Fakta
Atorfiup suussusaa: Allaffiiimi pisortaq
Suliffeqarfik: SIK
Qinnuteqarfissamut killigititaq: 10. august
Attavissaq: Jess G. Berthelsen (jess@sik.gl, tel. 558815) imaluunniit siulittaasup tullia Sofie Svendsen (sofie@sik.gl, tel. 566091)
SIK-p allattoqarfiani pisortatut atorfik 1. oktobari 2026-mit imaluunniit piffissamik allamik isumaqatigiissuteqarnikkut atorfinittussamik inuttassarsiorneqarpoq.
Atorfiup imai:
SIK-p allattoqarfia 12-inik sulisulik siulersussallugu ineriartortissallugulu.
Allattoqarfimmi sullissinerup pitsaasuunissaa qulakkeerniassallugu.
SIK-p aningaasaqarnerata ingerlalluarnissaa suleqataaffigissallugu.
SIK-p siulittaasuanut siulittaasuatalu tullianut kiisalu siulersuisuunernut ilaasortanut siunnersuineq suleqateqarnerlu ingerlatissallugit.
Naatsorsuutigaarput qinnuteqartoq imaattunik piginnaasaqassasoq:
- Ilinniagartuujussasutit.
- Siulersuinermik misilittagaqassasutit.
- Attaveqatiginnilluarsinnaassasutit, allattariarsornikkut oqaluttariarsornikkullu.
- Ulluinnarni ulapiffiugajuttuni uippalliuitsuussasutit.
- Alattoqarfimmi suliffimmi avatangiisinik naammassisaqarfiulluarfiusunik pilersitsisinnaassasutit.
- Suleqatiginnillaqqissuussasutit.
- Nunatsinni inuiaqatigiinni pissutsit Ilisimasaqarfigilluassagitit.
- Kalaallisut, qallunaatut tuluttullu oqaatsinik atuilluarsinnaanissat iluaqutaassaaq.
Neqeroorutigaavut:
- Suliffik pissanganartoq unammilligassanillu ulikkaartoq, assigiinngitsorpassuarnillu suliaqarfiusartoq.
- Suliffik pimoorussisunik eqinnaatsunillu sulisulik, siulittaasulik siulittaasullu tullilik.
- Piginnaasatigut inuttullu inerikkiartornissamut periarfissarissaarneq.
- Piginnaasat tunngavigalugit akissarsiaqarneq.
Atorfimmut atasumik inissaqartitsisoqarsinnaavoq tamanna pisariaqartinneqarpat – malittarisassat atuuttut naapertorlugit ineqarnermut il.il. akiliuteqarfiusussamik.
Atorfik pillugu paasisaqarneruniaraanni saaffigineqarsinnaapput siulittaasoq Jess G. Berthelsen (jess@sik.gl, tel. 558815) imaluunniit siulittaasup tullia Sofie Svendsen (sofie@sik.gl, tel. 566091)
Atorfimmut qinnuteqaat ilinniarsimanermik suliatigullu misilittakkanik paasissutissartalerlugu SIK-mut nassiunneqareersimassaaq kingusinnerpaamik 10. aggusti 2026. Qinnuteqaat e-mailikkut uunga nassiunneqassaaq: sik@sik.gl
Qinnuteqaativit tigunissaa qilanaaraarput!
