Sisimiuni Pilersaarusiornermut immikkoortortami teknikkikkut sulisoq

Qeqqata Kommunia isumaqatigiissuteqarnikkulluunniit aallartittussamik Sisimiuni Pilersaarusiornermut immikkoortortami inissisimasumik teknikkikkut sulisumik pissarsiorpoq

Pilersaarusiornermut immikkoortortatsinnut allaffissornermut GIS-imik misilittagaqartumik aammalu digitalimik kommunip pilersaarusiorfigineqarnera 2024-48-p nutarternissaanut kiisalu pilersaarusiornermut immikkoortortami pilersaarutinut nunaminertanullu suliassanut teknikkikkut sulisussamik pissarsiorpugut. Kommunip pilersaarusiorfigineqarnera pioreersoq ullutsinnut pisariaqartitanut kiisalu pilersaarusiornermut inatsimmi allannguutaasunut nutaanut kingullernut nalimmassarneqarlunilu nutarterneqassaaq. Teknikkikkut pilersaarusiornermi suliassanut pissanganartunut, pingaarnertut kommunip pilersaarusiorfigineqarneranut pilersaarutip digitaliusup, kommunip illoqarfiullu pilersuurusiorneqarneranut atatillugu GIS-imi nunap assinganik suliarinninneranik nutarsartuarneranillu pingaartitsilluni nalimmassaasarnermi inerisaanermilu pilersaarusiornermut pisortaq ikiussavat. Illoqarfinni, nunaqarfinni nunallu timaani annertuujusumi kommunip ineriartortisineranut ingerlatsinissamut pilersaarusiornissamullu pilersaarusiornermut immikkoortortaq isumaginnittuuvoq. Tamatuma saniatigut pilersaarusiornermut nunaminertanullu tunngasunik allaffissornikkut suliassat arlaqartut ilaapput. Teknikkeqarnermut Avatangiisinullu immikkoortuani pilersaarusiornermut immikkoortumi suleqatigiit ikittuinnaapput, tassani pilersaarusiornermut pisortaq aammalu nunaminertanik sullissisut marluk sulisuullutik. Teknikkeqarnermut Avatangiisinullu ingerlatsivik assigiinngitsunik sulialinnik 16-inik sulisoqarpoq. Ingerlatsivimmi suliaqarfiit assigiinngitsut, soorlu sanaartornermut oqartussaqarfik, avatangiisit, sanaartorneq ingerlatsinerlu pilersaarusiornermut immikkoortumit qanimut suleqatigineqarput. Taamatullu kommunip illuutai immikkoortullu eriagisanik ingerlatsinermik kiisalu kommunip illuliortaatsimik eqqarsaatiginninnermut akisussaaffik pilersaarusiornermut immikkoortortamit tigummineqarluni.

Suliassat akisussaaffiillu:

• Kommunip pilersaarusiorfigineqarnera digitaliusup, matumani illoqarfiup kommunillu pilersaarusiorneqarneranut pilersaarutit, pilersaarutit ilai kiisalu periusissiatigut pilersaarutit allat inerisarneranut malinnaatittuarneranullu pilersaarusiornermut pisortamut ikiuunneq.
• Kommunip illoqarfiillu pilersaarusiornerinut GIS nunap assinginik suliaqarneq.
• Innuttaasunik akuutitsinermut pilersaarusiornermullu atatillugu paasissutissanik katersineq suliaqarnerlu.
• Pilersaarusiornermut pisortaq qanimut suleqatigalugu nalunaarusianik, allakkanik sulianillu saqqummiussassanik suliaqarneq.
• Nalunaarutiginninnernik, tusarniaanernik tamanullu saqqummiussinernik il.il. isumaginninneq.
• Teknikkikkut 3d atorlugu illoqarfiit nunallu assilineranik immikkoortortap inerisaaneranut nukittorsaanermut peqataaneq.
• Piffissani pisariaqarfinni nunaminertanik sullissinermut ikiuunneq.

