Qarasaasialerinermi isumannaallisaanermik siunnersortitut atorfik inuttassarsiorneqarpoq

Kalaallit Nunaanni Peqqinnissaqarfimmi qarasaasialerinermi isumannaatsuutitsinermik suliaqarnerup aalajangersimanerusumik toqqammavigisaanik qularnaarinissaq kissaatigaarput, taamaattumillu qarasaasialerinermi (IT-lerinermi) isumannaallisaanermik siunnersortimik inuttassarsiuivugut. Teknikkimut ilisimasanik, aamma imminut najoqqutassaqartitsillutik tikitaqartarnermik ilalersuuteqassaatit, taakkulu maannakkorpiaq aarleqqutinik akiuinissatsinnut sakkussanik atugassissaavaatigut, kiisalu taakku aamma aaqqissuussiffimmi isumassarsiatsialaat atugaalersinnissaannik qularnaarissapput.

Qarasaasialerinermi isumannaallisaanermik siunnersortitut suliffiup iluani avataanilu qarasaasialerinermi isumannaallisaanermik suliaqarneq ataqatigiissaassavat. Aamma qarasaasialeriffimmi pisortamik suleqateqarlutit suliassat eqqortumik pingaarnersiornissaannut, suliarisami kissaatigisatut siuarsarnermik, ingerlanneqartuartumillu pisortaqarfimmut nalunaaruteqartarneq akisussaaffigissavatit.

Ilaatigut Inuiaqatigiit isumannaatsuutinnerinut Aqutsisoqarfimmik (Styrelsen for Samfundssikkerhedimik), suliffiullu avataani siunnersuisartunik suleqateqarpugut, tamatumanissaaq illit aaqqissuussiffimmi attaveqarfissatut pingaarutilittut aamma inissisimaffeqalissaatit.

Makku neqeroorutigaagut:

• Teknikkip tungaatigut aamma atuisartut ileqqorisartagaannut naleqqiullugu isumannaallisaanermik suliaqarnermi illit assut malunniunnissannik inissiinissamut periarfissaqarfik.

Suliami ilaatigut makku ilaassapput:

• Isumannaallisaanermik iliuuserisap pingaarnersiornissaanut periusissiaq, ilanngullugu risk log’imik nutaanik ilalersuillunilu pisortanut nalunaaruteqartarnerit
• Sulisunut awareness’imik sungiusarnissanik pilersaarusiorlunilu ingerlatsinerit
• Eqqortiaffinnut nalunaarutinik malitseqartitsinerit
• Aaqqiissutinik piginnittunik siunnersuisartunillu oqaloqateqartuarnerit, pillugu isumannaallisaanerup naleqquttumik inissisimaffigisassaa, kiisalu ajornanngippat iluarsiinissamut periarfissaasinnaasut aqqutigalugit tamatumunnga aqqutissaq
• Patchningimik ingerlataqartuarnermik nakkutilliineq – ingerlatsivittut aaqqiissummi, aamma ilanngussukkatut app’it inissisimaffiini.

Ilinnit makku naatsorsuutigaagut:

• Paasissutissat isumannaatsuutinnerinik sammisaqarluni attuumassutilittut sulianut tunngasutut tunuliaquteqarneq
• Internettimi isumannaallisaanermut frameworkinik (NIST-imik, CIS18-imik imaluunniit ISO-mik) ilisimasaqarneq misilittagaqarnerlu
• Atuagarsornertat tigussaasortanut kattussiniarnermik piumassuseqarneq
• Suleqatiginnillaqqinneq.

Allattariatigut oqaluttariatigullu danskit tuluillu oqaasiinik piginnaasalik. Aamma sapersaatiginagit kalaallit oqaasiinik atuisinnaassaguit iluaqutaassaaq, piumasaqaataanngilarli.

Uppernarsarneqarsinnaasutut eqqortunik piginnaasalimmut qinnuteqartumut isumaqatigiissut atuuttoq najoqqutaralugu immikkut ilisimasalittut imaluunniit pisortatut siunnersuisartutut atorfinitsitsineq pisinnaavoq.

Suliffigisat tassaassaaq Nuummi Dronning Ingridip Napparsimmavissua, qullersarissallugu qarasaasialeriffimmi pisortaq André Just Vedgren. Kalaallit Nunaanni Danmarkimilu ilaatigut sungiusarnermut pikkorissarnermullu atatillugu atorfimmi suliassaqarluni angalasarnissat naatsorsuutigineqassapput.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: Ull.1. januar 2026

Qinnuteqarfissaq kingulleq: Ull.2. november 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Qarasaasialeriffiup pisortaatigut André Just Vedgrenikkut pissarsiarineqarsinnaapput, ukunatigut: oq. (+299) 58 54 28 imaluunniit e-mail: ADRE@PEQQIK.GL

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk