Siunnersuinermik Ilaqutariinnillu Katsorsaanermik Sullissivimmi siunnersortimik pissarsiorpoq

Nuummi Meeqqanut- Ilaqutariinnullu immikkoortortaqarfik Siunnersuinermik Ilaqutariinnillu Katsorsaanermik Sullissivimmi siunnersortimik pissarsiorpoq

Kommuneqarfik Sermersooq Siunnersuinermik Ilaqutariinnillu Katsorsaanermik Sullissivimmut pikkorissumik tunniusimasumik siunnersortimik pissarsiorpoq, piaartumik isumaqatigiissuteqarnikkulluunniit atorfinissinnaasumik. 

Sullissivimmi ilaqutariit, meeqqat inuusuttullu tamakkiisumik isiginnittaaseqarluni sullinneqarput inooqatigiinnikkut ajornartorsiutinik unammilligassanillu assigiinngitsunik suliarinninnissaminnik kissaateqartut.

Atorfiup imaa:

Siunnersortissatta innuttaasut siunnersussavai aqqutissiuullugillu aamma pisuni atugarliorfigisaminni aamma/imaluunniit unammilligassaqarfigisaminni paasinnittariaasiinik iliuuserisartagaannillu ineriartortissallugit. 

Sullissivimmi suleqatigiikkaat sisamaapput:

1. Suleqatigiit 1 - terapi aamma katsorsaaneq

2. Suleqatigiit 2 - eqimattanut neqeroorutit

3. Suleqatigiit 3 - siunnersuineq ilitsersuinerlu.

4. Suleqatigiit 4 – innuttaasut angerlarsimaffiini siunnersorteqarneq

Siunnersortitut akisussaaffigaatit:

Siunnersuineq periuutsinik aaqqissuussinermik suliaqarneq, taamaalilluni pitsaasumik allannguinissaannut periarfissaqalersitsineq.

Siunnersorti psykoterapeutitut imaluunniit aanngajaarniutinut katsorsaasutut ilinniarsimaguni piffissami sivikitsumi terapimik ingerlatsissaaq, ilinniarsimanngikkunili atugarliorneq innuttaasullu suna allanngortissinnaaneraa ukkatarissavaa. 

Suliniut unammilligassanik innuttaasup angerlarsimaffimmi misigisagaanik tunngaveqarpoq, suliniummullu iliuusissatut pilersaaruteqarpat, iliuusissatut pilersaarut aallaavigineqartuaannassaaq.

Siunnersorti ikiuigasuartussanut ilaasortaassaaq

Atorfimmut atasumik suliassat assigiinngitsut pinngitsoorani suliarineqartussaapput ilanngullugit:

·Innuttaasumik ajornartorsiutiminik suliarinnittumik ikorfartuineq, ilaqutariit akornanni avatangiisinullu atatillugu attuumassutilinni.

·Angajoqqaat, meeqqat inuusuttullu massakkumi siunnersuineq aqqutissiuussinerlu.

·Innuttaasup imminermut ilaquttaminillu piginnittunngornissaanut tapersersuineq. Innuttaasup aalajangiiniarnerani, najoqqutassiinerani killiliineranilu ikorfartuineq.

·Angajoqqaat meeqqallu pillugit najoqqutassiat, naleqartitat, piumasaqaatit, inatsisit, perorsaaneq naatsorsuutillu pillugit aqqutissiuussineq tapersersuinerlu

·Innuttaasumik unammilligassalimmik ass. pinngitsuuisinnaajunnaarsimasumik aqqutissiuussineq, siunnersuineq aamma/imaluunniit katsorsaaneq

·Atassuteqarfiit suleriaatsit pinngitsuuisinnaajunnaarnerlu qitiutillugit ataatsimut isiginnittumik aaqqissuussamik oqaloqateqartarnermik neqeroorneq.

·Ilaqutariinnut innersuunneqarsimasunut neqeroorummik "aqqutissiuunneqarluni ilaqutariittut najortigiinneq"-mik suliaqarneq

·Ammasumik siunnersuinermik ingerlatsineq imaluunniit ”ammasumik” terapimik ingerlatsineq

·Ikiuigasuarnermut atatillugu suliassat

Qinnuteqartunut naatsorsuutigisat:

Naatsorsuutigaarput ajornanngippat isumaginninnermi imaluunniit perorsaanermi akunnattumik sivisussusilimmik ilinniagaqartutit, ajornanngippallu aanngajaarniutinik katsorsaasutut ilinniarsimasutit aamma/imaluunniit psykoteraputitut ilinniarsimasutit kiisalu atorsinnaasunik allanik ilinniagaqarsimasut soorlu supervisioni, Life Coach. Qinnuteqartoq ajornanngippat siunnersuinermik aqqutissiuussinermillu misilittagaqarpoq. Tamakkiisumik isiginnissinnaavutit, aaqqissussaasumik sulisinnaasoq aamma siumut pilersaarusiullaqqissoq.

Qinnuteqartup attaveqarluarsinnaanissaa pingaaruteqarpoq. 

Aammattaaq pingaartipparput, qinnuteqartoq:

·Ineriartortitserusussuseqartoq alapernaatsuusorlu.

·Namminersorluni suliaqallaqqissoq, kisianni kiffaanngissuseqarani

·Suleqatigiinni suleqatikkuminartoq suleqatiginnikkusuttorlu

·Nutaaliorsinnaasoq, oqaloqateqarnermik pingaartitsisoq tusarnaarsinnaassuseqartorlu

Neqeroorutigaagut

Suliffik unammillernartoq atorfiup imarisaanik sunniuteqarnissamut periarfissalik kiisalu aaqqissuussaanermi ineriartortumi allanngorartumilu akisussaaqataanissaq.

Suliffimmut suliffeqarfimmullu iserluartinneqarnissaq pingaartipparput aamma aqutsisut qanimut immersoqatigiiffigalugit suleqatigiilluarnissaq kiisalu aallartitsinissamut nutaaliornissamullu inissaqartitsinissaq anguniartuarparput.

Attuumassutilinnut pikkorissarnernut peqataasarneq aqqutigalugu sulisut ilinniagaqaqqinnissamut periarfissaqartinnissaat pingaartipparput.

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:Immikkoortortami Aqutsisoq Anna Hansen, oqarasuaat +299 36 71 83 imaluunniit e-mail: ahan@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 593-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: juulip 2.-at, 2025

Atorfik una qinnuteqarfigiuk