Piginnaasat:

• Ingeniøritut, illunik titartaasartutut, nunalerisutut imaluunniit GIS ilinniarnermut attuumassuteqartumik ilinniarnermik attuumassuteqartumik ilinniagaqartutit.
• GIS atorlugu nunap assinganik titartaanermut ilisimasaqarluartutit misilittagaqarlutillu.
• Teknikkikkut piginnaasaqarluartutit aammalu qarasaasiaq atorlugu sulilluarsinnaasutit.
• Peqqissaartuusutit aaqqissuussilluatuusutillu.
• Qallunatut ajornanngippallu kalaallisut oqallorissuusutit.
• Illoqarfimmik nunamillu pilersaarusiornermut aammalu pilersaarusiornermut inatsimmik ilisimasaqartutit, piumasaqaataanngilarli.
• Suleqataasunik, aqutsisorisannik, politikerinik illullu avataani suleqatigisanik suleqateqarsinnaasutit aammalu pitsaasumik suleqatigiinnissamut tunngaviliisumik attaveqaatinik pilersitsinissamut paasinnittuusutit.
• Aaqqissugaassuseqartutit aammalu siunissamut ungasinnerusumut suliassat pillugit namminersorlutit sulisinnaasutit.
• Office, Adobe aammalu AutoCAD 3ds Max-iluusinnaasunik atuinissamut ilisimasaqartutit.

Akissarsiatigut atorfinitsitsinermilu atugassarititaasut:Akissarsianut atorfinitsitaanermilu atugassarititaasut, Naalakkersuisut sulininnilu isumaqatiginninniarsinnaatitaalluni kattuffiup akornanni isumaqatigiissutit sukkulluunniit atuuttut naapertorlugit inissinneqassapput.Teknikkikkut sulisoq allaffissornikkut Sisimiuni inissisimavoq, pilersaarusiornermullu pisortap ataani aaqqissuussaanikkut inissisimalluni.

Inissaqartitsisoqarsinnaavoq, malittarisassallu atuuttut malillugit akilersorneqassalluni.

Atorfininnissaq 1. maj isumaqatigiissuteqarnikkulluunniit pissaaq.

Atorfik pillugu paasissutissat annertunerusut, pilersaarusiornermut pisortamut Piet Rose, oqarasuaat (+299) 86 74 64 imaluunniit e-mail: piet@qeqqata.gl atorlugit saaffiginninnikkut pissarsiarineqarsinnaapput.

Qeqqata Kommuniani ukkatarineqartut

Kommunip suleriaasia, innuttaasunik naapitsisarnera, inuutissarsiutillit, avataaniillu suleqatigineqartartut Akimortumik suleriaaseqarnermut, Innuttaasunik akuutitsinermut, Nammineq kajumissutsimik sulisarnermut, Nunarsuarmioqataanerulernissamut Sulisullu ilorrisimaarnerinut suli ilisarnaataassapput.

Kommunimi atorfilimmik naapitsigit

Qeqqata Kommuniani kommunimi sulisut (atuarfinni, paaqqinnittarfinni, allaffeqarfeqarfimmi) 1300-t missaanniipput, taakkunannga 141-t, Sisimiuni 94-t Maniitsumilu 47-t, allaffeqarfimmi atorfeqarlutik. 

Nittartakkatsinni www.qeqqata.gl/ansat-imi Qeqqata Kommuniani sulisutut kommunimi sulileqqaarnermit ukiuni arlalinni sulisuunermi sulisut assigiinngitsut misigisimasaat atuarsinnaavatit.

Qinnuteqaat:

Qinnuteqaat ilinniarsimanermut uppernarsaatinik attuumassuteqartunik, imminut ilisaritinnermik, oqaaseqaatinik attaveqarfissanillu ilalik piffissaliussap qaangiutinginnerani tigoriissavarput.

Imatut qinnuteqassaatit:

Qinnuteqaatit elektroniskimik nassiunneqassaaq, quppernermi matumani allerpaami innersuussaq toorukku qinnuteqaatit, imminut ilisaritinneq il.il. kakkiullugit nassiussinnaavatit.

Malugiuk:

Qinnuteqaatit pappilianngorlugit mailikkulluunniit tiguneq ajorpagut, qinnuteqaatip nittartagaq aqqutigalugu nassiunneqarnissaa inussiarnersumik piumasarineqarpoq.

Qinnuteqarnissamut killissarititaasoq: apriilip 1.-at, 2026