Siunnersuinermut Ilaqutariinnillu Katsorsaanermut Sullissivik Nuummi suleqatigiinni aqutsisoq

Kommuneqarfik Sermersooq – Meeqqanut Ilaqutariinnullu Ingerlatsivik Siunnersuinermut Ilaqutariinnillu Katsorsaanermut Sullissivik Nuummi katsorsaanermi aamma oqaloqatiginnilluni katsorsaanermi suleqatigiinni aqutsisussarsiorpoq

Siunnersuinermut Ilaqutariinnillu Katsorsaanermut Sullissivimmi meeqqanik, inuusuttunik ilaqutariinnillu tamanik isiginnittumik sullissisarpugut, inuttut unammilligassanik aamma ajornartorsiutinik iliuuseqarfiginninnissaminnut ikorfartornissamik pisariaqartitsisunik.

Immikkut ilisimasallit sisamaavugut ukuninnga qitiutitsisut:

·Peqqissaaneq aamma katsorsaaneq

·Pikkorissarneq aamma ineriartortitsineq

·Siunnersuineq aamma aqqutissiuussineq

·Ujartuilluni aamma angerlarsimaffimmi ikorfartuinermik suliniutit

Suleqatigiit ilaannut suleqatigiinnut aqutsisumik tunniusimasumik aamma pikkorissumik piaartumik imaluunniit isumaqatigiissuteqarnikkut atorfinittussamik pissarsiorpugut.

Suleqatigiinnut aqutsisutut suliassatit tassaapput:

Suleqatigiinnut aqutsisutut ulluinnarni ingerlatsinermut aamma suleqatigiit ineriartortinneqarnissaannut akisussaasuussaatit. immikkoortortami aqutsisup, katsorsaanermi aqutsisup sulisullu akornanni attaveqaataassaatit, suliassannilu pingaarnerpaassaaq nalerisimanerup, ataqatigiissaarinerup aamma sulinermi suliatigut pitsaassutsip qulakkeernissaa.

Makkununnga tunngasut ilaatigut suliarisassavatit:

·Suleqatigiit pitsaasumik sulinerannik ikorfartuineq aamma sullivimmi avatangiisinik pitsaasunik aamma toqqissisimanartunik qulakkeerinninneq

·Suleqatigiit ulluinnarni suliaannik ataqatigiissaarineq aamma isumaqatigiissutinik ukiumullu pilersaarutinik malinnaaffiginninneq

·Sulisut suleqatigiilluarnissaannik patajaallisaaneq.

·Sulinermi aqutsisup aalajangiineranik atuutsitsilernissamut tapersiineq

·Suleqatigiit sulinerannik suliaannillu peqataaneq

·Suleqatigiit aqutsisuisa ataatsimiinneranni aamma attuumassutilinnik eqqartuinermi peqataaneq

·Pisariaqartillugu suliassanik takkussuuttunik isumaginninneq

Malugiuk, missingersuutinik akisussaaneq imaluunniit atorfinitsitsinermut, soraarsitsinermut imaluunniit annertuumik aaqqiagiinngittoqartillugu isumaginninnermut atatillugu sulisunut akisussaasuuneq atorfimmut ilaanngimmata.

Pingaartipparput:

·Tarnip pissusaanik ilisimasalittut ilinniagaqarsimassasutit

·Aqutsisutut misilittagaqartutit aqutsisuunikkullu ineriartorusussasutit

·Tamanik takunnissinnaasoq, aaqqissuussaasumik sulisinnaasoq aamma siunissaq eqqarsaatigalugu pilersaarusiorsinnaasoq

·tapertariilluni suleqatigiinnermi nukittuffilik aamma suleqatigiit suleqatigiinnerannik tatigeqatigiiffiusumik toqqissisimasumillu pilersitsisinnaasoq

·Nalerisimanermik, sulinermi tatisimaneqarnermik aamma suliassanik agguataarinermik ullut tamaasa malinnaaffiginninneq

·Allaffissornikkut suliassanik soqutiginnittoq aamma sulianik nutarterinermik qulakkeerinnittoq

·Suleriaatsit, killissarititat aamma isumaqatigiissutit iluanni anguniagalimmik suleqateqarsinnaasoq

·Suleqatigisat peqatigalugit isumasiueqatiginnissinnaasutit qanimullu suleqateqarsinnaasutit

·Eqaatsumik suleriaasilik, aamma nutaalianik aaqqiissuteqarsinnaasoq

·Pitsaasumik inunnut isiginnittariaaseqarluni, misiginneqataalluni aamma tatiginassuseqarluni allanik naapinnissinnaasoq

·Suleqatigiinnik aqutsisutut suleqatigiinnik aqutsisinnaasoq aamma sulianik nammineerluni isumaginnissinnaasoq

·Ilaqutariit killiffii pillugit ataatsimiinnernut oqartussat peqatigalugit peqataasarneq

·IT-systeminik aamma nalunaarsuinermik misilittagalik

·Marlunnik oqaaseqartuusutit, kalaallisut qallunaatullu, tamannali piumasaqataanngilaq.

Uku neqeroorutigivavut:

Uagutsinni avatangiisini suliatigut tunniusimaffiusumi ilaalissaatit, tassani tarnikkut toqqissisimaneq isumasiueqatigiinnerlu qitiutinneqarlutik. Sullivinni avatangiisinik ineriartortitsinissamut, eqqarsaatiginninnermut aamma ilikkariartornermut inissaqartitsisumik - inuttut ataasiakkaatut aamma ataatsimoorfinni pitsaasumik pilersitsinissaq anguniagaraarput.

Neqeroorutigaavut:

·Suliffik unammillernartoq pissanganartorlu, imarisaanik sunniuteqarnissamut periarfissalik, aamma aaqqissuussaanermi ineriartortumi allanngorartumilu akisussaaqataanissamut periarfissaqarfiusoq.

·Suliffimmut aamma suliffeqarfimmut sukumiisumik ilitsersorneqarneq

·Suleqatigiinneq qanimut aqutsisunik isumasiueqatigiiffiusoq kiisalu nammineq suliniuteqarnissamut nutaaliornissamullu inissaqartitsisoq

·Sulianut tunngatillugu ineriartornissamut periarfissalikpikkorissartarnerit ilinniagaqaqqissinnaanerillu attuumassutillit aqqutigalugit

·Suliat pillugit isumasiueqateqarnissamik periarfissat

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit:

Fagchef Maliina Junge Jørgensen oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 917-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: septembarip 30.-at, 2025

Atorfik una qinnuteqarfigiuk