Suliffimmi sungiusarnermi, pitsaassutsimullu ataqatigiissaarisoq Greenland Business School

Greenland Business School Suliffimmi sungiusarneq- aammalu Pitsaassutsimut ataqatigiissaarisumik pissarsiorpoq.

Atuartunik, suliffeqarfinnillu suleqateqarneq soqutigaajuk, suliffimmilu sungiusarnermi atugassat pitsaasut sinaakkusersornissai? Ilusilersuineq, atortorissaarutinillu atuineq pikkoriffigaajuk? Taava illiuvoq ujagarput.
Greenland Business School, ilinniarfiuvoq ingerlalluartoq eqeersimaartorlu, suliffeqarfiit, pisortallu suliffeqarfii peqatigaluggit neqeroorutilik. iup iluani ilinniakkanik atituumik ilalinnik suliffeqarfiit pisortallu peqatigalugit neqeroorutilik. Greenland Business School massakkut ilinniakkat nutaat qitiutippai , piorsaallunilu, taamaasilluni ilinniartunik aammalu inuiaqatigiinni sulisussat atorfissaqartitat pikkorissut pilersinniarlugit.
Suliarissavatit…
Suliffimmi sungiusarnermi- aammalu pitsaassutsimut ataqatigiissaarisutut suliffimmi sungiusarnermi ataqatigiissaangassat suliarissavatit, suliffimmi sungiusarfissanik akuersineq, pitsaassutsimillu qulakkeerinninneq. Ilinniarfeqarfimmut ilinniakkanillu pitsaassutsimik pitsaasumik ineriartortitseqataassaatit, nunat tamalaat tunaartaralugit. Paasiniaaqqissaarnerit assigiingitsut, nalunaarusiornerillu, kiisalu aqutsisunut ikorfartuineq suliatigut suliarissavatit. 
Suliassat piumasaraat nammineerlutit sulisinnaanissat, inerisitaqarnissat aammalu piffissaliunneqartunik eqqortitsinissat.
Akisussaaffiit ukuupput:

• Suliffinnik sungiusarfissanik ilinniarfissanillu akuersineq

• Suliffinnik sungiusarfiusinnaasunik nassaassarsiorneq, ataqatigiissaarinerlu.

• Atuarfiup suliffinnik sungiusarfiit ingerlataanik ataqatigiissaarineq, uani aamma suliffiit sungiusarfiit ulloqartinneqartarat, oqaloqatigiittarnernut ilaasarnissaq, suliffeqarfinnillu oqaloqateqartarneq il.il.

• Ilinniarneq pillugu kisitseqqissaarneq, taassumalu toqqammavii.

• Ilinniakkanik nutaanik pisariaqartitsinerup misissoqqissaarnissaa, piginnaasanik ineriartortitsinerup ingerlanera.

• Ineriartortitsineq, suliassanik peqataasitsineq suliffeqarfik akimorlugu

• Pisortamut suliassatigut ikorfartuinissaq suliaqarfiup iluani.

• Suliassat allat

  
  Ulluinnarni atuartunik, ilinniartunik aammalu suleqatinik attaveqassaatit, allallu avataani suleqatigut suliaqartullu allat, aammalu atorfimmut annertuumik piumasaqaataavoq akuersaartumik pissuseqarnissat, attaveqarnissamut avatagiisinullu atanissamut piumassusilik. Naatsorsuutigaarputtaaq, torersumik suleriuseqarnissat, pilersaaruteqarlutit nammineq naammassisinnaasannik. Sulisut pisortamut atasut ilagalugit sulissaatit, pisortamut attaveqarlutit.
  Kissaatigaarput…

• Ilinniakkat pillugit allaffisornermik ilinniagaqarsimassasutit assigisaanilluunniit imaluunniit misilittagaqarsimassasutit

• Qarasaasiakkut sakkut atussallugit pikkoriffigissagitit

• Nalilersuinermik, ilinniakkanillu misissuinermik ilisimasaqassaatit misilittagaqarlutillu.

• Pitsaassuseq pillugu ilinniarnerup iluani ilisimasaqarflutillu misilittagaqassaatit

• Anguniagaqarusussuseqarlutit, ilusilersuillaqqillutit, torersumillu naammassinnissinnaassaatit.

• Suleqatiginnissinnaassaatit suna tamaat akimorlugu

• Suliffeqarfiup iluani akimut suleqateqarsinnaassaatit suliatigut

• Attaveqarluarsinnaanissat, paasinartumillu oqariartuuteqarsinnaanissat kalaallitsut qallunaatullu pingaartinneqarpoq

  
  Neqeroorutigaarput….
  Suliffik pissanganartoq, ilinniarfimmi ineriartortumi, nammineq ineriartortitsinermi peqataassalluni periarfissalik. Sulianik pissanganartunik imalik aammalu pikkorissunik eqeersimaartunillu suleqateqarnermik avatangiiseqarluni sulinissamut, suliatigullu ineriartornissamik periarfissaqarneq kiisalu suleqatit pinngorartitsinissamik piumassusillit suleqatiginissai, ulluinnarni quiasaarneq atuuttuuvoq aamma.
  
  Sapaatip akunneranut 40-tiiminik sivisussuseqarpoq
  
  Atorfik inuttalernissaa kissaatigineqarpoq 1. september 2026 imaluunniit isumaqatigiissuteqarnikkut.
  
  Paasissutissat allat
  Imminut Suliffimmi sungiusarneq, aammalu pitsaassutsimut ataqatigiissaarisutut takusinnaaguit, taava ilinniarnermut pisortaq Annasofie Wædeled-Møller e-mail anwm@gbs.gl attavigisinnaavat.
  
  Greenland Business School Ilinniarfik pillugu paasisaqarsinnaavutit ugguuna www.gbs.gl.
  
  Qinnuteqarneq
  Qinnuteqarnermi killigititaq 06. juli 2026. Atorfillu pillugu oqaloqatigiinnerit qinnteqarfik naappat ingerlanneqassapput.
  Qinnuteqaatit nassiuguk, CV, ilinniarsimanermut- pikkorissarsimanermut uppernarsaatit, kiisalu qinnuteqaammut soqutiginarsinnaasut ilanngullugit
  
  Tusarfiginissat qilanaaraarput!
  
  Aningaasarsiatigut atorfinitsitaanermilu atugassarititaasut
  Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.
  Qinnuteqartoq uppernarsaatitalinnik piginnaasalik immikkut siunnersortitut, siunnersortit pisortaatut siunnersortaanertulluunniit isumaqatigiissutit naapertorlugit atorfinitsinneqarsinnaasarpoq.
  
  Najugaq
  Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.
  
  Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.
  E-mail-ikkut qinnuteqaatinik tigusineq ajorpugut.