Qaqortumi utoqqaat isumagisariallillu angerlarsimaffianni Ajarsivasimmi pisortaq

Ajarsivasimmut pisortamik tunniusimasumik siumullu takorluugalimmik 01. april 2026 isumaqatigiissuteqarnikkulluunniit sulilersussamik pissarsiorpoq.

Kujataani utoqqarnut angerlarsimaffimmik toqqissisimanartumik, ataqqinartumik ineriartortumillu pilersitseqataarusuppit? Taamaassappat atorfissaqartitarput illiusimassaaq!

Kommune Kujalleq pillugu

Kommune Kujalleq Kalaallit Nunaanni kommunini kujallersaavoq - Kujataanni pinngortitaq, kulturi, ataatsimuussuseqarluarnerlu ingiaqatigisinneqarput. Innuttatta nammanneqarsinnaasumik ineriartornissaat, atugarissaarnissaat pitsaasumillu inuuneqarnissaat ilungersuupparput. Taamaalilluni Kalaallit Nunaat nutaaliaasoq ileqqutoqqanik akuneqartarpoq, nunaqqatigiinni imminnut qanittuni, suleqatigiissuni kiisalu misigisassarpassuaqarfiusuni - sulinerup nalaani kiisalu sunngiffimmi.

Ajarsivasik pillugu

Ajarsivasik utoqqarnut isumagisarialinnullu angerlarsimaffiuvoq nutaaliasoq, immikkoortortanut pingasunut agguarsimasunik 48-inut inissaqartoq:

• Puiguttortunngortunut immikkoortortaq
• Isumagisarialinnut immikkoortortaq
• Najugaqartunut pisinnaanerusunut immikkoortortaq

Angerlarsimaffiup tamarmiusup aqunneqarneranut akisussaassaatit, aamma sulisoqatigiikkuutaat aqutsisui pingasut, igaffik ingerlalluartoq igaffiup aqutsisuanit aqunneqartoq ilanngullugit akisussaaffigalugit. Pisortatut sulininni pitsaassutsip, atugarissaarnerup ineriartornerullu qularnaarneqarnissaannut qitiusumik inissisimassaatit - tassa ineqartut, qanigisaasut sulisullu eqqarsaatigalugit.

Suliassatit pingaarnerit

• Ajarsivasiup ingerlanneqarnerata pitsaasuunissaa ataqatigiissumillu ingerlanneqarnissaa qularnaassavat
• Sulisut assigiinngitsunik suliallit aqutsisuuffigissavatit, sulinermut kajumissuseqartissallugit ineriartortissallugillu
• Utoqqaat puigortunngortullu sullinneqarnerat ineriartortissavat
• Politikkikkut aalajangikkat aningaasatigullu atugassiissutaasut eqqortinneqarnissaat isumagissavat
• Kommunimi isumagisarialinnut angerlarsimaffinni allani aqutsisut allat peqqissutsikkullu ataqatigiissaarisoq qanimut suleqatigissavatit

Suleqatissarsiorpugut makkuninnga piginnaasalimmik

• Peqqissaasutut ilinniarsimasoq
• Utoqqarnik innarluutilinnillu sullissinermi sulinikkut misilittagaqarluartoq
• Puigortunngornermut tunngasunik pineqartunut sukumiisumik ilisimasalik
• Aqutsisutut sulinermik misilittagalik kiisalu kajumissuseqalersitsinissamut suleqatigiilersitsinissamullu piginnaasalik
• Nutaamik eqqarsarnissamut kiisalu ineriartortitsinissamut allannguinissamullu sapiissusilik
• Aningaasaqarnermut paasisimasalik pitsaasumillu ingerlatsinermut tappissoq
• Politikkikkut aalajangiinernut kommunillu pingaartitaanut tunniussimasoq

Neqeroorutigaavut

• Isumagisariallit angerlarsimaffiat nutaaliaasoq pitsaasumillu ingerlanneqartoq tunniusimasunik sulisulik
• Suliffimmi avatangiisit akisussaaffeqarluni kiffaanngissuseqarfiusut suliatigullu ineriartornissamut inissaqartitsiviusut
• Kommunimi isumagisarialinnut angerlarsimaffiit pisortaannik allanik qanimut suleqateqarneq
• Suliffik pingaarutilik, Qaqortumi utoqqarnut allanngueqataaffigisat

Akissarsiatigut atorfinitsitaanermilu atugassarititaasut

Atorfinitsitsisoqassaaq isumaqatigiissut atuuttoq malillugu. Malittarisassat atuuttut malillugit inissaqartitsisoqarsinnaavoq malittarisassat atuuttut malillugit nammineq akilerneqartartussamik. Angalanermut nuunnermullu aningaasartuutit aalajangersakkat atuuttut malillugit kommunimit akilerneqassapput.

Qinnuteqarneq

Qinnuteqaat ima imaqassaaq:

• Qinnuteqaat tunngavilersorluagaq
• CV inuunermit taasassat
• Ilinniarnermut uppernarsaatip assilinera
• Siusinnerusukkut suliffigisimasat kiisalu sulisitsisut oqaaseqaataat
• Pinerluuteqarsimannginnermut uppernarsaat

Akissarsiat sulinermilu atugassarititaasut Kalaallit Nunaanni Namminersorlutik Oqartussat pineqartullu peqatigiiffiata isumaqatigiinniuteqarsinnaatitaasup akornanni isumaqatigiissut atuuttut naapertorlugit inissinneqassapput.

Atorfininnermut atatillugu inissaqartitsisoqarsinnaavoq, tassunga inimut qularnaveeqqusiissut, inimut akiliut sukkulluunniit malittarisassat atuuttut naapertorlugit akilerneqartassallutik, soorluttaaq atorfininnermi - aammalu minnerpaamik ukiut pingasut atorfeqareernerup kingorna atorfimmit soraarnermi angalanermut pigisallu assartornerinut aningaasartuutit sukkulluunniit malittarisassat atuuttut naapertorlugit akilerneqassallutik.

Paasissutissat allat

Atorfimmut paasissutissat erseqqinnerusut pissarsiarineqarsinnaapput uunnga saaffiginninnikkut: Isumaginninnermi pisortaagallartoq Kirsten Johnsen, tlf. 64 80 63 imaluunniit mail: kijo@kujalleq.gl

Qinnuteqaat, pineqaatissinneqarsimannginnermut uppernarsaat, ilinniagaqarsimanermut paasissutissat suliffigisimasallu nalunaarsornerat kiisalu soraarummeersimanermit uppernarsaatit assilineri il.il. PDF-filinngorlugit kommunip nittartagaatigut tiguneqareersimassapput kingusinnerpaamik 10. Marts 2026.

MALUGIUK: Qinnuteqaatit pappilissatigut e-mailikkulluunniit tiguneq ajorpagut, qinnuteqaatit PDF-fil-inngorlugu nittartagaq aqqutigalugu nassiunniunneqassapput..

”Inuit peqqinnerulernissaat aallukkumallugu kommunimi sulinerup nalaani pujortartoqartannginnissaa Kommune Kujallermiit atuutsinneqarpoq. Tamanna 2018-imi januaarip aallaqqaataaniit eqqunneqarpoq. Paasissutissat sukumiinerusut pissarsiariumagaanni Sulisoqarnermut Immikkoortortaq attavigineqarsinnaavoq”