Qitiusumik allaffeqarfiani Aningaasaqarnermut aamma isumalluutinut immikkoortortaqarfiani 2025-mi aggustip aallartinnerani Aningaasaqarneq Isumalluutinillu Aqutsinermi ilinniartunik AU-mi 4-5 pissarsiorpoq

Ineriartornissannut periarfissiisumik suliffimmi misiliiffimmi naatsorsuuserinermik suliaqarusuppit? Taava Aningaasaqarnermut Sulisoqarnermullu Aqutsisoqarfimmi Qitiusumik Naatsorsuuserisoqarfitsinni (DcR) ilinniartorissavatsigit.

Immikkoortortaq pillugu

DcR-imi allaffitsinni suliassaqarfinni assigiinngitsuni sulinissamik periarfissaqassaatit. Akiligassaqarfigisanik aamma Akiligassalinnik Naatsorsuuseriffik, Aningaasaqarnermut Tunngasunik aamma Immikkut Ittumik Naatsorsuuseriffik, Naatsorsuutinik ineriartortitsinermut allaffik Nakkutilliisoqarfillu missingersuutinillu nakkutilliineq.

Namminersorlutik Oqartussani Qitiusumik Naatsorsuuserisoqarfmmi uku suliarisarlugit akisussaaffigaagut:

• Nunatta Karsiata ukiumoortumik naatsorsuutaanik suliarinninneq

• Namminersorlutik Oqartussat aningaasaqarnikkut aaqqissuussaanerata Naatsorsuusiorneqarnera.

• Konto-nik naligiissaarineq kiisalu immikkoortortaqarfiit suleqatigalugit suliassanik ammasunik malitseqartitsineq.

• Namminersorlutik Oqartussanit aningaasarsianik ilinniagaqarnersiutinillu il.il. naatsorsuusiorneq naligiissaarinerlu kiisalu Akileraartarnermut Aqutsisoqarfimmut nalunaarusiorneq.

• Akiligassanik tigooraaneq immikkoortortanullu akuerisassanngorlugit nassiussuineq.

• Namminersorlutik Oqartussani immikkoortortaqarfiit sinnerlugit akiligassalerineq akiliinernillu naatsorsuusiorneq kiisalu akiitsulinnut isumaginninneq.

• Pilersuisunut, innuttaasunut sulisunullu akiliinerit.

• Namminersorlutik Oqartussat immikkoortortaqarfiini aningaasaqarnikkut aaqqissuusat pillugit ilitsersuinerit. 

DcR-imi nutaaliornissamut, isumassarsiornissamut suliallu ingerlanneqarnerani ilikkagaqarnissamik periarfissaqassaatit. Aningaasaqarnermi suleriutsit assigiinngitsut suleqatit misilittagartuut akornanni ilinniagaqassaatit tamannalu suliffimmi misiliininni ulluinnarsiutaassaaq.

Pillutit Kisitsisinut pikkorissuunissat suliffimmillu misiliiffimmik ilikkagaqarluarfissannik pissarsinissamut kajumissuseqarluarnissat naatsorsuutigaarput

Sulianut tunngasunut piginnaasat:

• Ilinniarnertuunngorniarfimmi ilinniarsimassaatit, tulluartumik inuussutissarsiutinut ilinniagaqarsimassaatit imal. inersimasunut tunngaviusumik ilinniagaqarsimasssaatit (GVU) imaluunniit AU-mi Aningaasaqarnermi Isumalluutinillu aqutsinermi ilinniarnissamut tigusisaasimassaatit.

• IT-ilerinermik ilisimasaqarluartutit

• Matematik piginnaasaqarfigilluarpat

• Oqaatsitigut pitsaasumik piginnaasaqarputit

Inuttut piginnaasat:

• Nammineq aqussinnaassuseqarluartutit akisussaassuseqartutillu.

• Suliarisartakkannut peqqissaartuuvutit piffissaliinerillu eqqortinnissaat piginnaasaqarfigalugu

• Suliamut tunngavilimmik ilisimaarinnittumillu attaveqarsinnaaneq piginnaasaqarfigaat

• Inussiarnersuuvutit ilakkuminartuullutillu

• Nammineersinnaassuseqartoq suleqatigiinnilu suleqataasinnaasoq

Suliffimmi misiliininni akisussaasoqassaatit taannalu attaveqarfigisassavat. Suliffimmi misiliininni akisussaasup pilersaarusiornissannik ikiussavaatit, sulianut tunngatillugu siunnersortarlutit suliffimmillu misiliinivit sapinngisamik pitsaanerpaamik angusaqarfiunissaa qulakkiissallugu.

ASA pillugu

DcR-imi sulisut 40 missaaniittut Aningaasaqarnermut Sulisoqarnermullu Aqutsisoqarfimmi immikortortaqarfiuvoq (ASA), kiffartuussinernik assigiinngissitaartunik ingerlatsisoq. DcR’ip suliaasa saniatigut ASA-mi ilaatigut akissarsiassat isumagineqartarput, akissarsiassanut isumaqatigiissutit, ataqatigiissaakkamillu pisiniarnerit, oqalutseqarneq, Naalakkersuisut kukkunersiuisoqarfia il.il. ASA Aningaasaqarnermut Akileraartarnermullu Naalakkersuisoqarfiup ataani inissisimavoq. ASA-mi katillugit 100-sinnerlugit suleqateqatitaassaatit. 

Ilinniartut naalakkersuisoqarfiit aqutsisoqarfiillu akimorlugit ikinnerpaamik ukiumut marloriarlutik katersuuttarput. Tassani ilinniartut allat naapinnissaannut periarfissinneqassaatit, tassanilu nammineq toqqakkanik suliassanut tunngasut sammisassat oqallisiginissaannut periarfissinneqarlutit. Namminersorlutik Oqartussat Qitiusumik Allattoqarfiat ilinniarnertigut- inerikkiartornertigullu atugassarititaasut pitsaasut pilersinnissaannut periarfissiissaaq, siunissamilu ilinniarnissannut tunngavissamillu pitsaalluinnartumik periarfississallutit.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk