Fakta
Atorfiup suussusaa: Shipping trainee
Suliffeqarfik: Royal Arctic Line
Qinnuteqarfissamut killigititaq: ingerlaavartumik suliarineqassapput
Attavissaq: HR-imut sulisut@ral.gl imaluunniit +299 34 91 09.
Royal Arctic Linemi shipping traineetut sulininni umiarsuaatileqatigiiffittut suliaqarfik itinerusumik paasisaqarfigissavat. Immikkoortortaqarfivut assigiinngitsut paasisaqarfigissavatit, soorlu:
- Sullitanik kiffartuussivik
- Ingerlatsivik
- Umiarsuarnik ingerlatsivik
- Containerinik aqutsivik
- Aningaasaqarneq
Sullitat saaffiginnissutaannik suliarinninneq aamma assartugassanik suliassat pilersaarusiortarnerat ingerlanneqartarnerallu ilinniassavatit, umiarsuaativut qanimut suleqatigissavatit aningaasaqarnikkullu ingerlatsisarnerit paasisaqarfigalugit.
Ilinniarfimmiitillutit ilinniartitsissutit assersuutigalugit isumaqatigiinniarneq, attaveqaqatigiinneq, imarsiornermi aningaasaqarneq, imarsiornermut inatsisit aamma umiarsuit paasisimasaqarfiginissaannik ilinniartinneqassaatit.
Suleqatigiinni suleqataasutut piujuartitsinissaq tunngavigalugu assartuussinerup niuernikkullu ineriartortitsinerup iluanni suliniutigisagut suleqataaffigissavatit, tamatumunnga ilanngullugit avatangiisitigut sunniutigisartakkat annikillisarnissaat inooqataanikkullu akisussaassuseqarnerup siuarsaaviginissaa. Aamma suliniutit shippingimik suliaqarfiup iluani piujuartitsinissaq tunngavigalugu ingerlatsinissamut nutaaliornissamullu tapersersuisut suleqataaffiginissaannut periarfissaqassaatit.
Pimoorussisumik poqersumillu, avatangiisini allanngorarfiusuni nunanilu tamalaani ingerlatsiffiusuni ineriartornissaminut piareersimasumik pissarsiorpugut. Traineetut sulinerup nalaani angalasarnissaq naatsorsuutigineqassaaq.
Ilinniartitaaneq pillugu
- Shippingimik ilinniartitaaneq ukiunik marlunnik sivisussuseqarpoq, ilinniarfimmiinneq suliffeqarfimmilu sungiusaatigalugu sulineq paarlakaanneqartarlutik
- Ilinniartitaaneq pillugu uani paasisaqarnerusinnaavutit: Danish Shipping Education
Qinnuteqartumut naatsorsuutigisavut:
- Inulerinermik attaveqaqatigiinnermillu suliaqarusupputit
- Kiffartuusserusussuseqarputit aammalu sullitanik oqaloqateqallaqqissuullutillu allaqateqallaqqissuuvutit
- Pilersaarusiorneq soqutigisarivat
- Peqqissaartumik eqqorluartumillu sulisinnaavutit
- Allanik suleqateqarluarsinnaavutit, aammalu suliassat ataatsikkoornerini sulisinnaalluarlutit
- Kalaallisut, danskisut tuluttullu oqalussinnaavutit
- IT-systemit atuisutut ilisimasaqarfigivatit
- Ilinniarnertuutut tunuliaqutaqassaatit
Makku pillugit uagutsinni traineetut ilinniarnissat toqqassavat
Suliffeqarfiuvugut uagut piinnarata illilli iluatsitsilluarnissannik tunngaveqarluni ingerlatsisoq. Piginnaasannik ineriartortitseqataarusuppugut. Suliffeqarfik atugarissaarnissamik ataatsimooqatigiinnermillu pingaartitsisoq, sulinermut ilinniarnissamullu avatangiisit pitsaasut pilersikkumallugit. Aammattaaq suliffeqarfik angusaqarnissamik pingaartitsiffiusoq peqatigiillunilu suliffeqarfiup anguniagaanik suliniuteqarfiusoq suleqataaffigilissavat.
Tamatuma saniatigut neqeroorutigaagut
- Piffissat suliffiusut eqaatsut aamma sulinerup suliffiullu avataani inuunerup oqimaaqatigiissinnissaannik ukkataqarluarneq
- Traineetut akissarsiat unammillersinnaalluartut
- Suleqatigiit nukittuut sulinermilu avatangiisit pitsaasut
Paasissutissat sukumiinerusutPaasissutissat sukumiinerusut pissarsiarineqarsinnaapput HR-imut attaveqarluni sulisut@ral.gl aamma +299 34 91 09-mut saaffigineratigut.
Atorfininneq: Septembarip aallaqqaataani 2026
Qinnuteqaatit: ingerlaavartumik suliarineqassapput
Oqaloqatiginninnerit: Nuummi ingerlaavartumik ingerlanneqassapput
E-mailikkut qinnuteqaatinik tigusineq ajorpugut, nittartakkatsinnit qinnuteqassaatit
