Siunnersuinermik Ilaqutariinnillu Katsorsaanermik Sullissivik Suliniummut suleqataasussaq

Siunnersuinermik Ilaqutariinnillu Katsorsaanermik Sullissivik Suliniummut suleqataasussaq

Nuummi meeqqanut, inuusuttunut aamma ilaqutariinnut pinaveersaartitsineq nukittorsaaqataaffigerusuppiuk, taakkununngalu isumatuumik pingaarutilimmillu allanngueqataarusullutit – angerlarsimaffiup avataanut inissiisarnerup pinaveersaartinneqarnissaanut immikkut ukkasseqataallutit? 

Kommuneqarfik Sermersuup suliniummut ullup ilaani sulissussarsiorpoq, sulilersussaq Siunnersuinermik Ilaqutariinnillu Katsorsaanermik Sullissivimmiissalluni.

Meeqqat inuusuttullu atugarissaarnissaasa sulissutigineqarnissaannut soqutiginnippit pinaveersaartitsinermillu aamma soqutiginnittuullutit? Kommuneqarfik Sermersooq suliniummut ullup ilaani sulisussarsiorpoq, sulilersussallu Viska Horses suliuniutaanut qaammatit arfinillit ingerlanerini timitalerniarneqarneranut suleqataassaaq.

Suliffigiligassami suliassat:

Kommuneqarfik Sermersuup suliniutaa tassaavoq Viska Horses suleqatigalugu hestemik katsorsaariaaseq tunngavigalugu meeqqat inuusuttullu sakkortuumik pissussillit, atuarumaneq ajortut aamma eqqissisimanngitsumik pissusilinnut katsorsaasasarnissaq. Suliuniutip siunertaraa meeqqat pitsaasumik misigissuseqalernissaannut ikiuissalluni, inunnut akuullualernissaannut piginnaanneqarnerulersitsissalluni, attaveqarnikkut aamma pinngortitaq tunngavigalugu katsorsaatitsissalluni, kiisalu angajoqqaat oqilaavigineqassallutik, tamatumuuna meeqqat angerlarsimaffiup avataanut pinaveersaartinneqarnissaat siunertaalluni.

Uku suliassarissavatit:

∙Viska Horsesimut ataqatigiissarisuussaatit suliffigisavillu suleqataanut aamma ataqatigiissaarisuussallutit

∙Atuisunut angajoqqaanullu attaviginnittassaatit

∙Paasissutissat pillugit suleqataallutillu uppernarqataasassaatit, suliamik killiffissiuineq aammalu nalilersuineq. 

∙Katsorsartinneqassallutik nalunaartut ikiortassavatit aamma angallannerinut ikiuuttassallutit

∙Sullitassi killiffii pillugit nalunaarsueqataasassaatit nalunaarusiortassallutillu 

Illit pillutit

∙Meeqqanik inuussuttunillu atugarliortunik sullissinermik misilittagaqassaatit

∙Aaqqissuussillaqqissaatit nammineersinnaassuseqarlutillu

∙Inoqatinnut paasinnittuussaatit, ataqqinillutit akuersaartuullutillu aamma paasinartumik attaviginnittassaatit

∙Paasissutissanik uppernasaataasunik katersuineq misilittagaqarfissavat aammalu immikkut suliniutinut misilittagaqarsimanissat kissaatiginarpoq.

∙Marlunnik kalaallisut qallunaatullu oqaaseqartuuguit iluaqutaassaaq, piumasaqaataanngilarli.

Ima neqeroorfigaatsigit:

∙Suliffik isumaqarluartoq pingaarutilillu, meeqqat angajoqqallu pitsaasumik ineriartornerinut sunneeqataasinnaasoq

∙Suliffimmi suliffigissaartoqarnissaanik qitiutitsisoqarlunilu ukkatarinnittoqartoq, suliffik nuannersuusoq toqqissimasuusorlu, naqisimaneqanngitsumillu isummersinnaatitaasoq

∙Suliannut tunngasunik aallussilluarnissannut ineriartornissanullu periarfissaqassaatit suliannullu naammagisimaarinninnissannut suleqatitit suleqatigalugit aamma periarfissaqassallutit

Paasissutissaq

Suliffik piffissamut aalajangersagaavoq, ullup ilaani suliffigineqartassalluni (sapaatip akunneranut nalunaaquttap akunneri 30-t suliffiussallutik) erngertumik suliffigineqalersinnaalluni. Suliniutigineqartup ineriartornera aamma nakkutigineqarnerata naammassineqarnera naapertorlugit suliffik sivitsorneqaqqinnissaminut perarfissaqarsinnaassaaq. 

Pineqaatissinneqarsimannginnermut uppernarsaat:

Atorfik una pineqaatissinneqarsimannginnermut uppernarsaammik pissarsinissamut inatsit naapertorlugu pisussaatitaaffeqarpoq. Inatsit naapertorlugu kommune pineqaatissinneqarsimannginnermut uppernarsaammik pissarsippat atorfinitsitsineq aatsaat pisinnaavoq. Taamaammat maluginiaqqussavarput atorfininnissamut isumaqatigiissusiortoqarsinnaammat kommune pineqaatissinneqarsimannginnermut uppernarsaammik Politiinit aatsaat pissarsereerpat.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 729-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: aggustip 1.-at, 2025

Atorfik una qinnuteqarfigiuk