SIK inuusuttunut siunnersortimik pissarsiorpoq

SIK inuusuttunut siunnersortimik pissarsiorpoq, atorfinitsinneqartussaavorlu 1. april 2026, aallarnerfigalugu, imaluunniit immikkut isumaqatigiiffigineqarnikkut aallartissinnaasumik.

Soqutigilluinnarpiuk sullissinissat nittartakkatigut suliaqartarnissat (Some, assersuutigalugu) aammalu kattuffilerinermi inuusuttunut soqutiginnissilersinnaaniissaannut suliffeqarfinni aammalu ilinniarfinni attaveqarsinnaaneq, taava ilinnut atorfik tulluartuuvoq.

Eqqartorneqarporlu atorfik pilersinneqartoq nutaarluinnaq, inuusuttunullu siunnersortin-ngorumaartup sunniuteqarfigilluassavaa qanoq atorfik imaqarnissaa.

Siunertaavorlu inuusuttunik siunnersortip suliassarissagaa inuusuttut inuiaqatigiinni atugaat aallutissallugit aammalu kattuffilerinermik inuusuttunut soqutiginnilersitsinnissaat aammalu siammarterinissamut, SIK-imut tunngasunik iluaqutaasussanngorlugu, inuusuttut inuiaqatigiinnut iluaqutissamut. Siunertaavorlu inuusuttunut siunnersortip suliarissallugit, SIK-imut ilaasortaanerup soqutigilernissaat, SIK-imi ilaasortat amerlisarneqarnissaat, inuusuttut sulisartutut aammalu ilinniagaqarnermik pitsaanerusumik atugaqalernissaat, oqariartaat ”ataatsimoorutta nukittunerussaagut” aallaavigalugu.

Siunertaavorlu, inuusuttumut siunnersortip suliarissallugu inuusuttunut attumassuteqassammata SIK-imilu pissanganartorpassuarnut pissanganartunngortinneqarnissaa SIK-ip nittartakkatigut siammarterinermik siammartereqataanissat.

Atorfimmi suliassat:

Uagut pisariaqatipparput inuusuttunut siunnersortip suliassai assigiinngitsut pissanganartut aammalu unammillernarsinnaasut assigiinngitsut, makkuuppullu:

- Inuusuttunut paasititsiniaaneq SIK-ip suliai pillugit aammalu suut iluaqutaappat SIK-imut ilaasortaanermi – paasisitsiniaanermi Some aqqutigalugit aammalu SIK-p nittartagaanni ikkunneqartussat.

- Ilinniarfeqarfinnut aammalu suliffeqarfinnut allat suleqatit peqatigalugit pulaartarneq, oqaluttuaralugillu SIK-imut tunngassuteqartut aammalu SIK qanoq inuusuttunut soqutiginarnerulernissaa.

- Sulissutigissallugu aallullugulu SIK-imi inuusuttut amerlanerusut ilaasortanngortinniar-nissaat.

- Isumasioqatigiisitsinissanut pilersaarusiornerit, siunertaralugu inuusuttunut tunngasut.

- Attaveqarnerit inuusuttunut politikkilluk suliaqartunut nunatta iluani.

- Naatsorsuutigissavat siunnersuinerit aammalu eqqartueqatigisassallugit siulittaasoq aammalu siulittaasup tullia, aammalu SIK-imi allattoqarfimmi suleqatitit allat ilagalugit, qanoq iliorluni inuusuttunut SIK-i pillugu anguniagai siammarternissaat.

- Suleqataaffigissallugu ussassaarinikkut nittartakkat Some aammalu SIK-p nittartagaanut ikkussuunneqartartussat aqqutigalugit allat siunnersortit SIK-imi allattoqarfiani sulisut ilagalugit.

Siunnersortimut nutaamut makkua naatsorsuutigaagut:

- Naleqquttumik Ilinniagaqarsimanissat

- Allaffissornermik misilittagaqarsimassaatit.

- Misilittagaqarsimanissat nittartakkakkut suliaqarsinnaaneq, assersuut Some-kkut.

- Qarasaasialerinermik ilisimasaqarnissat.

- Nammineq suliaqarsinnaaneq aammalu nammineq isumassarsiaqarsinnaaneq.

- Oqaatsinik atuisinnaassaatit, kalaallisut aammalu qallunaatut.

- Ilisimasaqarfigilluarsimassavatit, inuiaqatigiinnut tunngassuteqartut.

- Suleqatigiinnermik pitsaasumik suleqatikkuminartuusariaqarputit.

Neqeroorutigisinnaavagullu makkua:

- Pissanganartut, allanngorartullu suliassat.

- Suleqatit pikkorissut.

- Periafissat ineriartuutaasinnaasut, suleriaatsinut aammalu inuttut ineriartuutaasinnaasut.

- Pitsaasumik akissarsiaqartinneqarneq.

Paasissutissanik annertunerusunik ujartuisinnaavutit; SIK-p nittartagaa aqqutigalugu, www.sik.gl .

Kiisalu tikilluaqqusaavutit saaffigisinnaassallugit allattoqarfimmi pisortaq, Bjarne Petersen-i; ( bj@sik.gl aqqutigalugu imaluunniit oqarasuaat 349315, atorlugu) imaluunniit siunnersorti attavigisinnaavat; Linda Christensen (linda@sik.gl, oqarasuaat 349322 atorlugu), apeqqutissaqas-saguvit atorfimmut tunngassunut suugaluartunut.

Qinnuteqarnermi makkua paasissutissat ilanngunneqassapput ilinniarsimanermut uppernarsaatit aammalu suliffeqarsimanermut uppernarsaatit, SIK-illu allattoqarfianut qinnuteqaatit nassiunne-qareersimassaaq 9. februar 2026, tikitsinnagu. Qinnuteqaallu nassiunneqassaaq email-ikkut uunga; sik@sik.gl aqqutigalugu.

Qilanaaraarpugullu qinnuteqaaterpit tigunissaa !