Sanaartornermut Immikkoortortaqarfimmi aningaasaliisussarsiortarnerni suliniutinut aqutsisussamik

Ineqarnermut, Attaveqaasersuutinut Isorliunerusunullu Naalakkersuisoqarfik

Inuiaqatigiinni suliniutinut pingaarutilinnut avataanit aningaasaliisoqarnissaanut qulakkeerinneqataarusuppit? Akisussaaffeqarneq, akunnermiliunneq, periusissiorlunilu ineriartortitsineq isumagalugit iluarisarpiuk? Taamaassimappat Namminersorlutik Oqartussat aningaasaliisussarsiortarnerisa ineriartortinneqarnissaannut, ataqatigiissaarneqarnissaannullu qitiusumik inissisimassallutit Sanaartornermut Immikkoortortaqarfimmi immaqa suliniutinut aqutsisortaassaraatsigit.

Atorfik pillugu

Namminersorlutik Oqartussat illuliortiternermi, sanaartornermilu suliniutaannut aningaasaateqarfiit tapiissuteqartinniarneqarnissaannut siuttuussalluni pimoorussisumik, namminersorlunilu sulisinnaasumik Sanaartornermut Immikkoortortaqarfik suliniutinut aqutsisussarsiorpoq. Nuna tamakkerlugu takorluukkatut suliniutinut aningaasaleeqataanissamik, piviusunngortitsinissamillu qulakkeerissalluni iliuutsimut nutaamut atorfik qitiusutut ilaavoq.

Aningaasaateqarfiit aamma aningaasat agguagassat attuumassutillit ujartuinissat, aningaasaateqarfinnut qinnuteqaatit ineriartortinneqarnissaat, illullu iluani aamma avataani suleqatigisat suleqatiginerisa ataqatigiissaarneqarnissaat suliniutinut aqutsisutut akisussaaffigissavat. Namminersorlutik Oqartussat aamma aningaasaateqarfiit akornanni nukittuumik, piujuartussamillu atassuteqaammik ineriartortitsinissami – suliaqarfimmilu piginnaasanik ineriartortitsinissami qitiusumik inissisimassaatit.

Pingaarnertut suliassatit

• Suliniutinik suliaqarnermi aningaasaliisussarsiortarnermi periusissianik ineriartortitsineq, aningaasaliiffigineqarnissamullu periarfissanik attuumassuteqartunik ujartuineq

• Suliniutinut nassuiaasiornerit, aningaasaateqarfinnullu qinnuteqaasiornerit

• Aningaasaateqarfinnut periarfissat pillugit Naalakkersuisoqarfiit akimorlugit suliniutinik ataqatigiissaarineq

• Aningaasaateqarfinnik ataavartumik oqaloqateqarneq, suliniutillu inuiaqatigiinnut naleqassusiinik paasissutissiineq

• Aningaasaateqarfiit pingaarnersiuineri ukkataralugit suliniutinik ineriartortitsinissaq tapersersussallugu

• Piginnaasanik ineriartortitsinissamut, aningaasaateqarfinnullu tunngatillugu illup iluani tunngavissiinissamut tapersiinissaq

• Aningaasaateqarfinnut nalunaarusiortarnissap, attaveqarnissap, malinnaatitsinissallu isumaginera

Illit pillutit

Takorloorparput naleqquttumik ingerlariaqqiffiusumik ilinniarsimassasutit – assersuutigalugu inuiaqatigiinnik ilisimatusarnerup, humaniorap, attaveqarnerup imaluunniit suliniutinik aqutsinerup iluani – aamma:

• Misissueqqissaartumik, aaqqissuussamillu suleriaaseqartutit

• Allattariarsornikkut, oqaasiinnakkullu attaveqarnermik piginnaasaqarluartutit

• Suliniutit katitigaanerat aningaasaateqarfiit pingaartitaannut soqutiginarsarlugit paasissutissiillaqqittutit

• Politikkikkut aaqqissuussami nammineerluni suliaqartarneq, akisussaaffeqarnerlu iluarisimaarit

• Aningaasaliisussarsiorneq, periusissianik paasissutissiinissaq imaluunniit suliniutinik aqutsineq soqutigisarigit imaluunniit misilittagaqarfigigit

Aningaasaateqarfinnut qinnuteqartarneq, sanaartornermik suliniutit imaluunniit pisortanik aamma politikerinik suleqateqarneq misilittagaqarfigigukku iluaqutaassaaq – piumasaqaataanngilluinnarporli.

Neqeroorutigaarput

• Atorfik inuiaqatigiinnut annertuumik pingaaruteqarluni pissanganarlunilu pingaarutilik

• Namminersorlutik Oqartussani suliniuteqarfimmut nutaamut sunniuteqarnissamut, ineriariartortitsinissamullu periarfissaqarneq

• Tunniusimasunik suleqateqarluni sullivimmi avatangiisit ammasut, persuarsiorfiunngitsullu

• Politikkikkut aalajangiinissamut suliat ingerlanerini qanittumi sulineq

• Piginnaasanik ineriartortitsinissamut, suliatigullu siunersiueqateqarnissamut periarfissagissaarneq

• Suliffiup, ilaqutariittullu inuunerup oqimaaqatigiinnissaannut eqaassuseqarneq, ataqqinninnerlu

Atorfininnermi atugassarititaasut

Atorfik 2025-mi aggustip 15-iani imaluunniit isumaqatigiissuteqarnikkut inuttalerniarneqarpoq. Piffissaligaasumik, soorlu assersuutigalugu ukiup affaata missaani atorfeqartitsinissaq ammaffigaarput.

Atorfik Nuummiippoq. Namminersorlutik Oqartussani AC-fuldmægtiginut isumaqatigiissut atuuttoq naapertorlugu aningaasarsiatigut, atorfinitsitaanermilu atugassarititaasut inissinneqassapput.

Apeqqutit, qinnuteqaallu

Atorfik pillugu apeqqutissaqaruit immikkoortortaqarfimmi pisortamut Embla Kristjánsdóttir-imut, mailimut emki@nanoq.gl-imut attaveqarsinnaavutit.

Qinnuteqaatit, CV-t, ilanngussassaqarpallu takkua piaartumik nassiutikkit. Oqaloqatiginninnerit ataavartumik ingerlatissavagut.

Sanaartornermut Immikkoortortaqarfik pillugu

Sanaartornermut Immikkoortortaqarfik Ineqarnermut, Attaveqaasersuutinut Isorliunerusunullu Naalakkersuisoqarfimmi immikkoortortaqarfiit sisamaasut ilagaat, immikkoortortaqarfillu inuiaqatigiinnut tunngasunik siammasissumik suliaqarfiulluni. Ilaatigut qitiusumik sanatitsisuuvugut, illuliortiternermilu oqartussaalluta, Namminersorlutik Oqartussallu sanaartornissamik suliniutaasa pilersaarusiornissaannut aamma sanaartornissaannut, illuutinik pisinissaq, tunisinissaq, sillimmasiissutit aamma illuliortiternernut aningaasalersueriaatsinik aqutsinissaq akisussaaffigalutigit.

Naalakkersuisoqarfiup iluani aningaasanut tunngatillugu suliassat aamma akisussaaffigaagut, soorluttaaq Namminersorlutik Oqartussani suliassaqarfiit akimorlugit sanaartornermut aningaasaliissutinik tamanik aqutsineq akisussaaffigigipput. Sulinerput qaffasissumik qaffasissuseqarpoq, politikerinut qanippoq, innuttaasunullu aamma inuiaqatigiinnut piviusunik angusaqarfiunissaanik kissaateqarfiulluni.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk