Siunnersuinermut Ilaqutariinnillu Katsorsaanermut Sullissivimmi katsorsaanermi aqutsisoq

Nuummi meeqqanut ilaqutariinnullu katsorsaanikkut suliniuteqarnerni ataqatigiinnermik, tamatigoortumik takunnissinnaanermik ingerlatitsisinnaanermillu pilersitserusuppit?

Ataqatigiissaarinermik piginnaaasaqarluarpit, tamakkiisumik isiginnissinnaavit aamma sulianut immikkut ilisimasallit qanimut suleqatigerusuppigit?

Taava immaqa illit tassa Siunnersuinermut Ilaqutariinnillu Katsorsaanermut Sullissivimmi (CRF) katsorsaanermi aqutsisussarput nutaaq.

Uagutsinni ilaqutariit piffissaq eqqorlugu eqqortumik ikiorneqarnissaat ukkataralugit siusinnerusukkut iliuuseqarnissamut pinaveersaartitsinissamullu sullissivugut.

Atorfik pillugu:

Katsorsaanermi aqutsisutut CRF-imi qitiusumik ataqatigiissaarisutut atuuffeqassaatit aamma tarnip pissusaanik ilisimasallit pisortaanut, immikkoortortat aqutsisuinut suleqatinullu pingaarutilittut suleqatiginnittunngussaatit.

Tarnip pissusaanik ilisimasallit pisortaat qaninnertut pisortarissavat, tassaasoq katsorsaanermut tunngasunik suliatigut pingaarnerusumik akisussaasuusoq sullissiviullu immikkoortortaani aqutsisuinik aqutsisuusoq.

Katsorsaanikkut suliniuteqarnerit malinnaaffigineqarnissaat, ataqatigiissaarneqarnissaat suleriaasinngortinneqarnissaallu qulakkiissavatit, taamaalilluni innuttaasunik sullissineq ataqatigiissalluni isumaqatigiissutillu ulluinnarni iperarneqassanatik.

Sullissiviup aaqqissuussaanera:

CRF sisamanik immikkoortortaqarpoq, taakkulu ilaqutariit pillugit qanimut suleqatigiillutik:

·Peqqissaanermut katsorsaanermullu immikkoortortaq

·Ataatsimoortunik katsorsaanermik neqeroorummut immikkoortortaq

·Pinaveersaartitsinernut suliniutinut siunnersuinermullu immikkoortortaq

·Ilaqutariinnut tapersersuisumillu suliniutinut immikkoortortaq

Katsorsaanermi aqutsisutut immikkoortortat akimorlugit assigiinngitsut akornanni akisussaasuussaatit.

Pingaarnertut suliassatit:

Ataqatigiissaarineq aamma malinnaaffiginninneq

·Sulianik ingerlatanillu ingerlanneqartunik aaqqissuussaasumik malinnaatitsisarnissamik qulakkeerinninneq

·Katsorsaaneq suliarlu pillugit ataatsimiinnerni aalajangiinernik malinnaaffiginninnerit

·Sullissivimmi killiffik, ingerlalluarneq sulisullu pillugit tamakkiisumik takunninnissamik qulakkeerinninneq

Isertarfik innersuussisarnerlu

·CRF-ip ataatsimoortumik mailianik isumaginninneq

·Immikkoortortanut attuumassuteqartunut saaffiginnissutinik tigusineq, immikkoortiterineq tunniussinerlu

·Saaffiginnissutinik tamanik piffissaq eqqorlugu suliarinninnissamik qulakkeerinninneq

Ataatsimiinnerit suleqatigiinnerlu

·Aggersaaneq ataqatigiissaarinerlu:

·Malittarinnilluni ataatsimiinnerit

·Immikkoortortat suliamillu immikkut ilisimasallit akornanni ataatsimiinnerit

·Tamakkiisumik takunninnissaq, pingaarnersiuinissaq siumukartitsinissarlu pillugit tarnip pissusaanik ilisimasallit pisortaannik qanimut suleqateqarneq

