Siunissamut ilusilersueqataarusuppit? Aserfallatsaaliinermut Allattoqarfimmi sulianut aqutsisut imaluunniit immikkut ittumik siunnersortit

Aserfallatsaaliinermut Allattoqarfimmi sulianut aqutsisunik imaluunniit immikkut ittumik siunnersortinik anguniagaqarusuttunik tunniusimasunillu pingasunik, nunatsinni illuliortitsernermik sanaartornermillu inuussutissarsiuteqarnermik ineriartortitseqataarusuttunik pissarsiorpugut. Suleqatigiinni, inuiaqatigiinni suliassanik pingaarutilinnik suliaqartuni qitiusumik inissisimassaatit, minnerunngitsumillu: atuisunut ersarissunik allanngueqataassaatit.

Aserfallatsaaliinermut Allattoqarfik Ineqarnermut, Attaveqaasersuutinut Isorliunerusunullu Naalakkersuisoqarfimmi immikkoortortaqarfiit sisamaasut ilagaat, tassanilu Namminersorlutik Oqartussat suliassaqarfinni arlalinni; ilinniartitaanermi, ilinniartunut inissiani, oqaluffinni, isumaginninnikkut sullissivinni, umiarsualivinni inissianilu iluarsaassinerni, aserfallatsaaliuinerni isaterinernilu sanatitsisutut inissisimanerat isumagineqarpoq.

Atorfik pillugu

Aserfallatsaaliinermut Allattoqarfimmi sulianut aqutsisutut suleqatigiinni teknikkikkut nukittuuni, ilinniartitaanermi, ilinniartunut inissiani, oqaluffinni, isumaginninnikkut sullissivinni, umiarsualivinni ineqarnermilu iluarsaassinerit aserfallatsaaliuinerillu akisussaaffigalugit suleqataalissaatit. Suliat ingerlanerini tamani ataqatigiissaarisuusassaatit – isumassarseqqaarnermiit kikissap kingulliup ikkunnissaanut – aammalu suliat pitsaasumik akisussaassusilimmillu tunniunneqarnissaat qulakkeertassallugu.

Tamatuma nassatarisaanik avataaniit siunnersortit suleqatigalugit suliassat neqerooruteqartitsinerillu suliarineqarnerinik ataqatigiissaarisuusassaatit, suleqatissanut isumaqatigiissusiortassaatit, kiisalu suliassat suliarineqarnerini malinnaasassaatit nakkutilliisassallutillu. Taamaattumik ilaatigut Namminersorlutik Oqartussat inissiarsuaataanni iluarsaassinerit, inuiaqatigiinnut annertuumik isumaqartut, kiisalu politikkikkut annertuumik eqqummaariffigineqartut ingerlanneqarnissaanut qulakkeereqataasassaatit.

Suliassatit ilaatigut tassaassapput:

• Suliassat isumassarsinermiit tunniunnissaannut aqutsineq
• Siunnersortinik entreprenørinillu suleqateqarneq
• Neqerooruteqartitsinissamut isumaqatigiissusiornissamullu suliassat
• Aningaasaqarneq pitsaassutsimillu qulakkeerisarneq
• Sanatitsisunut siunnersuisarneq suliassaqarfiillu akimorlugit ataqatigiissaarisarneq

Tamatuma peqatigisaanik malitassanik aaqqiissutissanillu nutaanik, nunatsinni silap pissusianut sinaakkutissanullu immikkut ittunut naleqquttunik ineriartortitseqataanissamut periarfissaqassaatit.

Kinaavit?

Teknikkikkut attuumassutilinnik tunuliaqutaqarputit – soorlu illuliornermi aqutsisutut, issittumi ingeniøritut assigisaatulluunniit. Misilittagaqareersinnaavutit, ilinniarnernik naammassisaqaqqammersinnaavutit akunneraniluunniit inissisimasinnaallutit - pingaarneruvorli:

• Akisussaaffimmik tiguserusunnissat naammassisaqarnissamullu kajumissuseqarnissat
• Alapernaatsuunissat suleqatigiinnissamillu pingaartitsinissat
• Ulluinnarni ulapaarfiusuni suliassannik ilisimaarinninnissat
• Suliani mikisualuit ilivitsullu akornanni nikerartitsisinnaanissat
• Inuiaqatigiinnik kalaallinik ajornanngippallu oqaasiinik ilisimaarinninnissat

Aningaasaqarnermik aqutsinermik, neqerooruteqartitsisarnermik sanaartornermilu suliassanik suliaqarnermik misilittagaqarneq iluaqutaassaaq - piumasaqaataanngilarli.

Taamaattumik uagut toqqartariaqarpatsigut

Uagutsinniinninni avatangiisit suliatigut nukittuut, nutaaliornermik, ineriartortitsinermik suleqatigiinnermillu pingaartitsisut akornanniilissaatit.

Neqeroorutigaavut:

• Pisortat sanaartornerannut sunniuteqarnissamut asseqanngitsumik periarfissaqarneq
• Naalakkersuisoqarfimmi, politikkikkut aalajangiisarnermut qanilluni suliaqarfiusumi sulineq
• Sullivimmi avatangiisit pingaartorsiorfiunngitsut uummaarissullu
• Suliatigut unammilligassat, ilinniaqqinnissamut periarfissaqarfiulluartut
• Ulluinnaat inissaqartitsiffiulluartut illarnissamullu inissaqartitsiviusut

Nuuk aallaavigaarput, kisiannili suliassagut nunamut tamarmiusumut tunngapput – taamaattumik angalasarnissat piareersimaffigissavat.

Sulinermut tunngasut

Atorfiit piaartumik inuttalerneqarnissaat kissaatigineqarpoq.

Apeqqutissaqaruit uku attaveqarfigissavatit:

• Allaffimmi pisortaq Niels Thomassen, tlf. +299 345493, mail: niet@nanoq.gl
• Immikkoortortaqarfimmi pisortaq Derek Kainamura Pedersen, tlf. +299 345455, mail: dekp@nanoq.gl

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Inissamik innersuussisoqarsinnaanngilaq, pineqartoq atorfimmut atatillugu ineqareersuuppat, imaluunniit ineqarsimappat kommunep inaataanik Namminersorlutillu oqartussalluunniit inaataanik. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput. Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni.

Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik. Sulisutut ataavartumik initaarnissaq utaqqinarsinnaavoq, taamaattumik utaqqiisaagallartumik inissiisoqarsinnaasarpoq, tassunga ilanngullugu najugaqatigiiffinnut minnerusunut imaluunniit akunnittarfimmi inissianut inissiisoqarallarsinnaalluni, taakkulu akileraarusersorneqassallutik. Sulisunut inissiani utaqqiisaasumiklluunniit inigisani angisuunik uummasuuteqarsinnaaneq soorlu qimmeqarsinnaaneq qitsuuteqarsinnaanerluunniit periarfissaqanngilaq

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk