Rektori – Kalaallit Nunaanni Ilisimatusarfik

Ilisimatusarfik (Kalaallit Nunaanni Ilisimatusarfik) rektorimik decembarip 1-ani 2025 imaluunniit isumaqatigiissuteqarnikkut sulilertussamik pissarsiorpoq.

Atorfik tunngaviusumik ukiunik tallimanik killissaleriikkamik sivitsuinissamulli periarfissaqartumik inuttalerneqassaaq. Suliffik atorfigineqalersussaq Nuummiippoq.

Kalaallit Nunaanni ilinniartitaaneq ilisimatusarnerlu pingaarnertut ilippanarnersaapput. Ilisimatusarfik 750-it miss. ilinniartuutilik 100-llu miss. sulisulik Kalaallit Nunaanni ilinniarfiit ilisimatusarfiillu annersaraat. Ilisimatusarfimmit neqeroorutigineqarput ilinniartitaanerit aalajangersimasumik sammivillit kiisalu bacheloritut, kandidatitullu, ph.d.-tullu ilinniakkat akademiskiusut, ilinniakkallu taakkua akisussaaffigisaat tassaavoq ilisimatusarnerit aamma ilisimatusarnerit tunngavigalugit ilinniartitsinerit qaffasissusilimmik nunarsuarmioqatigiinnullu nallersuunneqarsinnaasumik ingerlannissaat.

Taamaattumik Ilisimatusarfimmi rektorip Kalaallit Nunaanni inuiaqatigiinni suliffeqarfiit pingaarnersaannik akisussaasuussaaq. Siulersuisut sulisumik akisussaaffimmik tamatuminnga, Ilisimatusarfimmik nukittorsaanerup ingerlatiinnarneratigut, kivitsisinnaasumik aamma Kalaallit Nunaanni inuiaqatigiinni pitsaasumik ineriartortitseqataasussamik pissarsiorput.

Ilisimatusarfik pilerinartutut akademiskiusutullu suliffeqarfiorusuppoq. Ilinniartitaanermi ilisimatusarnermilu avatangiisit nunatsinnik Issittumillu tunuliaquteqartut nunarsuarmioqatigiinnullu nallersuunneqarsinnaasut pilersinneqarnissaat anguniarlugu ilinniartut sulisullu kajumilersinneqassapput qaffasissutsinilu tamani pikkorinnerpaatut ineriartortinneqassallutik. Ilinniartitsinerit aamma ilisimatusarnerit pitsaassusaasa siammasissusaasalu suli qaffassarneqarnissaat aallunneqassaaq.

Ilisimatusarfiup ilinniartuisa, ilinniartitsisuisa, sulisuilu allat inuiaqatigiillu ataatsimoortinnerisigut angusat pilersinneqassapput. Siulersuisut sinaakkusiaat pingaarnerit naapertorlugit rektori aqutsissaaq, isumassarsititsisassaaq, siunnerfilersuissaaq taakkualu sinnerlugit sulissalluni.

Ilisimatusarfiup periusissiaata nutarterneqarnissaa Ilisimatusarfiup aallartissimavaa, periusissallu piviusunngortinneqarnissaanut rektorip akisussaasuunissaa naatsorsuutigineqarpoq.

Ilisimatusarfiup nunatsinni nunattalu avataani soqutigisaqatiminik suleqateqarnerata ineriartortinneqarnissaanut rektori aammattaaq suliniuteqassaaq.

Rektorertaassamut piginnaasassatut piumasaqaatit:

• Ilisimatusarnerup, ilinniartitaanerup aamma inuiaqatigiinnik sunniivigeqatiginnittarnerup iluanni aqutsinermik misilittagaqarneq

• Ph.d.-tut immikkut ilisimatusarsimasutut akuerineqarsimaneq, Ilisimatusarfiup suliassaqarfiisa iluannut tamanna attuumassuteqarpat iluaqutaassaaq, kiisalu lektoritut ilinniartitsinermik misilittagaqarneq

• Pilersaarusiorluni suliaqarnermik misilittagaqarneq

• Ammasumik, oqaloqatigiinnissamik siunnerfeqartumik, kajumissisitsisumik paasiuminartumillu aqutseriaaseqarnermik ilisarnaateqarluni aqutsisutut piginnaasaqarneq. Siulersuisut rektorimik, Ilisimatusarfimmik ineriartortitserusuttumik nukittorsaarusuttumillu, aamma aqutsinermini aalajangikkaminut suliamut tunngaqqissaartumik tunngavilersuisinnaasumik kiisalu Ilisimatusarfimmi avataanilu suleqatigiinnernik pitsaasunik qulakkeerinnissinnaasumik, pissarsiorput.

