SIK inatsisilerituumik pissarsiorpoq

Sulilernissasamik soqutiginnippit, nunatsinni kattuffiit annersaanni, suliaqarusullutillu allanngueqa-taarusullutillu, sineriak tamakkerlugu akissarsialinnut ?

SIK inatsisilerituumik pissarsiorpoq allattoqarfitsinni Nuummiittumi, atorfinitsinneqassaatillu 1. september 2026-i aallarnerfigalugu imaluunniit siusinnerusukkut, immikkut isumaqateqarnikkut.

Atorfiup imarisai:

Suliassatit assigiinngiinngitsuusinnaapput. Suliaqassaatillu allattoqarfimmi sulisut allat suleqatigalugit, makkuninngalu suliaqassaatit:

* Sullissineq inunnut ataasiakkaanut tunngasut, tassungalu atatillugu soraarsitsisoqarsimatillugu suliassat.

* Inatsisitigut siunnersuineq allattoqarfimmi suleqatinnut, allattoqarfiup pisortaanut, siulittaasumut aammalu siulittaasup tullianut, SIK-imi.

* SIK-ip siulersuisuinut oqaluuserisassanik piareersaaneq.

* Inatsisinik paasissutissanik suliaqartarnissat piareersimaffigissavat.

* Namminersornerullutik oqartussanut inatsisinut aammalu nalunaarutinut tusarniutinut akissuteqartarnissat.

Makkuninngalu naatsorsuutigaarput piginnaasaqarfigissagitit:

-       Ilinniagaqarsimanissat inatsisilerisuutut Cand-jur.-itut imaluunniit BA-jur.-itut.

-       Allaffissornermik misilittaqagarsimassaatit.

-       Oqaatsit marluk, kalaallisut aammalu qallunaatut atuisuussaatit, kiisalu tuluit oqaasiinik pitsaasumik atuisuussallutit.

-       Nunatsinni inuiaqatigiittut ingerlaatsit, Ilisimasaqarfigissavatit.

-       Suleqatikkuminartuussaatit.

-       Pitsaasumik sullissisinnaassaatit.

Neqeruututigaagut:

-       Suliffeqarfik pissanganartoq unammilligassanillu ulikkaartoq, assigiinngitsorpassuarnillu suliaqarfiusartoq.

-       Suleqatit suleqatikkuminartut.

-       Periarfissalik pinginnaasatigullu aammalu inuttut inerikkartornissamut.

-       Akissarsiaqarneq piginnaasat aallaavigalugit.

Annertunerusumik atorfimmut paasissaqarniaraanni saaffiginnittoqarsinnaavoq allaffiup pisortaanut Bjarne Petersen-imut (bj@sik.gl imaluunniit oqarasuaat 349315 aqqutigalugu) imaluunniit siunnersorti Emma J. Dalager aqqutigalugu (emma@sik.gl imaluunniit oqarasuuaat 349313 aqqutigalugu).

Qinnuteqaruvit makkua paasissutissat ilanngussimassavatit, ilinniarsimanermut uppernarsaat aammalu suliffinni misilittakkannut aqqusaarsimasavik uppernarsaatit, kingusinnerpaamillu qinnuteqaatit SIK-imut nassiunneqareersimassaaq 6. juli 2026-i tikitsinnagu. Qinnuteqaatit nassiunneqarsimassaaq nittartakkatigut, uunga: sik@sik.gl

Nittartagarput qimerloorneqarsinnaavoq www.sik.gl aqqutigalugu, paasissutissarpassuillu tassani ujartuisoqarsinnaavoq.

Qilanaaraarput qinnuteqaaterpit tigunissaa!