Sisimiuni Teknikkeqarnermut Avatangiisinullu Imm. sanaartornermut sulisumik pissarsiorpoq

Qeqqata Kommuniani sanaartugassatut pilersaarutit arlallit aallartisarpavut, taamaattumillu Teknikkeqarnermut Avatangiisinullu Immikkoortortaqarfimmi Sisimiuniittumi sanaartornermut sulisussarsiorpugut. Sanaartornermut suleqataasutut periarfissinneqassaatit, sanaartugassatut suliassani ingerlanneqareersuni nutaanilu peqataasinnaanissannut, soorlu aqqusinniorneq, sanaartorfissagissaaneq, atuarfinnik marlunnik nutarterineq, inissialiornerit allarpassuillu.

Atorfik aaqqissuussaanikkut Sisimiuni Sanaartornermut pisortaq aqutsisoralugu Teknikkeqarnermut Avatangiisinullu Immikkoortortaqarfimmiippoq, sulianullu tunngatillugu sanaartornermut immikkoortortaqarfimmi sulisut pingasut siunersiueqatigineqartassapput kiisalu Maniitsumi sanaartornermut suleqataasumut ikiuuttarnissaq ilaatinneqarpoq.

Sisimiuni Teknikkeqarnermut Avatangiisinullu Immikkoortortaqarfik 14-inik sulisoqarpoq, Maniitsumilu sisamanik sulisoqarluni.

Suliassat akisussaaffiillu:

• Pilersaarusiorneq, pilersaarusiat suliarineri kiisalu immikkoortortaqarfimmi sanaartugassat tamaasa missingersuusiorneri
• Sanaartornermut pilersaarusiornermiit kommunip sanaartugassaataanik tunniussinissamik ingerlatsineq
• Kommunip sanaartugassaataanik annikinnernik siunnersuutinik suliaqarnermiit naammassinninnermut
• Kommunip journalinut toqqorterinermullu systemianut naapertuuttumik sanaartornermi allattorsimasunik toqqorterineq
• Teknikkeqarnermut Avatangiisinullu Immikkoortortaqarfik akimorlugu sulisut allat suleqatigalugit pinasuartumik suliassat suliarineri

Piginnaasat

• Teknikkimut attuumassutilimmik ilinniarsimassasutit – ingeniøri imaluunniit bygningskonstruktøri allanilluunniit attuumassuteqartunik tunuliaquteqassasutit
• Kalaallit Nunaanni inuiaqatigiinni pissutsinut kulturimullu ilisimasaqarneq pingaartinneqarpoq
• Atuisut kissaataat sanaartortitsisullu suliassaannik ataqatigiissaarinissamik misilittagaqassaatit
• Pisortat aamma/imaluunniit namminersortut illuliaannik aamma sanaartortitsinerinik nakkutilliinermik misilittagaqassaatit
• Oqaatsitigut allattariarsornikkullu attaveqaqatigiinneq pikkoriffigissavatit.
• Nammineersinnaassuseqassaatit
• Sanaartornerup iluani inatsisit attuumassuteqartut ilisimasaqarfigissavatit
• Suleqatitit, aqutsisut, qinikkat kiisalu illup avataani suleqatit suleqatigisinnaassagitit
• Aaqqissuussaasumik suleriaaseqartutit, misissueqqissaarisinnaassuseqartutit kiisalu paasinartumik ersarissumillu saqqummiisinnaasutit
• Ammasuusutit, qiimasuusutit, qiimmisaarnermillu nuannarisaqarlutik persuarsiorpalaartuunngitsutit
• Ajornanngippat arlalinnik oqaaseqartuussaatit.

Akissarsiat atorfininnermilu atugassarititaasut:

Akissarsiat atorfeqartitaanermilu atugassarititaasut, taakkununnga akiliunneqarluni angalanermut pequtillu assartorneqarnissaanut pisinnaatitaaffiit ilanngullugit, Naalakkersuisut kattuffigisallu isumaqatiginninniarsinnaatitaasup akornanni isumaqatigiissutit atuuttut naapertorlugit pissapput.

Aaqqissuussaaneq:

Inissamik innersuussisoqarsinnaavoq malittarisassat sukkulluunniit atuuttut malillugit akilerneqartussamik.

Atorfik allaffissornikkut Sisimiuni inissisimavoq, Sisimiunilu sanaartornermut pisortap ataani aaqqissuussaanikkut inissisimalluni.

Piaartumik isumaqatigiissuteqarnikkulluunniit atorfinittoqassaaq

Atorfik pillugu paasissutissat allat, sanaartornermut pisortamut Elise Olsenimut, oqarasuaat (+299) 86 74 71-imut imaluunniit e-mail: elox@qeqqata.gl-imut saaffiginninnikkut pissarsiarineqarsinnaapput.

Qinnuteqaat iliniarsimanermut uppernarsaatinik, imminut ilisaritinnermik oqaaseqaatinik attaveqarfissanillu ilalik nassiunneqassaaq.

Sanaartornermut immikkoortortaqarfik pillugu

Sanaartornermut immikkoortortaqarfik Teknikkeqarnermut Avatangiisinullu Immikkoortortaqarfimmiippoq, tassaniipporlu Ingerlatsinermut Immikkoortortaqarfik aamma Pilersaarusiornermut Immikkoortortaqarfik. Sisimiuni Sanaartornermut Immikkoortortaqarfimmi sanaartornermut pisortap saniatigut sanaartornermut sulisoqarpoq, Maniitsumi sanaartornermut sulisoq ataaseq kiisalu Kangerlussuarmi sanaartornermut sulisoq ataaseq.

Nittartakkatsinni www.qeqqata.gl/ansat kommunimi sulisut assigiinngitsut pillugit atuarsinnaavutit.

Qinnuteqarnissamut killissarititaasoq: juulip 25.-at, 2025

Atorfik una qinnuteqarfigiuk