• Rektoritut sulilertussaq kalaallisut, qallunaatut tuluttullu oqaatsit piginnaasaqarfigippagit iluaqutaassaaq. Siulersuisulli pingaartilluinnarpaat rektorip nammineq oqaatsini kulturinilu atorlugit ilisimatusarfik kalaallit ilisimatusarfiattut erseqqissassagaa, tamannalu ilisimatusarfiup nunani tamalaani ilisarnaataanik allannguisuunngitsumik pissaaq.

Ilisimatusarfiup nunami amerlanngitsunik innuttaasoqarfiusumi sukkasuumillu ineriartorfiusumi immikkut periarfissaqartoqarneranik unamminartitaqartoqarneranillu rektorissaq paasisimasaqassaaq.

Qinnuteqarnissamut killissarititaq il.il.

Qinnuteqartut qinnuteqaammik tunngavilersukkamik nassiussinissaannik qinnuigineqarput, tassani ukiuni aggersuni Ilisimatusarfiup qanoq ineriartornissaanut anguniagassatut takorluukkatik nassuiassavaat, tamatumalu saniatigut ilinniarsimanermut siornatigullu suliarisimasanut paasissutissat aammattaaq piginnaasanut ilisimatusarnermut, ilinniartitsinermut aqutsinermullu tunngassuteqartunut uppernarsaatit naleqquttut nassiunneqassapput. 

Qinnuteqaat kingusinnerpaamik septembarip 15-iani nal. 12.00 nassiunneqareersimassaaq.

Atorfinitsitseriaaseq

Atorfinitsitsinermut ataatsimiititaliap Ilisimatusarfiup siulersuisuinit toqqarneqarsimasup qinnuteqartut piginnaasaat nalilersussavai, qinnuteqartullu piukkunnaatillit tamarmik oqaloqatigineqassapput. Sapaatit akunnerini 39-mi 40-milu oqaloqatiginnittoqarnissaa naatsorsuutigineqarpoq.

Atorfik pillugu paasisaqarnerorusukkuit siulersuisuni siulittaasoq Eyjolfur Gudmundsson e-mailikkut saaffigisinnaavat uunga: eyjolfur@uni.gl

Ilisimatusarfik pillugu paasissutissat sukumiinerusut ilisimatusarfiup nittartagaani atuarneqarsinnaapput uani: www.uni.gl.

Ilisimatusarfik pillugu

Ilisimatusarfik 1987-imi pilersinneqarpoq. Maannakuugallartoq ilinniarneqarsinnaasut assigiinngitsut 13-upput, taamatuttaaq Ilisimatusarfiup neqeroorutigai diplom-imut masterimullu saniatigut ilinniarnerit. Ilisimatusarfik issittumi universitetiuvoq nunarsuup ilaani pilertortumik ineriartorfiusumi nutaanik ilisimasaqalerfiusoq nutaaliorfiusorlu. Siulersuisut tassaapput Ilisimatusarfiup qullersai. Ulluinnarni aqutsineq rektorimit direktørimillu ingerlanneqarpoq. Instituttit sisamaasut Instituttini Siunnersuisoqatigiinnit siunnersorneqartumik siulersorneqarput.

