Sisimiuni Angerlarsimaffimmi Pilutami perorsaasussarsiorneq

Atorfininneq Majip aallaqqaataani 2026 imaluunniit isumaqatigiinnikkut pissaaq.

Nivissat inuusuttut inersimasunik toqqissisimanartunik avatangiiseqarnissaminnik pisariaqartitsisut pillugit allanngueqataarusuppit?

Sisimiuni Angerlarsimaffimmi Pilutami perorsaasussarsiorpugut atassusiinissamik uummateqarfeqartumik; ulluinnarni niviarsiaraatitsinnut 11-niit 17-inut ukiulinnut aalaakkaanermik, qanilaanermik nuannersunillu misigititsinissamik piumassusilik.

Uagut pilluta

Angerlarsimaffik Pilutaq nuna tamakkerlugu ulloq unnuarlu angerlarsimaffiuvoq Isumaginninnermut Ilaqutariinnermut Inatsisillu Atuutsitsinermut Naalakkersuisoqarfiup ataaniilluni.

Tamaani nivissat 11-niit 17-inut ukiullit najugaqarput, taakkulu tamarmiullutik immikkut oqaluttuassartaqarput. Ilai sumiginnagaasimapput, amerlasuullu inersimasunik ersarissuliorsinnaassusilinnik, aalaakkaattunik qanilaartunillu pisariaqartitsisuupput.

Perorsaanikkut paasinninneq, nukissanik samminninneq naligiimmillu pinninneq sullitanut periuseraarput avatangiisini aaqqissugaasuni angerlarsimaffippalaartunilu.

Atassusiinissaq aallaavigalugu sulivugut, tatiginninnerlu ineriartornermut aqqutaalluni - kiisalu toqqissisimaneq, qiimasaarneq isumassuinerlu allanngortitsisinnaalluni.

Pilutami ulluinnaat aalajangersimasumik periuseqarfiupput nuannersumillu misigisassaqarfiullutik. Pingaartipparput nivissat ulluinnarni aalaakkaallutik atuartassasut, sunngiffiminni sammisaqartassasut kiisalu illoqarfimmi sammisaqarlutik inoqasersortassasut.

Sapaatip akunnerata naanerini ferianilu illuaqqiartarpugut, piniariarluta, sisorariarluta imaluunniit nunaqarfinni asiartarluta, tassanilu niviarsiaqqat sullinnerini ataatsimoorneq asilu pingaaruteqartumik inissisimasuullutik.

Suliassatit

• Ulluinnaat toqqissisimanartut, aaqqissugaasut isumassuiffiusullu pilersitseqataaffigalugit

• Nivissat imminnut tatigilernissaanni, akisussaassuseqalernissaanni namminersorsinnaalernissaannilu tapersersorlugit

• Perorsaanermik suliaqarlutit, suleqatit immikkoortumilu aqutsisoq peqatigalugu takussutissiortarlusi

• Ineriartornissamut pilersaarusiornerit, katsorsaanermut pilersaarusiornerit kiisalu killiffimmik nalunaarusiornerit suliaralugit

• Nivissanut sammisassanik isumalinnik pilersaarusiorneq ingerlatsinerlu

• Asiarnerit suliaqarniarluni angalaarnerit ullut 14-inik sivisussuseqarsinnaasunik

• Piffissani nikerartuni sulisassaatit - ullaakkut, unnukkut, unnuarsiortarlutit sillimasuusarlutillu (bagvagt)

Naatsorsuutigaarput illit

• Perorsaasutut ilinniarsimasutit - imaluunniit meeqqanik inuusuttunillu angerlarsimaffiup avataanut inissinneqarsimasunik sullissinermik misilittagaqartutit

• Aalaakkaasutit, tatitusutit tunniusimasutillu

• Aaqqissuisinnaassuseqartutit ersarissuliorlutillu, niviarsiaqqanulli qanilaassuseqarlutit qiimasaarlutillu naaperiaasinnaallutit

• Naligiimmik pinnillutit ataqqinnillutillu periuseqartutit

• Kalaallit kultoorikkut naleqartitaannik ileqquinillu ilisimasaqartutit

• Suliamut samminnittumik, suleqatigiinnermik qiimasaarnermik suliffimmi ingerlaariaaseqartumi suleqataasinnaassuseqartutit

Neqeroorutigaavut

• Suliffik pissanganartoq tamatigoortorlu suliamut samminnittumik ineriartornermillu qitiutitsisoq

• Suliatigut avitseqatigiinneq oqilisaassillunilu oqaloqateqarneq

• Suliffimmi tunniusimalluni kialaartumillu ataatsimoorfeqarneq, takuneqarlutit, tusaaneqarlutit naleqartinneqarlutillu

• Nivissat ulluinnaannut pitsanngorsaataasinnaasunik isummanik suliniutinillu tunniussaqaqataanissaut periarfissaqassaaq

Aningaasarsiatigut atorfinitsitaanermilu atugassarititaasut 

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Sulianut tunngasut

• Piffissaq suliffiusoq: Sapaatip akunneranut nalunaaquttap akunneri 40-t

• Aqutsisorisaq qaninneq: Pilutami immikkoortortami aqutsisoq

• Pineqaatissinneqannginnermut meeqqanik pinerliisimannginnermut allagartat: Inatsisit naapertorlugit atorfininnginnermi pissarsiarineqassaput

• Qinnuteqarnissamut piffissaliussaq: Apriilip 30-iat 2026

• Attaveqaat: Pisortaq Miacecilia Munch Ingemann

• ✉️ E-mail: Forst@pilutaq.gl

• 📱Mobil: +299 58 03 32

Maani upperaarput meeqqat inuusuttullu tamarmik ineriartorsinnaasut inersimasunik ersarissuliorsinnaassusilinnik uummatigissunillu naapitsigaangata. Tamanna ilinni ilisarigukku erinigaarput tusarfigissallutit.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.