Fakta
Atorfiup suussusaa: Silasiorfimmi Danmarkshavnimi Tunup avannaani maskiinalerisoq
Suliffeqarfik: Tusass
Qinnuteqarfissamut killigititaq: 8. juni
Attavissaq: Mads Andreasenip oqarasuaammut 389464-imut imaluunniit e-mailimut: maasi@tusass.gl attaviginissaanut tikilluaqqusaavutit.
Silasiorfimmi Danmarkshavnimi Tunup avannaani maskiinalerisoq
Atorfik unammillernartoq allanik suleqateqarluarfiusartoq, assut eqaatsuunissamik aamma timikkut tarnikkullu nukissaqarluarnissamik piumasaqaateqarfiusoq
Maskiinalerisutut assingusumilluunniit misilittagaqarputit atorfimmullu unammillernartumut sapiissuseqarlutit
Assassorlutit sulisinnaavutit allaffissornikkullu piginnaasaqarluarlutit, tassunga ilanngullugu Office-pakkemik atuinissamut ilisimasaqarneq. Peqqissuseqarluarnerit kigutivillu peqqilluartuunerannik uppernarsaasinnaassaatit, peqqissutsimut uppernarsaat Offshorekkunnit pissarsiarineqarsinnaavoq.
Ikiueqqaarnissamut uppernarsaateqaruit iluaqutaassaaq.
Inersimalluarputit, eqaatsuuvutit aamma suleqataavutit tatigineqarsinnaasoq nuannaartorlu.
Stationeqarfiup atortuisa akornuteqanngitsumik ingerlanissaannik qulakkeerinnittussaagavit namminersorsinnaavutit, aaqqissuussaasumik sulisinnaavutit peqqissaarlutillu sulisinnaallutit.
Suleqateqarsinnaanerup pingaaruteqarneranik aamma piumassuseqarnissamik allanillu sulialinnik suleqateqarsinnaassuseqarnissamik paasinnipputit, taamaammat tusarnaarsinnaallutillu ikiuerusussuseqarluarnermik takutitsisinnaavutit.
Pingaarnertulli atorfik soqutigivat aamma stationeqarfimmiikkaangavit tamatigut suliatigut inuttullu misigisaqarnissamut kajumissuseqarputit.
Suliassanik suliaqarsinnaavutit pisariaqartinneqarninnilu ikiuussinnaallutit
Ulluinnarni innaallagissiorfiup ingerlanneqarneranut stationeqarfiullu innaallagiaqarnerata, imeqarnerata kiassarneqarnerata ajunngitsumik ingerlanissaannut kiisalu stationeqarfiup qamutaata motorillit ingerlanneqarnerannut aserfallatsaaliorneqarnerannullu akisussaaffeqassaatit. Tamatuma saniatigut aserfallatsaaliuinermi suliassat allanngortiterinerinissallu pilersaarusiussavatit suliaralugillu, kiisalu stationeqarfimmi aqutsisup suleqatigiinneratigut nioqqutissanik kingoraartissanillu pisiortornermik isumaginnissaatit. Maskiinalerinerup saniatigut pikkoriffitit allat tusarusuppavut. Suliassat ilaat nunami pisuffigiuminaassinnaasumiimmata aalassarillutillu timikkut peqqilluarputit.
Sapaatip akunneranut akunnerit 40-t suliffiupput, ilaannikkulli sivisunerusumik aamma ullup unnuallu ingerlanerani qanoq ilinikkulluunniit sulinissaq pisariaqarsinnaavoq.
Iliuuseqartarputit ikiuukkumatullutillu aamma suliassaqarfiginngisanni ataatsimut suliassani peqataarusuttarputit.
Sapaatit akunnerit qulingiluat miss. ulluinnarni stationeqarfimmi sulisassaatit. Stationeqarfimmi sulisut tallimat tunniusimasut suleqatigalugit atortut pitsaasuunissaannik isumaginnissaatit, minnerunngitsumillu aamma suliffiup avataani suleqatigiilluartunut ilanngutissallutit. Taamaammat naleqqussarnissat ilakkuminartuunissallu pingaaruteqarpoq, aammali kisimiissinnaassallutit.