Ilisimatusarfik sisamanik instituteqarpoq:

• Ilinniartitsinermik Ilisimatusarfik

• Inuiaqatigiilerinermik, Aningaasaqarnermik Tusagassiornermillu Ilisimatusarfik

• Kulturimik, Oqaatsinik Oqaluttuarisaanermillu Ilisimatusarfik

• Peqqissaanermik Pinngortitamillu Ilisimatusarfik

Allaffissornikkut aqutsisoqatigiiffik pillugu

Allaffissornikkut aqutsisoqatigiiffiup ilisimatusarfik tamakkerlugu sullitaraa. Ilisimatusarfiup direktørianit aqunneqarpoq. Allaffissornikkut aqutsisoqatigiiffik Ilinniarfissuarmi Ilimmarfimmilu immikkoortortaqarpoq. Immikkoortortat faginik ingerlatsiviusunik qanimut suleqateqartarput soorlu namminneq akunnerminni aamma taamaattartut. Allaffissornikkut aqutsisoqatigiiffimmi suliassat tassaapput: ilinniartut pillugit-, sulisut pillugit aqutsineq, Siulersuisuniik, Akademisk Rådimik kiisalu ilimmarfimmi sulisunik ilinniartunillu sullissineq. Allaffissornikkut aqutsisoqatigiiffiup Ilimmarfiup ilutaanik sanaartornermik nakkutiginninneq aamma ingerlataraa.

Akissarsiatigut atorfinitsitaanermilu atugassarititaasut

Atorfik akissaateqarfimmi LR 39-mi maanna inissisimavoq. 1. april 2025 LR 39-mi akissarsiat imak isumaqagitiissutigineqarnikuupput qaamammut Kr. 83.933 ukiumullu Kr. 1.007.196 åremålstillæg ilanngullugu.

Aallaavittut isumaqatigiissutini atugassarititaasut naapertorlugit atorfinitsitsisoqassaaq, qinnuteqartoq tjenestemanditut atorfeqareersimaguni Nunatsinni pisortani tjenestemandit pillugit inatsisit malillugit tjenestemandinut atugassarititaasut naapertorlugit atorfinitsinneqarsinnaavoq.

Tunngaviusumik ukiunik tallimanik killissaleriikkamik sivitsuinissamulli periarfissaqartumik atorfinitsitsisoqassaaq. Piffissap suliffiusussap sivisussusissaa aallaavittut sapaatip akunneranut nalunaaquttap akunnerinik 40-nik sivisussuseqarpoq.

Atorfimmut atuuttoq tassaavoq, piffissap suliffiusussap qanoq sivisutiginissaa killilersugaanngimmat, aammalu qaangiuttoornermi ajunngitsorsiassat akilerneqarnissaat ullullu sulinngiffissat annaaneqartut ajunngitsorsiassarsissutiginissaat atorneqarsinnaanngillat.

Naalagaaffiup ataani atorfeqartut isumaqatigiissutaasimasut naapertorlugit aningaasarsiaqarnatik sulinngiffeqarnissamut periarfissinneqarnikuupput, tjenestemanditut isumaqatigiissulluunniit naapertorlugu atorfeqaruni soorlulusooq kattuffik AC isumaqatigiissutigisimasaaniitut soorlu DJØF-ip Finansministeriallu akornanni isumaqatigiissut naapertorlugu. Qallunaat nunaanni nunap iluani pissutsinut ministereqarfiusup innersuussutigivaa Kalaallit Nunaanni Namminersorlutik Oqartussat ataanni atorfinikkumallutik qinnuteqartut sapinngisamik akimisaarfigineqassanngitsut akissarsiaqarnatik sulinngiffeqarniarlutik qinnueqarpata, sulinngiffeqarnissamut isumaqatigiissutit qinnuteqartup inooqataanuttaaq assingusumik atuutsinneqarput.

Akissarsianut atorfeqartitaanermullu tunngasutigut piumasaqaatit, taakkununnga ilanngullugit atorfinikkiartorluni soraarlunilu angalanermut aamma pequtit nassiunneqarnerinut akiliunneqarsinnaatitaaneq, Namminersorlutik Oqartussat aamma pineqartup kattuffiata isumaqatigiinniarsinnaatitaasup akornanni isumaqatigiissutit piffissami atorfiniffiusumi atuuttut naapertorlugit pissapput.

Ineqarneq

Atorfimmut atatillugu inissiamik innersuussisoqanngilaq. Qinnuteqartoq Namminersorlutik Oqartussani atorfeqarnini aqqutigalugu sulisutut ineqareersimaguni sulisutut inissiamik innersuussivigineqarnissamut pisinnaatitaaffia attatiinnarneqassaaq. Sulisutut inigisaq atorfeqarnermut tunngavoq, atorfeqarnerullu uninnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Qinnuteqaat nassiuguk