Suleqarnermut siunnersorti

KNI-mi ingerlatsinermut isumannaatsumut sulisullu qitiutillugit Sulisoqarnermut immikkoortortaqarfimmi ingerlatsinermik qulakkeerinermut peqataarusuppit? Sulisoqarnermi allaffissorneq, aqutsisunut siunnersuineq kiisalu Sulisoqarnermut immikkoortortaqarfimmi suleriaatsinik ineriartortitsineq nuannarisaqarfigaajuk? Taava immaqa illiusinnaavoq Sulisoqarnermut siunnersortitut nutaatut atorfinitsinniagarput, piaartumik imaluunniit isumaqatigiissuteqarnikkut sulilertussaq.

Sisimiuni Qitiusumik Kiffartuussivimmi Sulisoqarnermut immikkoortortaqarfitsinnut ilanngutissaatit, tassani Sulisoqarnermut siunnertitut suleqatitit, akissarsialerisut suliffeqarfiullu iluani aqutsisut assigiinngitsut qanittumik suleqatigissavatit. Atorfik assigiinngiiaartunik imaqarpoq, ulluinnarnilu sulinermi Sulisoqarnermut immikkoortoqarfimmi ingerlatsinerup pitsaasuunissaa qulakkiissavat, peqatigitillugulu Sulisoqarnermut immikkoortortaqarfimmi suliat ineriartortinneqarnerannut digitaliseerneqarnerannullu peqataassallutit.

Atorfik pillugu Ulluinnarni Sulisoqarnermut immikkoortortaqarfimmi siunnersortitut ingerlatsinermi ingerlaavartumillu ineriartortinneqarnerani pingaarutilimmik inissisimassaatit. Sulisoqarnermut immikkoortoqarfimmi Teamlederimut attaveqaateqassaatit, aqutsisunut suleqatinullu pingaarutilimmik siunnersueqataasassallutit.

Sulisoqarnermut immikkoortaqarfimmi suleriaatsit ineriartortillugillu digitaliseererneqarnissaat sulissutigaarput, Sulisoqarnermut immikkoortortaqarfimmilu ingerlatseriaatsitsinnik nutaamik atuutilersitsinermi ingerlatsilernermilu pingaarutilimmik peqataassallutit.

Suliassat pingaarnerit

Makku ilaatigut suliarisassavatit:

· Atorfinitsitsinermi isumaqatigiissusiornerit kiisalu isumaqatigiissutinut tapilunneqartut

· Atorfinitsitsinerit soraarsitsinerillu kiisalu sulisoqarnermut tunngasunik allaffissorneq

· Sulisoqarnermut tunngasunik siunnersuineq avitseqatigiinnerillu

· Sulisoqarnermut inatsisitigut suliassat, ilanngullugit mianersoqqussutit, soraarsitsinerit sulisunullu tunngasut allat

· Soraarnerussutisiaqarnermut, peqqinnissamut sillimmasiinermut sulisullu pillugit aaqqissuussanut allanut tunngasunik ingerlatsineq

· Atorfinnut inuttassarsiuussinerit. Pitsaassutsimik qulakkeerineq atorfinitsitsiniarnermilu tapersiineq

· HR-data, kisitsisit nalunaarusiornerlu kiisalu paasissutissanik pitsaassutsimik qulakkeerineq

· Sulisoqarnermut immikkoortoqarfimmi allaffissornermi suleriaatsinik ineriartortitsineq pitsanngorsaanerlu

· Sulisoqarnermut immikkortoqarfiup iluani assigiinngiiaartunik ad hoc-imik suliassat

Ilinnut naatsorsuutigisagut

· Sulisoqarnermut, allaffissornermut, inatsisilerinermut assigisaanulluunniit tunngatillugu naleqquttumik ilinniagaqartutit

· Sulisoqarnermut ingerlatsinermik allaffissornermillu assingusumilluunniit misilittagaqartutit

· Sulisoqarnermut inatsisinik ilisimasaqartutit, malittarisassanik isumaqatigiissutinillu atorneqarsinnaasumik atuutsitsisinnaasutit

· Suleqarnermut masterdatanik digitalimillu suleriaatsinik misilittagaqartoq soqutiginnittorluunniit

· Oqaatsitigut allakkatigullu erseqqissumik suliatigullu pitsaasumik attaveqartartoq

· Sullissilluartoq, suleqatiginnissinnaasoq tatigeqatigiinnermillu pilersitsisinnaasoq

· Kalaallisut qallunaatullu oqalussinnaallutillu allassinnaasoq

Atorfik imaattumik inuttalerusupparput 

· Akisussaassuseqartoq aaqqissuussaasumillu suleriuseqartoq

· Eqaatsumik suleriuseqartoq ulapaarfimmilu ataatsimut isiginnissinnaasoq

· Inuit akornanni pitsaasumik suleqatiginnissinnaasoq diplomatiskiusorlu

· Ingerlatsinermut nukittooq pitsanngorsaanissamullu soqutiginnittoq

Neqeroorutigaavut

KNI-mi atorfeqarnermi akisussaaffeqarlutillu ineriartortinneqarnissamut periarfissaqassaatit. Sulisoqarermut immikkoortortaqarfimmi suleqatigiinneq, suliatigut piginnaasaqarneq pitsaasumillu ingerlatsineq pingaarteqartinneqarput. Ulluinnarni ingerlatsinermut kiisalu Sulisoqarnermut immikkortoqarfimmi suleriaatsit ineriartortinneqarnerannut sunniuteqarnissamut periarfissaqassallutit.

Makku ilaatigut neqeroorutigaavut:

· Suliffeqarfimmi angisuumi pingaarutilimmilu Sulisoqarnermut immikkoortoqarfimmi pingaarutilimmik inissisimaneq

· Ulluinnaat ingerlatsinermik ineriartortitsinermillu suliaqarnermik imallit

· Suleqatit suliatigut piginnaasaqarluartut tunniusimasullu qanittumik suleqatiginissaat

· Sulisoqarnermut immikkoortortaqarfimmi digitaliseerinermut systeminillu ineriartortitsinermut sunniuteqarnissamut periarfissaq

· Suliatigut ineriartornissamut periarfissat pitsaasut

· Immikkut isumaqatigiissuteqarnikkut piginnaasat naapertorlugit akissarsiaqarneq

Atorfik pillugu annertunerusumik paasisaqarusukkuit HR Teamleder Kaja Bornhuus attavigisinnaavat oqarasuaatikkut 86 24 58 imaluunniit mailikkut: kbo@kni.gl.

Qinnuteqaat

Qinnuteqaat sukumiisoq tunngavilersugaq pineqaatissiisarneq pillugu allagartaq, ilinniarsimanermut siusin-nerusukkullu sulisimanermut allattukkanik imalik (CV), oqaaseqaatit aammalu sulisitsisorisimasavit attave-qarfiginissaanut paasissutissaq, tigoreersimassavarput kingusinnerpaamik ulloq 31. maj 2026.

Qinnuteqaat uunga nassiunneqassaaq:

KNI A/S

Sulisoqarnermut immikkoortortaqarfik

Postboks 319

3911 Sisimiut

E-mail: jobs@kni.gl

Kalaallit Nunaanni inuiaqatigiinni sukkasoorujussuarmik ineriartorneqarpoq, aammalumi KNI-mi taamaap-poq. Tassanimi inuuniarnermi pinngitsoorneqarsinnaanngitsunik pilersuineq aqqutigalugu nuna siammasis-sorujussuaq ataatsimoortinneqarpoq.

Kiffartuussivik Sisimiuniippoq, Kalaallit Nunaanni illoqarfiit annersaata tulliani, Qaasuitsup Killeqarfianut qa-nittumi inissisimasumi. Kalaallillu Nunaat tamakkerlugu 900-it eqqaasiorlugit amerlassusilinnik sulisoqarpu-gut, ukiumullu 2,5 mia. kr.-it pallillugit kaaviiaartittarlutigit.

Suliffeqarfissuarmik paasisimanninneq aamma tassaavoq Kalaallit Nunaata oqaluttuassartaanik, inuiaqati-giit aaqqissuussaanerannik ineriartornerannillu paasisimasaqarneq. Silarsuarmut akisussaaffilimmut unam-milligassanillu qaangerniagassalimmut tikilluarit. KNI-p silarsuaanut tikilluarit.