Pitsaassuseq aaqqissugaanerlu

·Uppernarsaanerit, killiffik pillugu aamma inaarutaasumik nalunaarusiornerit pitsaassusaannik tapersiineq

·Ersarissumik suleriaatsinut tapersiineq sullissivimmilu suliaqarnermi ataatsimoorussamik aaqqissuussineq

·Immikkoortortat tarnillu pissusaanik ilisimasallit pisortaat akornanni attaveqaataaneq

Tarnip pissusaanik ilisimasallit pisortaannik suleqateqarneq:

Tarnip pissusaanik ilisimasallit pisortaat qanimut suleqatigissavat, taannalu:

·katsorsaanermut tunngasunik suliatigut pingaarnerusumik akisussaasuusoq

·katsorsaanermut aalajangiussanut, periutsinut suliatigullu sammiviliinissanut akisussaasuusoq

·katitigaasunik ajornartorsiuteqarnikkut katsorsaanermut sulianullu tunngasunik ataatsimiinnernik aqutsineq

Suliatigut aalajangiinerit malinnaaffigineqarnissaat suleriaasinngortinneqarnissaallu qulakkiissavatit

Kinaavit?

Naatsorsuutigaarput:

·Isumaginninnermik, katsorsaanermik attuumassutilimmilluunniit ilinniagaqartutit

·Ataatsikkoortunik suliniutini ataqatigiissaarisarnermik tamakkiisumik isiginninnissamik malinnaaffiginninnissamillu ilisimasaqarluartutit

·Aaqqissuussaasumik aaqqissuulluagaasumillu sulisinnaasutit – inuttut isiginnittariaaseq annaanagu

·Atuuffimmi ingerlalluartoq, matumani qanimut suleqateqartoq, sulisorisanulli akisussaaffeqanngitsoq

·Oqaloqatiginninnermik ilisimasaqartoq, akuersaartoq suleqataalluarsinnaasorlu

·Qarasaasiatigut allaffissornikkullu suleriaatsinik toqqissisimasoq

·Ajornanngippat marluinnik oqaasilik, kalaallisut danskisullu

Neqeroorutigaavut:

·Meeqqanut ilaqutariinnullu toqqaannartumik pingaaruteqartumik sulineq isumaqarluartoq

·Atuuffik erseqqissumik killeqartinneqartoq piujuartitsisorlu

·Tarnip pissusaanik ilisimasallit pisortaannik immikkoortortanilu aqutsisunik tunniusimasunik qanimut suleqateqarneq

·Suliffik atugarissaarnissamik, suliatigut tarnillu pissusaanik tunngasunik pingaartitsisoq

·Aaqqissuussaaneq ineriartortoq, matumani aaqqissuussinermik pitsaassutsimillu pingaarnerutitsisoq

Pineqaatissinneqarsimannginnermut aamma meeqqanut pinerliisimannginnermut uppernarsaat:

Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.

Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.

Akissaatinut atorfinitsitaanermullu tunngatillugu atugassarititaasut:

Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.

Atorfinititsineq qaammatini pingasuni misiliutitaqassaaq.

Inissaq:

Atorfininnermut atatillugu inissiamik innersuussisoqarsinnaanngilaq.

Annertunerusumik paasisaqarusukkuit:

Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Fagchef-i Maliina Junge Jørgensen, oqarasuaat +299 36 80 53 imaluunniit e-mail: mjuj@sermersooq.gl

Qinnuteqaat:

Qinnuteqaat qulequtserlugu Atorfiup ilisarnaataa 34-26-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.

Imatut qinnuteqaateqassaatit:

Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.

Malugiuk:

Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.

Qinnuteqarnissamut killissarititaasoq: februaarip 3.-at, 2026

Atorfik una qinnuteqarfigiuk