Qaqortumi Allorfik Kujallermut pinngitsuuisinnaajunnaarnermut katsorsaasut marluk

Allorfik Kujalleq katsorsaasunik marlunnik sulisussarsiorpoq. Septembari aallaqqaataani (1/9-2026)-mi aallartissinnaasumik imaluunniit isumaqatigiinnikkut sulilersinnaasunik pissarsiorpoq.

Ilinniagaqarnermut tunngatillugu naatsorsuutigaarput tunngaviusumik ilinniagaqartuusimassasutit, soorlu ilinniartitsisutut perorsaasutut inunnilluunniit isumaginnittutut ilinniagaqarnissat.

Allorfimmi katsorsaaneq paasinnittaaserlu aqqutigalugu ilaqutariinnut katsorsaaneq pillugu sakkut atorlugit katsorsaariaaseq ingerlanneqartarpoq. Ilinniarsimasuunngikkuit ilinniaqqinnissat Allorfiup isumagissuaa.

Ikorfartuisutut, psykoterapeutitut imaluunniit assingusumik ilinniarsimassaguit iluaqutaassaaq.

Kommune Kujallermiittumi innuttaasut Allorfik Kujallermiit sullinneqartarput, taakkuuppullu imigassamik, ikiaroornartumik, aningaasanoornermillu pinngitsuuisinnaajunnaarnikuusut. Taamaattumik angalasinnaanissaq naatsorsuutigineqassaaq. Sullissivimmi marluk katsorsaasuupput, katsorsaasut ilaat ataaseq aqutsisuugallarpoq.

Allorfiit tamarmik Pinngitsuuisinnaajunnaarnermik Paasisimasaqarfik Nuummiittup ataani inissisimapput, nunalu tamakkerlugu pinngitsuuisinnaajunnnaarnermut suliniuteqartuullutik. Suliassanut sunneeqataalluarsinnaavutit Pinngitsuuisinnaajunnaarnermilu Paasisimasaqarfik suleqatigalugu, taakkua aamma ilinnut ilitsersuissapput taanna ilaatigut nuna tamakkerlugu katsorsaanermi pilersaarut malillugu siunissami katsorsaanissamut atuutilertitsinermik suliaqarpoq. Supervision ertarnissat aamma neqeroorutaavoq.

Katsorsaassutut ilaatigut:

• Katsorsartinnissamut kajumissaarisassaatit Motivational Interviewing atorlugu 

• Innuttaasunik imigassamik, ikiaroornartumik aningaasanoorajunnermilu katsorsaaneq ilitsersuinerlu 

• Katsorsartereernerup kingorna neqeroorummik ingerlatsineq, qanigisanilu ilitsersuineq

• Oqaloqatigiittarnerni erseqqissaaneq nunalu tamakkerlugu paasissutissanik katersivimmut nalunaarsuinertalik 

• Katsorsartissimasup katsorsartereernerup kingorna pilersaarneqarnera kommunilu ajoqutaasinnaasunik suleqatigiissutigalugu 

• Allorfiup neqeroorutaanik periuusianillu ilinniartitsineq

Naatsorsuutigaarput:

• Katsorsaaneq pikkoriffigalugu soqutigisarigit 

• Inuttut inissaqartitsisuusutit akuersaartuullutillu 

• Innuttaasut salliutissinnaagitit

• Namminersorsinnaallutillu akisussaaffeqartuusutit 

• Ullup ingerlanissaa aaqqissuutillaqqikkit 

• Pinngitsuuisinnaajunnaarneq pillugu ingerlaavartumik ilinniaqqinnissat kissaatigigit 

• Faginut arlalinnut sammisut akimorlugit suleqatiginnissinnaassutit faginillu allani ilinniartitsisinnaasutit 

• Nutaanik ilinniarnissannik periiuusitsinnillu soqutiginninnissat

Katsorsaanerit kalaallisuunerusumik ingerlanneqartarput, ilinniarnerlu qallunaatut ingerlanneqartarluni. Taamaattumik marluinnik oqaaseqartuunissat pingaaruteqarpoq.

Ulloq qinnuteqarfissaq kingulleq augustip 16-at 2026.

Allorfimmi aqutsisoq Efa Olsen +299 341452, e-mail efol@peqqik.gl, imaluunniit Allorfik Kujallemi aqutsisuugallartoq Birgit Hansen, tlf. +299 341498, mail: biha@peqqik.gl

Allorfimmut tunngatillugu paasissutissat: www.allorfik.gl

Pineqaatissinneqarsinannginnermik- Meeqqanillu innarliisimannginnermik uppernarsaatit 

Tamatumuuna naatsorsuutigineqassaaq Pineqaatissinneqarsimannginnermik Meeqqanillu innarliisimannginnermik uppernarsaatinik pisinnaanermut akuersissut piumaneqassammat nammineq uppernarsaatit taakkua nassanngikkukkit.

Aningaasarsiatigut atorfinitsitaanermilu atugassarititaasut 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq