Qeqqata Kommunia Aningaasaqarnermut Ilinniartitaanermullu pisortaanissarsiorpoq

2025-imi juunip aallaaqqaataanit isumaqatigiissuteqarnikkulluunniit atorfinittussamik, Aningaasaqarnermut Ilinniartitaanermullu pisortaanermik Qeqqata Kommunia pissarsiorpoq

Ilinniartitaanermut Aningaasaqarnermullu pisortaaneq Sisimiuni Maniitsumilu ilinniartitaanermut immikkoortortanut kiisalu aningaasaqarnermut immikkoortortanut marlunnut ataqatigiissitsisuussaaq, periusissanut, takorluukkanut politikkinullu oqaasertaleeqataasassalluni aammalu Kommunimi pisortaanermut kiisalu Atugarissaarnermut pisortaanermut qanimut suleqataassalluni.

Taamaalillunilu Ilinniartitaanermut Aningaasaqarnermullu pisortaanertut sulineq suliamut ilisimasaqarnissamik annertuumik piumasaqaateqassaaq, ilinniartitaanermillu suliniuteqarnerup annertuumik ukkatarineqarnissaanut kiisalu suliffeqarfimmi innuttaasunik sullissiffiusumi eqaatsuusumilu suliat akimorlugit ataqatigiimmillu suliniuteqarnissamik pingaartitsisumi, Kommunimi pitsaasumik aningaasaqarnikkut ineriartortuarnissaanut attuumassuteqartorujussuussalluni.

Aqutsisoq ataqqinaateqarluarnikkut kiisalu oqartussaassuseqartutut pitsaasumik oqaloqatiginninnermik aqutseriaaseqarsinnaassasoq, tamatumalu saniatigut politikkikkut allaffissornikkullu anguniagassat pingaarnerit attatiinnarneqarnissaanik ukkataqarsinnaassasoq naatsorsuutigineqarpoq.

Qeqqata Kommuniata aningaasaqarnera patajaatsuuvoq, aningaasaqarnikkut sukangasuumik aqutsinermik piviusunngortitsinissamillu ukkataqartoq. Assigiinngisitaartumik atuartitsinerup, digitaliseriinermut, oqaatsit, atuarfik-angerlarsimaffiullu akornanni suleqatigiinnermut kiisalu aqutsisunik ineriartortitsinerup iluani suliniuteqarnikkut, meeqqat atuarfiinik ineriartortitsinissamut Kommuni immikkut ukkataqarpoq.

Suliassat akisussaaffiillu:

• Ilinniartitaanermut immikkoortortap, suliffissarsiuussisarfiup sunngiffimmilu immikkoortortap kiisalu aningaasaqarnermut immikkoortortap iluani politikkikkut allaffissornikkullu anguniakkanik tigussaasumik suliniutinngortitsinissamut pilersitsinissamut qulakkeerinninneq

• Sunniutilimmik aaqqiissutissat atuilluartumillu inerneqarnissaat siunertaralugit politikkikkut anguniakkani, aalajangiussani pilersaarutinilu unioqqutitsinngitsumik ingerlatsinissamut aamma naammassisaqarnissamut malitseqartitsinissamullu qulakkeerinninneq.

• Pingaarnertut aqutsineq aningaasaqarnikkullu aqutsineq. Periusissiamik, ineriartortitsinissamik pitsanngorsaanissamillu ukkataqarluni, sunniutilimmik aningaasaqarnermik aqutsinissamut nukinnik tulluartumik atuinissamut qulakkeerisuunissaq ilaavoq.

• Suliffeqarfimmik ineriartortitsinermik, suleqatigiinnermik, ingerlariaatsinik suliassallu naammassineqarnisaanut aallartitsisuullunilu malitseqartitsisoq.

• Qeqqata Kommuniata allaffeqarfiani tamani sulinermi ingerlalluartoqarnissaanik qulakkeerineq, Qeqqata Kommuniatalu sumut ingerlaneranik tamanit ilisimaneqarnissaanik isumaginninneq

Piginnaasaqarfiit:

• Økonom cand.polit.-itut kandidat ilinniarsimasuuvutit aammalu inatsisilerinerup iluani ilinniaqqinnernik tassungaluunniit assingusumik ilinniakkamik ilinniaqqissimasuuvutit kiisalu aqutsinermut ilinniarsimasuullutit.

• Aningaasaqarnerup iluani suliatigut pitsaasumik misilittagaqartoq.

• Ilinniartitaanerup perorsaanermilu aqutsisunermi suliatigut pitsaasumik misilittagaqartutit.

• Ilitsoqqussaralugu paasisimasaqarluartoq eqeersimaartorlu. Qullersatut aqutsisoq ersarissoq

• Aningaasaqarnikkut aqutsinermut ilusilersuinermullu misilittagaqartutit

• Suleqateqallaqqissuusutit avatangiisinillu sunniisinnaassuseqartutit

• Aningaasaaqarnermik ilinniartitaanermillu immikkoortortamik ineriartortitsinissamut misilittagaqartutit sapiissuseqartutilluunniit

• Marluinnik kultureqarluni avatangiisilimmi anguniagalimmik sulisinnaassuseqartutit

• Ajornanngippat arlalinnik oqaaseqartuussasutit, kalaallisut, qallunaatut tuluttullu

Akissarsiat atorfininnermilu atugassarititaasut:

Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffiup akornanni isumaqatigiissutit sukkulluunniit atuuttut naapertorlugit inissinneqassapput.

Atorfik allaffissornikkut Sisimiuni inissisimavoq, Sisimiunilu Kommunimi pisortaanerup ataani aaqqissuussaanikkut inissisimalluni.

Atorfininneq pissaaq 1. august 2025-mi imaluunniit isumaqatigiinnikkut.

Aningaasaqarnermut Ilinniartitaanermullu pisortaanertut atorfik pillugu paasissutissat annertunerusut Kommunimi pisortaaneq Hans Christian Sværd oqarasuaat (+299) 86 19 01 email: hcsv@qeqqata.gl atorlugit saaffiginninnikkut pissarsiarineqarsinnaapput.

Qinnuteqaat ilinniarsimanermut uppernarsaatinik, imminut ilisaritinnermik, oqaaseqaatinik attaveqarfissanillu ilalik kingusinnerpaamik 14. juli 2025-mi tigoreersimassavarput

Qeqqata Kommuniani ukkatarineqartut

Kommunip suleriaasia, innuttaasunik naapitsisarnera, inuutissarsiutillit, avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.

Kommunimi atorfilimmik naapitsigit

Qeqqata Kommuniani kommunimi sulisut (atuarfinni, paaqqinnittarfinni, allaffeqarfeqarfimmi) 1300-t missaanniipput, taakkunannga 141-t, Sisimiuni 94-t Maniitsumilu 47-t, allaffeqarfimmi atorfeqarlutik.

Nittartakkatsinni www.qeqqata.gl/ansat-imi Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

Atorfik una qinnuteqarfigiuk