Suleqat akademikereq Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfimmut

Sulilerfissaq pr. 1. august 2025 imaluunniit sukumiinerusumik isumaqatigiissuteqarnikkut

Ilinniartitaanermut, Kultureqarnermut, Timersornermut Ilageeqarnermullu Naalakkersuisoqarfik aningaasaqarnermut immikkoortortami suleqatissarsiorpoq – suleqat nutaaq suliffeqarfiit pikkorissartitsinissaannut aningaasaliissutinik pitsaasumik ataqatigiissaarluaakkamillu suliassanik suliaqarsinnaasoq, tamatumalu saniatigut tamakkiisumik ilinniartitaanerup, kultureqarnerup, timersornerup ilageeqarnerullu iluani missingersuuserinermi aningaasanillu aqutsinermi ineriartortitseqataasinnaasoq ataavartumillu nukittorsaaqataasinnaasoq.

Ilinniartitaanerup ineriartortinnissaa pingaartinneqarpoq, tamat ilinniartitaanikkut periarfissaqarnissaat taamaaliornikkullu suliffeqarfiit ilinniarluarsimasunik sulisoqarnissaat qulakkeerumallugu. Kulturimut aningaasaliissutit inuiaqatigiit ataatsimut pigisaattut ineriartortittuarnissaata qulakkeerneqarnissaannut avaqqunneqarsinnaanngitsutut isigineqarput. Timersornermut aningaasaliissutit timersornermik ingerlateqartunut apuuttarnissaat ujartorneqarpoq, timersorneq inooriaaseq aallaavigalugu inuunerluutinut illuatungiliisussatut aqutitut isigineqarmat. Taamatuttaarlu ilageeqarneq inuiaqatigiit sannaanut ilaalluartuuvoq.

Naalakkersuisoqarfimmi kikkut tamarmik aaqqissuussaanermut nutaamik eqqarsarluni aaqqiissuteqarnissaannik periarfissillugit suleqatigeeriuseqarpugut. Ataqatigiissaarluakkamik suleriuseqaruit, suleqatigiissuteqarnermut sammisuullutit tunngaviusumillu aningaasaqarnermut paasisimasaqarlutit, immaqaavoq tassa illit aningaasaqarnermut immikkoortortami suleqatitaassarput.

Illit inuttut piginnaasatit:

Suleqat akademikereq suliaminut tunniusimalluartoq, eqimattakkaani sulinermik piginnaanilik piumassusilillu, taavalu inerikkiartornermik pingaartitalik ujartorparput. Illit sullarissoq suliannillu nuannarinnillutit qajannaatsumik tunniusserusuttartoq, suligaangavillu aaqqissuulluakkamik suleriusilik ujarpatsigit. Allaffissornerup iluani ulluinnarni suliassat saniatigut ineriartortitsinermik politikkikkullu sullissinermik suliaqartussaq.

Takorusupparput:

• Naleqquttumik akademikeritut ilinniagaqartutit, takorusussinnaavarput erhvervsøkonomimi imaluunniit samfundsvidenskabimi ilinniagaqartutit.
• Assingusumik suliaqarnermik misilittagaqartutit, imaluunniit finansip silarsuaani misilittagalik.
• Bogholderimi, aningaasaqarnermik naatsorsueqqissaarnermillu suliaqarnermi paasisimasaqartuusutit.
• Inuiaqatigiit kalaallit pillugit Kalaallit Nunaannilu pisortat aaqqissuussaanerat pillugu ilisimasaqarluartuusutit.
• Oqaatsitigut piginnaasaqarluartuusutit, takorusussinnaavarput kalaallit oqaasiinik tuluillu oqaasiinik piginnaasaqarluartuusutit.
• Piffissakitsilluni suliat ajornakusoortut qulaaniit takunnissinnaassuseqarlutit ingerlassinnaagitit.

Suliassat aalajangersimasut:

• Suliffeqarfinnut pikkorissartitsinermut aningaasaliissutinik sulianik isumaginninneq.
• Ilinniarfeqarfinnut pikkorissartitsinermut aningaasaliissutit pillugit ataqatigiissaarineq attaveqaqatigiinnerlu.
• Ilinniartitaanerup, kultureqarnerup, timersornerup ilageeqarnerullu tamarmiusup iluani missingersuutinik malitseqartitsineq.
• Controlling aamma naatsorsuutinik sukuiaaneq.
• Aningaasaqarnermut immikkoortortami suleriutsinik ineriartortitsinermut pisariillisaanermullu peqataaneq.
• Immikkoortortaqarfiup aalajangiisinnaassusaata iluani ingerlatsivinnut ikiortaalluni ingerlatsineq.
• Kisimiilluni imaluunniit suleqatinik allanik ilaqarluni ingerlatsivinni pinartoqartillugu ingerlatsiviup pisortai ikiorserniarlugit siunnersorniarlugillu pulaarnerit.
• Kontorledermødep ingerlanneqarnissaanut peqataaneq.
• Politikkikkut aalajangiiffissanik akademiskimik suliaqarneq.
• Naalakkersuisoqarfimmit naalakkersuisoqarfiup ataani ingerlatsivinnut inassutinik ilitsersuutinillu suliaqarneq.
• Aningaasaqarnermut, naatsorsueqqissaarnermut naatsorsuuserinermullu tunngasunik sulianik ataasiakkaanik suliaqarneq.

Atorfimmi sunniuteqaqataanissamik akisussaaffeqarnissamillu periarfissalimmi sulianillu assigiinngisitaartunik imalinnik suliaqarnissamik periarfissaqarpoq, taamatullu suleqatigiilluarnermik suliallu pillugit avitseqatigiinnissamittaaq periarfissaqarluni.

Aningaasarsiat atorfininnermilu atugassarititat

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Toqqagassamut tulluussarluarsimasumut ukiuni arlalinni misilittagalimmut, immikkut nalilersuereernerup kingorna, atorfininneq specialkonsulentit atugassarititaat aallaavigalugu pisinnaavoq.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Naalakkersuisut pillugu

Pissanganartunik ujarlerpit sulinerillu aqqutigalugu ulluinnarni inuunermut sunniuteqarnissat kissaatigaajuk, taamaaliornikkullu siunissamik ilusilersueqataallutit? Taava Namminersorlutik Oqartussani sulinissaq ilinnut tulluuppoq. Suliamut tunngatillugu sulisutut piginnaasaqarnissaq, pissutsinut misissuilluarsinnaaneq kiisalu allanngornernut piareersimajuarneq assut pingaartitaraagut. Tamakku saniatigut ulluinnarni suliassannik ilusilersuisinnaanerit uippakajaalertannginnissallu pingaaruteqarput.

Namminersorlutik Oqartussat tassaapput, Qitiusumik Allattoqarfik 650-it missaanik sulisulik naalakkersuisoqarfinnut arfineq-pingasunut aqutsisoqarfinnullu arlalinnut agguataarsimasut. Katilluta inuit 2500-t sinnerlugit Namminersorlutik Oqartussanut atassuteqarpugut. Qitiusumik Allattoqarfiup suliassaraa Naalakkersuisut aalajangernissaannut tutsuiginartumik tunngavissinnissaat kiisalu politikkikkut aalajangikkat piviusunngortinnissaat.

Namminersorlutik Oqartussat pillugit annertunerusumik uani atuarsinnaavutit http://www.naalakkersuisut.gl/job

Qinnuteqaat nassiuguk