Royal Greenland A/S Sisimiuni Innaallagisserisussarsiorpoq

Royal Greenland A/S Sisimiuni innaallagisserisussarsiorpoq.

Teknikkimut immikkoortortaqarfimmi suleqatigiit suleqatigilissavatit. Teknikkimut tunngasut, illuutit kiisalu Sisimiuni angallatit motoorillit umiatsiallu, qaqugukkulluunniit pitsaanerpaamik isumannaannerpaamillu ingerlasinnaanissaat ataatsimoorlusi suliarissavasi.

Ulapaarnerpaaffimmi tunisassiorfik marlunnik nikittaalluni suleqatigiinnit sulisoqarluni ingerlasarpoq, taamaammallu piffissat suliffiusut nikerarsinnaanerat naatsorsuutigineqassalluni. Ilanngullugu naatsorsuutigineqassaaq ukiup ingerlanerani arlaleriarluni sulinermut atatillugu angalasarnissaq.

Teknikkimut ingerlatsisoq qaninnertut qullersarissavat.

Innaallagisserisutut suliffittaanni ilaatigut makkua suliarisassavatit:

• Tunisassiorfimmi maskinanik innaallagissanullu aqqutinik ingerlatsinermik suliaqarneq aserfallatsaaliuinerlu

• Tunisassiorfimmi maskinanik nutaanik ikkussuussineq

• Tunisassiorfimmi suliassat takkussortut

• Suliartoqqusaanerit - pigaartuuneq

• Ikuallattooratarnissamut kalerrisaarummik aserfallatsaaliuineq

• Malitassat atuuttut naapertorlugit motorinik innaallagiatortunik teknikkimullu atortorissaarutinik aserfallatsaaliuineq

• PLC-programminik nutarterineq kiisalu suliffeqarfissuup malitassiai atuuttut naapertorlugit uppernarsaatinik nutarterillunilu sillimmatissanik kopeerineq

• HACCP-skema SKT09QAS malillugu igalaaminernik plastikkinillu manngersunik nakkutilliineq

• Kingoraartissanik atortussanillu peqqumaateqarneq kiisalu oqimaalutaavinnik nakkutiginninneq

Ilinnut naatsorsuutigut:

• Innaallagisserisutut ilinniarsimasoq aammalu innaallagisserisutut assassorissanut tunngasunik tunuliaqutaqartoq

• Kiffartuussillaqqissoq, ammasoq eqinnaatsorlu

• Pisuni nukinginnartuni eqqissisimallutit ataatsimut isiginnissinnaassuseqartartoq

• Suliassanik arlalinnik ataatsikkut suliaqarsinnaasoq

• Kiinneraartoq, suleqatigiit akornanni suleqateqallaqqillunilu sullissilluartartoq

• Ilisimasaminik suleqatiminut ingerlatitserussuseqarluartoq

• Kalaallisut danskisullu oqalussinnaaneq allassinnaanerlu iluaqutaassapput

Neqeroorutigaarput

Suleqatigiit tunniusimasut peqatigalugit pissanganartumik unammillernartumilu suliffeqarnissaq, suleqatit pikkorissorpassuit aammalu inuttut sulisutullu ineriartornissamut periarfissat pitsaasut.

Piginnaasat naapertorlugit akissarsiatigut atorfininnikkullu atugassaqartitaaneq.

Atorfik pillugu annertunerusumik paasisaqarusukkuit Tunisassiorfimmi ingerlatsisoq Hans Lars Olsen på +299 862010, haol@royalgreenland.com.

Kingusinnerpaamik qinnuteqarfissamut killigitinneqarpoq ulloq 27. maj 2026.

Qinnuteqaatit mailikkut nassiunneqartut isiginiarneqassanngillat/nalilersorneqarnavianngillat.

Qinnuteqarnissamut killissarititaasoq: maajip 27.-at, 2026