Sisimiuni Teknikkimik Ilinniarfimmi sanaartornerup iluani ilinniakkanik pisortaq

Siunissami Nunatsinni sanaartortussat ilinniartinnissaannut siuttoorusuppit?

Nunarput oqaluttuarisaanermi aatsaat taama annertutigisumik sanaartornermi, attaveqaasiornermi, nukissiornermi nunniornermilu suliassanik annertutigisunik ingerlataqarpoq. Tamannalu inuussutissarsiornermut tunngasunik ilinniarfinnut nutaamik piumasaqaateqalersitsivoq.

Taamaattumik Kalaallit Nunaanni Teknikkimik Ilinniarfik (KTI) takorluuisinnaasumik iliuuseqarusussuseqartumillu pisortassarsiorpoq, Sisimiuni KTI-mi sanaartornermi ilinniartitaanerup ataatsimut isigalugu siuttuuffigalugu ineriartortitsisinnaasumik. Tikkuussisussamik sanasunngorniat, ruujorilerisunngorniat, qalipaasunngorniat, sivikitsumik ilinniagaqartut, pikkorissariat issittumilu nunniunngorniartut ilinniartitaanerat aaliangiiffigisinnaalissavat.

Suliassatit

Ilinniartitaanermut pisortatut KTI-mi aqutsisunut qitiusumut inississaatit, toqqaannartumik pisortaanermut nalunaaruteqarlutit.

Ilinniartitsinermut tunngatillugu periusissiornermut, ineriartortitsinermut, aningaasaqarnermut, pitsaassutsimut sulisunullu akisussaassaatit, aamma KTI-p inuussutissarsiornermi teknikkimik ilinniarfinni siuttuujuarnissaanik qulakkeerinninnissannut.

Ilinniartitsisut sulisullu 20-t 22-llu akornanniittut aqutsisuussaatit, ulluinnarnilu suliassat ilinniartitsinermut inspektørinit marlunnit aqunneqassapput.

Akisussaaffitit

• Ilinniartitaanermut tunngatillugu periusissiamik ineriartortitsineq atuutilersitsisarnerlu

• Inuussutissarsiortut qanimut suleqatigalugit ilinniartitaanermik pikkorissarnermillu neqeroorutit nutaat ineriartortinnissaat

• Ilinniartitsinerup pitsaassusiata qulakkeernissaa

• Atuartitsiviit pitsaasut, atuartut nuannaarnerat naammassinninnerallu eqqarsaatigalugit pilerinartunik pilersitsinissaq

• Ilinniartitaanerup suliffiit pisariaqartitaannut naleqquttuunissaata qulakkeernissaa — maannakkut siunissamilu

• Erseqqissumik tatiginninnermillu tunngaveqartumik sulisunik aqutsineq, ineriartortitsineq kajumissaarinerlu

• Missingersuutinut, aningaasaqarnermut atortussanillu pilersaarusiornermut akisussaassuseqarneq

• Suliffeqarfinnik, kattuffinnik, oqartussaasunik nunanilu tamalaani suleqataasunik suleqatigiinnermik ineriartortitsineq.

Aqutsisussaq ujagarput

Tulluartumik ilinniarnertuunngorsimavutit aqutsinermillu, ineriartortitsinermik allannguiniarnermillu misilittagaqarlutit.

Sanaartornerup iluani inuussutissarsiornermilluunniit ilinniarfinnik ilisimasaqarluarputit, aamma ilinniartitaanerup, teknologiip suliffissallu imminnut attuumassuteqarnerat nalunngilat.

Aqutsisutut erseqqissuullutillu peqataatitsilluarlutillu ineriartornissamut kajumissisitsisuuvutit. Takorluukkat piviusunngortinnissaannut siuttoorusupputit.

Ukunani misilittagaqaruit iluaqutigissavat:

• Inuussutissarsiutitigut ilinniarfiit

• Aningaasanik missingersuusiornermullu aqutsineq

• Suliffeqarfimmik ineriartortitsineq

• Suliffeqarfinnik kattuffinnillu suleqateqarneq

• Suliniutinik allannguinernillu aqutsineq.

Taamaammat KTI toqqassavat

KTI-mi ilinniarfimmut angusaqarluarusuttumut Kalaallit Nunaannilu suliffissaqartitsinerup ineriartortinneqarneranut pingaarutilimmik inissisimaffiusumut ilaalersinnaavutit.

Neqeroorutigivarput:

• pisortatut atorfik pingaarutilik aalajangiisinnaatitaaffiusoq

• Kalaallit Nunaanni inuussutissarsiornermut tunngasunik ilinniarfinnik ineriartortitsinissamut sunniuteqarluarsinnaaneq

• Aqutsisut nukittuut tunniusimasullu

• sulisut pikkorissut suliamut tunngasunik ilisimasaqarluartut

• Inuussutissarsiortut nunatta iluani nunanilu allani suleqatigisat qanimut suleqatiginissaat

• suliatigut inuttullu ineriartornissamut periarfissaqarluarneq.

KTI pillugu

Teknikkimik Ilinniarfik (KTI) tassaavoq nunatsinni teknikkikkut ilinniarfiit annersaat Sisimiuni Nuummilu ingerlatsivilik.

Siunissami sanasutut saffiuussanillu sanaartornermilu suliaqartussatut ilinniartinneqartussat ilinniartittarpavut, aamma pikkorissartitsisarpugut ilinniarnertuunngorniartitsisarlutalu.

KTI ilaatigut Danmarks Tekniske Universitet (DTU) suleqatigaa ingeniøritut ilinniagaqartitsinermi, Københavnimilu Teknika maskinmesteritut ilinniagaqartitsinermi.

Aningaasarsiat atorfininnermilu atugassarititat

Atorfik akissaateqarfimmi LR 36-mi maanna inissisimavoq.  1. april 2026 LR 36-mi tunngaviusumik akissarsiaq tapiillu aalajangersimasut soraarnerusutissianullu illuartittagaq ilanngullu antterussuseqarput qaamammut   Kr. 57.531 ukiumullu Kr. 690.372.

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Piffissaq suliffiusoq aallaavik sap.ak. tassaavoq 40t, saniatigullu atorfimmut ukiumut piareersimasussaatitaaneq annertussusilerneqarsimavoq 320t, tassa qaammatit pingasukkaarlugit 80t.

Najugaq
Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik.  Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Ingerlaavartumik qinnuteqartut suliarineqartarput. Atorfinitsitsineq isumaqatigiisioreernikkut pissaaq.

Paasisaqarnerorusuppit?

Qupanuk Olsen, atuarfiup pisortaanera oqarasuaat +299 58 88 98 (ullut tamaasa ullup-qeqqata kingorna) imaluunniit e-mail quol@kti.gl aqqutigalugu attavigisinnaavat.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 
E-mail-ikkut qinnuteqaatinik tigusineq ajorpugut.