Postdoc-imik ilisimatusartoq Remote sensing, Computer Vision kiisalu dronet atorlugit miluumasunik imarmiunik misissuinertigut malinnaaviginninnermik suliaqartussamik Pinngortitaleriffimmut

Pinngortitaleriffiup Miluumasunut Timmissanullu Immikkoortortaa postdoc-imik ilisimatusartussarsiorpoq 1. maaji 2026-mi imaluunniit tamatuma kingorna piaartumik atorfinissinnaasumik.

Pinngortitaleriffik Nuummi inissisimavoq, Namminersorlutik Oqartussat ataanni nammineq pigisutut ilisimatusarnermik ingerlatsiviulluni. Pinngortitaleriffiup isumagisarai misissuinertigut malinnaaviginnittarneq, Kalaallit Nunaanni eqqaanilu pisuussutinik uumassusilinnik piujuaannartitsinermik tunngaveqarluni atuinissaq, avatangiisinik illersuineq kiisalu uumassuseqarnerup assigiinngisitaarnera pillugit ilisimatuussutsimik tunngaveqarluni siunnersuisarnerit.

Immikkoortortami suliassat tassaanerupput nunami imaanilu uumasut miluumasut timmissallu piniarneqartartut pillugit siunnersuisarneq misissuinertigullu malinnaaviginnittarneq.

Atorfimmi ukkatarisat

Atorfinittussap ukkatarisassai tassaapput Kalaallit Nunaanni eqqaanilu miluusimasunik imarmiunik misissuinertigut malinnaaviginneriaatsinik ineriartortitsineq nutaanillu misileraasarneq, tamatumani pingaartumik UAV ((Unmanned Aerial Vehicles) toqqammavigalugu paasissutissanik katersisarneq kiisalu AI toqqammavigalugu assilisanik videolianillu misissueqqissaartarneq. Atorfinittussap ilaaffigissavai ilisimatusarnermi suleqatigiinnerit anginerusut, suliat soorlu suliamut ARIA-GIANT (British Antarctic Survey)-mut attuumassuteqartut, DTU Aquamik suleqateqarnikkut ingerlanneqartut.

Suliassat

• Issittumi UAV toqqammavigalugu misissuinissanik pilersaarusiortarneq suliaqartarnerlu, tamatumani sumiiffinni misissuiviusussani logistikki kiisalu paasissutissanik katersinerit pitsaassusaannik nalilersuisarneq.

• Dronet atorlugit videolianik (paasissutissanik aaqqissuussineq, metadata, nalunaarsuineq, pitsaassutsit qanoq innerinik misissuineq), tassa suliat naqqaniit naammassinissaanut tulleriaarisarnermik ineriartortitsineq.

• Pingaartumik qilalukkat qernertat ukkataralugit miluumasunik imarmiunik malinnaaviginnittarnermi qarasaasianik, soorlu qinaasinermi, malussarniarnermi kisitsinernilu atorneqartartunik ineriartortitsineq, sungiusarneq nalilersuisarnerlu.

• Suleqatigisat (DTU Aqua aamma BAS) akimorlugit nalunaarusiortarneq ilisimasanillu avitseqatigiittarneq.

• Kalaallit Nunaanni ilisimatusarnermi angusanik saqqummiussisarnernut peqataaneq.

Piginnaasat

Kissaatigaarput atorfinittussaq ingeniøritut ilinniagaqarsimassasoq imaluunniit pinngortitaq pillugu ilisimatusarnermi ilinniagaqarsimallunilu ph.d-nngorsimassasoq.

Qinnuteqartoq tulluarnerpaaq tassaavoq machine learning aamma soorlu, remote sensing aamma/ computer vision atorlugit paasissutissaatini annertuuni paasiuminnaasinnaasunilu assilisanik misissueqqissaanermik misilittagaqarluartoq.

Makkua immikkut ittumik pingaartippagut:

• Misilittagaqarfik: Deep learning aamma computer vision (assersuutigalugu qinaasineq (objektdetektion), immikkoortiterineq (segmentering), tulleriiaarineq (klassefikation) kiisalu naatsorsueriaatsinik patajaatsumik nalilersuineq (model-evaluering).

• Misilittagaqarfiit: remote sensing aamma assilisatigut paasissutissat, issittumeersuusinnaapput, kiisalu paasissutissat pitsaassusaannik, pissutsit allanngorartarnerinik aammalu ataatsimut isiginnittarnermik paasinnissinnaaneq.

• Paasissutissat naqqaniit naammassinissaanut suliaqarnermik misilittagaqarneq kiisalu qarasaasiakkut sakkunik (Python, versionering aamma dokumentation) atuinermik misilittagaqarneq.

• Kalaallit Nunaanni imaluunniit Issittumi sulinermik misilittagaqarneq annertuumik iluaqutaassaaq. 

• Sulinermi namminersorsinnaaneq suliaqarfiillu akimorlugit sulisinnaaneq kiisalu ilisimatusarnermi inernerusunik periusinngortitsisinnaaneq. 

Qinnuteqartoq qaffasissumik tuluttut oqalussinnaallunilu allassinnaassaaq. Kalaallit qallunaallu oqaasiinik ilisimasaqarneq iluaqutaaginnassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Atorfik Nuummi inissisimaffeqarpoq. Atorfimmut atatillugu angalasarnissaq, assersuutigalugu misissuinernut ataatsimiinnernullu atatillugu ilaasarnissaq naatsorsuutigineqassaaq.

Ulloq atorfiniffik: 1. maj 2026 imaluunniit tamatuma kingorna piaartumik.

Sapaatit akunneranut akunnerni 40-ni sulisarneq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Atorfimmut atasumik inissaqartitsisoqanngilaq, Pinngortitaleriffilli malittarisassat malillugit ineqarnikkut ikiuussinnaavoq.

Annertunerusumik paasissutissat

Annertunerusumik paasisaqarusunnermi attavigineqassaaq seniorforsker Outi Tervo, outi@natur.gl, +299 562837

Ulloq qinnuteqarfissaq kingulleq: 24. marts 2026

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.