Sineriami Radiomut Pisortaq, Aasiaat Radio

Sineriami Radiomut Pisortaq, Aasiaat Radio

Atorfik pillugu

Soraarninngortoqarnissaa peqqutigalugu Tusassi tunniusimasumik piginnaasalimmillu Aasiaat Radiomi – Nunatsinni imarsiornermi isumannaallisaanermi attaveqaqatigiinnermilu qitiulluinnartumik inissisimasumi aqutsisussatut Sineriami radiomut pisortassarsiorpoq. Atorfik atorfinittussaq apeqqutaalluni Nuummi imaluunniit Aasianni inissisimasinnaavoq.

• Sineriami radiomut pisortatut Aasiaat Radiomi ingerlatsinermi, aqutsinermi aammalu ineriartortitsineq akisussaaffigissavat. Imarsiornermilu attaveqaqatigiinnermi, nakkutilliinermi aammalu nunatta imartaani atuisunik sullissinermi qitiulluinnartumik inissisimaveqalissallutit. Atorfik teknikkikkut aammalu ingerlatsinermi ataatsimut isiginnissinnaanermik, aqutsilluarsinnaanermik suleqatigiisitsilluarsinnaanermillu piginnaasaqarluarnissamut piumasaqaateqarpoq. Atorfittaaq Nunatsinni pinasuartumik oqarasuaammut 112-imut aammalu Aasianni Radiomut sonde-qarnermut sulisoqarnermi aqutsineq akisussaaffeqarfigineqassapput.

Akisussaaffiit

• Aasiaat Radio aammalu pinasuartumik oqarasuaat 112 ataavartumik ingerlanneqarnera, tamatumanilu sulisoqarneq, sulisut piffissanik suliffissaannik pilersaarusiorneq aammalu isumalluutinik agguaaneq
• Sineriami radiomi sulisunut aqutsineq aammalu inerisaaneq, tamatumani piginnaasanngorsaaqqinneq, atugarissaaneq aammalu suliamut tunngatillugu piginnaasanik pitsanngorsaaneq
• Nunap iluani aammalu nunat tamalaat akornganni piumasaqaatit eqquutsinneqarneri, tamatumani ITU, IMO- aammalu SOLAS-standardit
• Ingerlatsinermut killiffinnik, ukiumoortumik, pisimasunik aammalu ineriartortitsinissamut pisariaqartitanik niuernermut pisortamut aammalu suleqatigisanut nalunaarusiorneq
• Suliffeqarfiup iluani aammalu avataanit suleqatit ilagalugit ingerlariutsinik, suleriuutsinik aammalu teknikkikkut aaqqissuinermut pitsanngorsaaneq
• Upalungaarsimanermut sulisut, politiit, Imarsiornermut aqutsisoqarfik, Arktisk Kommando, Forsvarsministeria, Klimadatastyrelsen, Nautisk udvalg, Radioforvaltningen, DMI, ICAO allarpassuillu ataqatigiissaareqatigalugit suleqatigineri
• QBC-mi (Qeqertalik Business Council) allanilu assingusuni ass. piffinni upalungaarsimasuni ilaaneq
• Aasianni Radiosondeqarnermi sulisunut akisussaasuuneq
• Imarsiornermi attaveqaqatigiittarnikkut isumannaallisaanermilu Tusassip suleqatitut tutsuiginartutut isigineqarneranut peqataaneq
• Aasianni Tusassip illuutaanik tamatumanilu ineqartitsisarnermi illuutinut nakkutilliineq ingerlatsinerlu

Piginnaasat

• Ilinniagaq attuumassusilik imaluunniit sineriami radiomi, imarsiornermi attaveqaqatigiinnermi, umiartornermi, attaveqaasersuinermi imaluunniit allani assingusuni misilittagaqaruit
• Minnerpaamik GOC radiocertifikateqassaatit, taannali sulilernerup kingorna pissarsiarineqarsinnaavoq
• Sulisunik aqutsinermut sulinermullu piffissalersuinermut misilittagaqarsimaneq
• Teknikkikkut paasisaqarluarsimaneq aammalu radiokkut attaveqaqatigiinnermut attavilersuinermut soqutigisaqarneq
• Imarsiornermut inatsisinut aammalu maleruagassianik paasisaqarsimaneq
• Suleqateqarsinnaanermut attaveqaqatigiinermullu piginnaasaqarluartutit, suliffeqarfiup iluani avammullu.
• Kalaallisut, qallunaatut tuluttullu allattariarsornikkut oqaluttariarsornikkullu piginnaasaqarluartutit

Neqeroorutigaarput

• Imaani isumannaallisaanermi inuiaqatigiinnullu pingaarutilimmi qitiulluinnartumi inissisimavik
• Aasianni Nuummiluunniit sulisinnaaneq
• Suleqatit tunniusimasut piginnaasaqarluartut suliaminnullu pingaartitsisut
• Suliffeqarfimmi ineriartortuartumi ineriartorsinnaaffeqarneq
• Akissarsiat piginnaasat aallaavigalugit inissinneqassapput, inissaqarniarnerlu maleruagassat aallaavigalugit periarfissaasoq

Qinnuteqaatit nassiuguk

Qinnuteqaatit aammalu oqaloqatiginninnerit ingerlaavartumik ingerlanneqarumaarput.

Qinnuteqaatit e-mailikkut tiguneq ajorpagut. Qarasaasiakkut qinnuteqaatit, CV assigisaalu ilanngullugit nittartakkakkut nassiutikkit.

Atorfinittussamik tulluartumik nassaartoqarpat atorfik inuttalerneqarumaarpoq.

Atorfik pillugu apeqqutissaqassaguit Niuernermut pisortaq Nikolaj Christoffersen allaffigalugu uunga aperisinnaavat nich@tusass.gl

Søg denne stilling