Neqeroorutigaavut
Atorfik soqutiginartoq namminersorfiusorlu, tassani pikkorissunik suleqateqassaatit, taakkulu pinngitsoorneqarsinnaanngitsut peqatigalugit nunarsuarmi avatangiisini imaannaannginnerpaat ilaanni suliassanik assigiinngiiaartorpassuarnik suliaqartassallusi. Suliatigut inuttullu ineriartornissamut periarfissaqarluarpoq.
Silasiorfik Danmarkshavn, Tunup avannaani
Tusassip silasiorfia Danmarkshavn, Kalaallit Nunaata Tunuani 76° 46’ N, 018° 40’ W-ip nalaata missaaniippoq. Danmarkshavnimit 700 km-it missaannik kujasinnerulluni Ittoqqortoormiit inoqarfiuvoq qaninnerpaaq. DMI aamma ICAO sinnerlugit balloninik silasiutinik qullartitsineq aamma silasiornermut atortunik uuttuutinik aserfallatsaaliuineq, aamma silasiornermi paasissutissat pissarsiarisatta Atlantikup Avannaani silaannakkut angallannermik pilersaarusiornermi qitiusumik ilanngunneqarnissaat silasiorfiup suliassarai. Ukiup affaata missaani suliartortinneqartassaatit, nalinginnaasumik qaammatit qulingiluakkaarlugit. Piffissani angerlarsimaffiusuni sulinngiffeqartoqartassaaq qaangiuttoornermullu taarsiullugu sulinngiffeqartoqartassalluni, aammali pikkorissartitsinerit pinngitsoorani peqataaffigineqartussat, suleqatigiilersitsiniarneq, peqqissutsimik misissuineq kigutileriffiliarnerlu ingerlanneqassapput. Stationeqarfimmi sulisut tallimat suliffimmi persuarsiorfiunngitsumi suleqatigissavatit aamma atortut kiisalu pitsaasuujuarnissaannik isumaginnissaatit kiisalu tutsuiginartumik isumannaatsumillu suleriaaseqassaasi. Minnerunngitsumik suleqatigiit atugarissaarnissaannut tapersiissaatit aamma sulinerup avataani.
Sulisut taarserneqartarniassammata ukiumut tallimariarluni timmisartuussisoqartarnissaanik aaqqissuussisoqartarpoq.
Taamaallaat immikkut illuinnartumik pisoqartillugu suliartortitaanerup nalaani suliffigisaq qimanneqarsinnaassaaq.
Ulloq atorfiniffik
1.august. Ullormit 12. augustimiit 14. oktobarimut 2026 siullermeerluni angalasoqassaaq
Akissaatitigut atorfinitsitaanikkullu atugassarititaasut
Aalajangersimasumik qaammammusiaqassaatit, aamma piffissani angerlarsimaffiusuni aalajangersimasumik qaammammusiaqassaatit, aamma immikkut ittumik isumaqatigiissuteqarfigineqarlutit atorfinitsinneqassaatit. Akeqanngitsumik nerisaqartinneqarlutillu najugaqartinneqassaatit. Malittarisassat atuuttut malillugit akileraartoqartussaatitaavoq.
Ulloq atorfiniffissaq: 01.08.2026 isumaqatigiissuteqarnikkulluunniit.
Pilerinarpa?
Atorfik pillugu paasisaqarnerorusukkuit stationeqarfimmi aqutsisup Mads Andreasenip oqarasuaammut 389464-imut imaluunniit e-mailimut: maasi@tusass.gl attaviginissaanut tikilluaqqusaavutit.
Qinnuteqaat oqaloqatiginninnerillu
Qinnuteqaatit CV-lu ilanngullugit Tusassip sulisussarsiorfigisartagaatigut kingusinnerpaamik 8. juni 2026 atorfimmut qinnuteqarit. Tusassip qinnuteqaatit ingerlaavartumik suliarisarpai aamma qinnuteqarnissamut killigitinneqartoq qaangiutsinnagu piukkunnartunik aggersaanissamut imminut pisinnaatippoq.
