Saviminilerinermik Ilinniarfimmi Praktikkerfissanik ataqatigiissaarisoq

Siunissami Nunatsinni inuussutissarsiutinik ilinniagaqartussat pitsaasunik praktikkerfeqarnissaat qulakkeereqataaffigerusuppiuk?

Ilinniartut, suliffeqarfiit ilinniartitsisullu akornanni ataqatigiissaarisutut inissisimanissaq nuannaraajuk? Taava immaqa illiuvoq Nuummi KTI-mi praktikkerfissanik ataqatigiissaarisoq ujartugarput.

Praktikkerfissanik ataqatigiissaarisutut inuussutissarsiutinik ilinniartutsinnut praktikkerfissanik misiliinerit pitsaasut ataqatigiittullu pilersinnissaannut qitiusumik inissisimassaatit.

Suliassatit

Ilinniartut, ilinniartitsisut suliffeqarfiillu akornanni attaveqaataassaatit, ilaatigullu ukuninnga suliaqassaatit:

• Ilinniartut praktikkernerannut ataqatigiissaarineq aqutsinerlu

• Suliffeqarfiit praktikkerfiusartullu praktikkerfiusinnaanerat pillugit suleqatigiinneq

• Ilinniartunik praktikkerfissaminnik ujarlernerannut atatillugu siunnersuineq

• Ilinniartut praktikkerfissaatalu tulluarsarnissaannut ikiuunneq

• Ilinniartut, suliffeqarfiit ilinniartitsisullu peqatigalugit praktikkernermi isumaqatigiissutit malitseqartinnerat

• Ilinniarfinnut uppernarsaatit (lærestedsbekræftelser) suliarininerisigut nutartertarnerisigullu atuarfiup suliffeqarfiillu akornanni suleqatigiinneq nukittorsassallugu

Suliffeqarfinnut praktikkerfinnullu attaveqarnernut atatillugu angalasarnerit pisinnaapput.

Takorloorparput:

• Namminersorsinnaasutit, aaqqissuussillaqqittutit torersumillu suleriaaseqartutit

• Ataqatigiissaarinermik suleqateqarnermillu assigiinngitsorpassuarnik peqateqarluni suliaqarneq nuannarigit

• IT-mik atuisinnaasutit aammalu Office-mik atuisuulluarlutit

• Kalaallisut qallunaatullu oqalulluarsinnaasutit allalluarsinnaasutillu

• Lectiomik, IT-rec-imik kiisalu kalaallit ilinniartitaanermut aaqqissuussaanerannik ilisimasaqartutit – naak piumasaqaataanngikkaluartoq

Neqeroorutigivagut

Atorfik pissanganartoq isumaqarluartorlu, inuussutissarsiutinik ilinniartitaanernik ineriartortitseqataaffiusoq Kalaallit Nunaannilu ilinniartut pitsaasumik praktikkerfissaminnik misiliinissaannik qulakkeereqataaffiusoq.

Ilinniarfiup nutaliaasup ilagilissavatit, suleqatit pikkorissut ilinniarsimanermilu avatangiisit nukittuut peqatigalugit.

KTI pillugu

KTI – Kalaallit Nunaanni Teknikkimik Ilinniarfik tassaavoq ilinniarfik nutaliaasoq atortorissaartorlu, 150-it missaannik sulisoqartoq. Nuumi Sisimiunilu ilinniartoqarpugut, inuussutissarsiutinik ilinniartitaanernik ilinniarnertuunngorniartunullu ilinniartitaanermik neqerooruteqarluta.

Inuussutissarsiutinik ilinniartitaanermi KTI ukunani neqerooruteqarpoq:

• Saviminilerinermik Ilinniarfik

• Aatsitassarsiornermik Ilinniarfik

• Sanaartornermik Ilinniarfik

Tamatuma saniatigut oqaatsinik pikkorissaanermik kiisalu ilinniarnertuunngorniarusuttunik neqerooruteqarpugut:

• GUX

• e-GUX

• Nordatlantisk gymnasieklasse

KTI aamma ingeniørinngorniarnermut maskinmesterinngorniarnermullu ikaarsaariarfiusunik pikkorissartitsisarpoq. KTI Danmarks Tekniske Universitet-imik – DTU Arctic-imik ingeniørinngorniarnerit marluk kiisalu maskinmesterinngorniarneq Teknika pillugit ingerlatsinermut suleqateqarpoq.

Kiisalu KTI-p Sisimiuni kollegieqarnerup ingerlanneqarnera akisussaaffigaa.

Sullivissaq Nuummiippoq.

Isumaqatigiissut malillugu sulilerneq aallartissaaq.

Paasissutissat sukumiinerusut

Atorfik pillugu paasissutissat sukumiinerusut Ilinniartitaanermut pisortaq Ole J. Pedersen attavigalugu pissarsiarineqarsinnaapput uani oqarasuaat 861612 imaluunniit ojp@kti.gl.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.