdoc / Ilisimatusartoq Issittumi nipi atorlugu uumassusileqatigiiaanik misissuinermi

Kalaallit Nunaanni Silap Pissusianik Ilisimatusarfik (GCRC) Pinngortitaleriffimmiittoq (GINR) Issittumi nipi atorlugu uumassusilinnik misissuinermi postdoc-itut atorfimmut qinnuteqartussarsiorpoq, atorfinittussallu Arctic Acoustic Observation Network (AAON, CBMP/Arctic Council (Marine Mammals Expert Network | CAFF)-ip suliakkiissutaanut suliaqartuussaaq.

Postdoc-itut atorfimmik Nuummi inissisimassussamik ukiumillu ataatsimik sivisussusiligaavoq sivitsuisinnaanissamik periarfissalik. Ilisimatusaatigalugu Nuummiinnerup Arctic Acoustic Observation Network (AAON)-ip suleqatigisaani ingerlanneqarnissaa kaammattuutigissavarput.

Silap Pissusianik Ilisimatusarfik (GCRC) siunissamut ungasissumut isigaluni Kalaallit Nunaata Issittullu imartaanni uumasussillit ataqatigiinnerinik kiisalu uumaatsut pillugit pissutsinik malinnaaviginnilluni sulianut arlalinnut akisussaasuuvoq.

Silap Pissusianik Ilisimatusarfik ilinniartitaanermut atatillugu sulianik neqerooruteqartarpoq kiisalu ilisimatusarneq tunngavigalugu nunatsinni Danmarkimilu oqartussanut siunnersuisartuulluni. Issittup sammineqaraluttuinnarnera ornigarneqarneralu annertusiartuinnartillugit immap iluani nipiliortitsisarneq pingaarutilimmik uuttortaatinngorsimavoq, imaani uumassusileqatigiiaat ataqatigiinnerisa allanngoriartornerannik kiisalu uumasut imarmiut inuit nipiliortitsinerannit sunnigaasarnerannik paasiniaasarnerni.

Atorfinittussaq Arctic Acoustic Observation Network (AAON)-imi ataqatigiissaarinermi ineriartortitsinermilu kiisalu Issittumi tamarmi immap iluani nipiliortitsisarnernik tamatumalu uumasunut imarmiunut uumassusileqatigiiaallu ataqatigiiaarnerannut attuumassuteqarnera pillugu misissueqqissaarluni suliani pingaarutilimmik inissisimaffeqassaaq. Atorfinittussaq aamma immap iluani nipiliortitsisarnerit pillugit, immap pissusaa imaanilu pissutsit pillugit, uummaassileqatigiiaat ataqatigiiaarnerat pillugu kiisalu malinnaaviginnittarnerit pillugit ilisimatusartunik nunani tamalaaneersunik qanimut suleqatiginnissaaq.

Akisussaaffiit

Naatsorsuutigaarput atorfinittussaq makkuninnga suliaqassasoq:

• Arctic Acoustic Observation Network (AAON)-imut tunngatillugu ataqatigiissaarinermi ilisimatusarnermilu suleqataaneq 

• Issittumi tamarmi imaani nipiliortitsisarneq pillugu siunissarlu ungasinnerusoq eqqarsaatigalugu paasissutissaatinik annertuunik misissueqqissaarneq sukuiaanerlu.

• Issittumi nipit sunniutaannik, nipinik inuit pilersitaannik uumasullu nipiliortarnerannik misissueqqissaarneq.

• Ilisimatuussuseq tunngavigalugu allaaserisat nunani tamalaanisut qaffasissusillit.

Ilinniagaqarsimassutsikkut piginnnaasat

Atorfinittussaq nipip sunniisinnaaneranut tunngasumik imaluunniit uumasut nipiliortarneri pillugit ph.d-nngorniuteqarsimassaaq.

Atorfinittussaq pillugu nalilersuinermi makku immikkut isiginiarneqassapput:

• Nipiliorneq pillugu ukiut arlariikkuutaarlugit misissuisarnernit paasissutissaatigineqartunik misissueqqissaarnermik suliaqarnermillu misilittagaqarneq

• Paasissutissarpassuarnik assigiinngitsunik susassaqarfinnillu assigiinngitsuneersunik suliaqarsinnaaneq

• Ilisimatuussuseq tunngavigalugu nunani tamalaanisulli qaffasissusilimmik allaaserinnissinnaaneq

• Sulianut tunngatillugu namminersorsinnaassuseqarneq nunanilu allani suleqatigisanut tunniussaqaqataasinnaassuseqarneq

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Pinngortitaleriffik inaateqarpoq attartorneqarsinnaasumik.

Paasisaqarnerorusunnermi

Atorfik pillugu annertunerusumik paasisaqarusunnermi attavigineqassaaq immikkoortortami pisortaq Malene Simon Hegelund, masi@natur.gl, +299 548977.

Ulloq qinnuteqarfissaq kingulleq: 10. marts 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk