FAKTA
Atorfiup suussusaa: Siunnersuinermut Ilaqutariinnillu Katsorsaanermut Sullissivimmut ataqatigiissaarisut marluk
Suliffeqarfik: Kommuneqarfik Sermersooq
Qinnuteqarfissamut killigititaq: 23. maaji
Attavissaq: Anna Hansen, tlf. +299 36 71 83 imaluunniit e-mail: ahan@sermersooq.gl
Nuummi Meeqqanut Ilaqutariinnullu immikkoortortaqarfik pissarsiorpoq SIKS - Siunnersuinermut Ilaqutariinnillu Katsorsaanermut Sullissivimmut ataqatigiissaarisut marluk
Kommuneqarfik Sermersooq Siunnersuinermik Ilaqutariinnillu Katsorsaanermik Sullissivimmut pikkorissumik tunniusimasumik ataqatigiissaarisunik marlunnik pissarsiorpoq, piaartumik isumaqatigiissuteqarnikkulluunniit atorfinissinnaasumik.
Sullissivik tamakkiisumik isiginnittaaseqarluni ilaqutariinnik, meeqqanik inuusuttunillu inooqatigiinnikkut ajornartorsiutinik unammilligassanillu assigiinngitsunik suliarinninnissaminnut kissaateqartunik sullissisuuvoq.
Sullissivipput suleqatigiinnut sisamanut immikkoortitsigaavoq:
1. Suleqatigiit 1 - peqqissaaneq aamma katsorsaaneq
2. Suleqatigiit 2 - Eqimattatut neqeroorut ilaqutariinnillu siunnersioqatigiinneq
3. Suleqatigiit 3 - siunnersuineq ilitsersuinerlu
4. Suleqatigiit 4 – innuttaasup angerlarsimaffiani suliniutit
Atorfiup imaa:
Suleqatissagut ilaqutariinni siunnersioqatigiinni ataqatigiissaarisutut atorfeqassapput. Suliniuteqartuusup piumasaqarneratigut ataqatigiissaarisup ilaqutariinnik siunersiueqatigiissitsineq aallartissavaa, siunersiueqatigiinnernillu malinnaaffiginnissalluni.
Ataqatigiissaarisutut suliassatit tassaassapput:
Ataqatigiissaarisutut assigiinngitsunik suliallit isumaginninnermik siunnersortit, ilaqutariinnik katsorsaasartut, ilinniartitsisut, perorsaasut il.il. akornanni suleqatigiinnerannik pitsanngorsaasuussaatit.
Ilaqutariinnik siunersiueqatigiissitsisarnerup atuutilersinneqarnissaanik qulakkeerinninnissaq siunertaralugu, illit ataqatigiissaarisutut, Siunnersuinermik Ilaqutariinnillu Katsorsaanermik Sullissivimmi periutsip atuutilersinneqarnissaa akisussaaffigilissavat.
Suliassat arlallit isumagisassarissavatit, ilaatigut:
·Meeraq/inuusuttoq ilaqutariinnut attaveqaatinullu qaaqqusissutinik suliaqarnerani ikiorlugu
·Meeraq/inuusuttoq, angajoqqaat suliamillu aallarniisoq peqatigalugit suliffigalugu paasissutissiisartut qaaqqullugit
·Ilaqutariinnik siunnersiueqatigiissitsinissamut ersarissumik killiliussaqartitsinissaq, taamaalilluni meeqqamut peqataasussanut allanut toqqissisimatitsissammat
·Ilaqutariinnik siunersiueqatigiissitsinermik malinnaaffiginninnermi ataatsimiinnissanik qulakkeerinninneq
·Ilaqutariinnik siunersiueqatigiissitsinermi periuseq pillugu saqqummiineq ilinniartitsinerlu
Qinnuteqartunut naatsorsuutigisat:
Naatsorsuutigaarput ataqatigiissaarisutut ilinniagaqarsimasutit, meeqqanut inuusuttunut ilaqutariinnullu katsorsaanermik misilittagaqarlutillu piginnaasaqartutit.
Pingaartipparput inussiarnertuusutit, suleqatikkuminartoq kiisalu namminersorluni sulisinnaassuseqartoq, nammineerluni iliuuseqarsinnaassuseqartoq, akisussaassuseqarnermik eqqumaffiginnissuseqartoq, attaveqatiginnilluarsinnaassuseqartoq tatituujusutillu.
Meeqqamik/inuusuttumik taakkulu ilaqutaanik pitsaasumik, nuannersumik aamma toqqissisimasumik attaveqalersinnaasuusutit.
Tamatuma saniatigut pingaartipparput, qinnuteqartoq:
·Ineriartortitserusussuseqartoq alapernaatsuusorlu
·Namminersorluni suliaqallaqqissoq, taamaattorli allanit akuliuffigineqarsinnaasutit
·Tamakkiisumik isiginnissinnaasoq, aaqqissuussaasumik sulisinnaasoq aamma siumut pilersaarusiullaqqissoq
·IT-mik programminillu atuuttunik suliaqarnermut pikkorissoq
Neqeroorutigaavut:
Suliffik unammillernartoq atorfiup imarisaanik sunniuteqarnissamut periarfissalik, kiisalu aaqqissuussaanermi ineriartortumi allanngorartumilu akisussaaqataaneq.
Suliffimmut suliffeqarfimmullu iserluartinneqarnissaq pingaartipparput, aamma aqutsisut qanimut siunnersiueqatigalugit suleqatigiilluarnissaq, kiisalu aallartitsinissamut nutaaliornissamullu inissaqartitsineq anguniartuarparput.
Pikkorissarnernut attuumassutilinnut peqataasarneq aqqutigalugu sulisut ilinniagaqaqqinnissamut periarfissaqartinneqarnerat pingaartipparput.
Pineqaatissinneqarsimannginnermut aamma meeqqanut pinerliisimannginnermut uppernarsaat:
Atorfik taanna meeqqanik pinerliisimannginnermut aamma pineqaatissinneqarsimannginnermut uppernarsaammik piumasaqaateqartussaatitaaneq pillugu inatsit naapertorlugu uppernarsaatinik piumasaqaateqarfiuvoq. Inatsit naapertorlugu Kommuni uppernarsaatinik naammaginatutut isigineqartunik pereerpat atorfinninneq aallartinneqarsinnaavoq. Taamaattumik malugeqqussavarput Kommunip uppernarsaatit nammaginartutut isigineqartut, meeqqanik pinerliisimannginnermik uppernarsaat rigspolitiinit, aammalu pineqaatissinneqarsimannginnermut uppernarsaat Politiinit pippagit atorfininnissaq inissinneqassammat.
Meeqqanik pinerliisimannginnermut uppernarsaat Kommunimit aaneqassaaq pineqartumik akuersissuteqarnikkut, pineqaatissinneqarsimannginnermullu uppernarsaat nammineq illoqarfigisami Politeeqarfimmut aaneqassaaq.
Akissaatinut atorfinitsitaanermullu tunngatillugu atugassarititaasut:
Akissarsiaqarnermut atorfinitsitaanermullu atugassarititaasut Namminersorlutik Oqartussani isumaqatigiissut atuuttoq, atorfininnerup nalaani Namminersorlutik Oqartussat kattuffiullu pineqartup isumaqatigiinniarsinnaatitaasup akornanni isumaqatigiissutit atuuttut naapertorlugit.
Atorfinititsineq qaammatini pingasuni misiliutitaqassaaq.
Inissaq:
Atorfininnermut atatillugu inissiamik innersuussisoqarsinnaanngilaq.
Annertunerusumik paasisaqarusukkuit:
Atorfik ilinnut soqutiginaateqarpat atorfik pillugu tassungalu tunngasumik suliassat itinerusumik paasisaqarfigerusukkukkit uunga saaffiginninnissannut tikilluaqqusaavutit: Immikkoortortami Aqutsisoq Anna Hansen, oqarasuaat +299 36 71 83 imaluunniit e-mail: ahan@sermersooq.gl
Qinnuteqaat:
Qinnuteqaat qulequtserlugu Atorfiup ilisarnaataa 440-25-mik, ilinniagaqarsimanermut uppernarsaat siornatigullu sulisimanermut uppernarsaatit qinnuteqaammut ilanngullugit, qinnuteqaateqarnissamut piffissarititaasup qaangiutinnginnerani qinnuteqartoqassaaq.
Imatut qinnuteqaateqassaatit:
Atorfik qinnuteqarfigerusutat takugukku, uagutsinnut qinnuteqaammik nassiutissavat nittartagarput aqqutigalugu. Atorfimmut qinnuteqarfiginiakkannut link-i, atorfimmi inuttassarsiorneqartumi takusinnaavat.
Malugiuk:
Qinnuteqaatit pappilissatigut mailikkulluunniit tiguneq ajorpagut, inussiarnersumik qinnuteqaatit nittartagaq aqqutigalugu nassiuguk.
Qinnuteqarnissamut killissarititaasoq: maajip 23.-at, 2025
Atorfik una qinnuteqarfigiuk
