Sulisoqarnermi immikkut siunnersortaaneq/siunnersortaanerit atassuteqallaqqisoq/sut

Nunatsinni Peqqinnissaqarfimmi sulisoqarnermut tunngatillugu suliniutinik, suliniutivillu suliffeqarfimmut tamakkiisumut malunniuttumik ataatsimoorluta kavitseqatigiinnitsinni inerisaaqqeqataarusuppit ilusileeqataarusullutillu? Sulisoqarnermut tunngasunik misilittagartuujuit, ilinniagaqassutsikkut nukittussutsimik, soqutiginninnermik, misissueqqissaarsinnaanermik iliuuseqarsinnaassutsimillu akuleriissitsisinnaasoq? Aqutsisut sulisullu sapinngisamik pitsaanerpaamik piginnaanngorsarnissaannut peqataarusuppit?

Suliffimmi paasilertoruminaatsumi atorfik pingaarutilik

Sulisoqarnermi immikkut siunnersortaanertut, suleqatigiinnut arfineq marluusunut ilaalissatit. Sulisoqarnermut pisortaq qanimut suleqatigalugu, sulisoqarnermut immikkoortup Peqqinnissaqarfiup anguniakkatut siunniussaanut ikorfartuutaasumik inerisaaqqinnissaa ingerlannissaalu, ileqqunik nalerisimaarnartunik, qaffasissumik pitsaassusilinnik tatigeqatigiiffiusunillu ataatsimuulersitsisunik pilersitsinissaq akisussaaffigissavatit.

Suliassatit ilaatigut makkuussapput:

• Sulisoqarnermut tunngasutigut pisortanik aqutsisunillu siunnersuineq tapersersuinerlu
• Sulisoqarneq pillugu inatsisit allaffissornerullu iluanni oqaloqateqarnerit sulianillu ingerlatsinerit
• Qullersaqarfimmut sulisoqarneq pillugu politikkinik, najoqqutassanik aalajangiinissamullu tunngavissatut saqqummiussanik inerisaaneq atuutilersitsinerlu
• Aaqqissuussaanikkut aqutsinikkullu suliniutinik inerisaaneq
• Sulisoqarneq pillugu suliniutinik inerisaanermut tunngasunik aqutsineq ataqatigiissaarinerlu

Sulileqqaarninni alapernaannissaq naalaarnissarlu suliassavit pingaarnersarissavaat. Peqqinnissaqarfiup, kulturip suleqatillu ilikkarnissaat piffissaqarfigissavatit– suliffiup tillernera ataatsimoornerlu paasilluarukkit, atorfinni iluatsilluarnissannut pitsaanerpaamik imminut periarfississaatit.

Ataatsimuussuseq nukittooq aallaavigalugu sulisoqarnermut tunngasunik aqutsisunut siunnersuillutillu tapersersuissaatit, suliassaqarfinnut nassuiaatinik nutarterinissaq erseqqissaanissarlu akisussaaffittut tigussavat sulisoqarnermullu akissarsianullu politikkit, anguniagassatut siunniussamut pingaarnermut naapertuunnera qulakkeerlugu.

Angusanut malitseqartitsisassaatit, upalungaarsimanermut pilersaarutinik nutarterineq ingerlatissavat sullivimmilu avatangiisit pillugit sullissinerup aaqqissussaanerani suleqataassallutit. Naatsumik oqaatigalugu: Siullertut pingarnertullu ataatsimoortunut peqataanikkut immikkut sunniuteqarnissamut periarfissinneqassaatit.

Makku piginnaaneqarfigigukkit tusarfiginissat neriuutigaarput:

• Sulisoqarnermut tunngasunik ilinniarsimasutut misilittagaqarluarneq, ajornanngippat sulisoqarnermut tunngasunik atituunik, sivikinnerpaamik ukiuni arfinilinni misilittagaqarneq.
• Ilinniakkami naaperttuuttumi – ass. sulisoqarnermut, inatsisilerinermut, tarnip pissusaanut imal. aaqissuussaanermut tunngasumik kandidatinngorsimaneq
• Anguniagassatut siunniiussanik/periusissianik paasinninneq anguniakkatullu siunniussanik sulisoqarnermut tunngatillugu piviusunngortitsinissamut piginnaaneqarneq

Sulisunut tunngasuni siunnersuinissaq aaqqissuussaanikkullu inerisaaneq nuannaraatit, aqutsisunik sulisunillu suleqateqarninni tatiginnilersitsisarputit toqqissisitsisarlutillu. Attaveqatigiinnermi – danskisut tuluttullu ersarissumik qaffasissumillu pitsaassusilimmik oqariartuuteqartarputit.

Qinnuteqaat

Qinnuteqaat ilanngussassallu naapertuuttut www.gjob.gl aqqutigalugu PDF-inngorlugit nassiunneqassapput.

Sulilerfissaq: 8. december 2025 immikkulluunniit isumaqatigiissuteqarnikkut

Qinnuteqarfissaq kingulleq: 5. december 2025

Qinnuteqartunik oqaloqateqarnerit ataavartumik ingerlanneqassapput 

Attavissaq/at: Atorfik/iit pillugu/it paasissutissat: Aningaasaqarnermut pisortaq, Pierre Vassard mailikkut: PIVA@PEQQIK.GL imal. oqarasuaatikkut: +299 554343 attavigalugu pissarsiarineqarsinnaapput.

Ineqarneq

Kalaallit Nunaanni Peqqinnissaqarfimmi maleruagassat atuuttut naapertorlugit inissamik innersuussisoqassaaq.

Innuttaassuseq

Nunat Avannarliit arlaanni innuttaassuseqanngikkuit, atorsinnaasumik najugaqarnissamut sulinissamullu akuersissummik peqarnissavit atorfininnissamut piumasaqaataanera maluginiaqquneqarpoq. Atorfininnissamut isumaqatigiissuteqarnermi aatsaat najugaqarnissamut sulinissamullu akuersissummik qinnuteqartoqarsinnaavoq.

Akissarsiat atorfininnermilu atugassarititaasut

Akissarsiassani atorfininnermilu atugassarititaasuni, tassunga ilanngullugit atorfinitsitaanermi soraarnermilu angalanissamut akiliunneqarnissamut

pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isuma- qatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorneqassapput.

Nunatsinni Peqqinnissaqarfik– atitussuseq, unammillerneq ilinniagaqassutsimillu tulluusimaarinninneq

Nunatsinni Peqqinnissaqarfik aaqqisuussaanikkut Peqqissutsimut Naalakkersuisoqarfiup ataani inissisimavoq, qitiusumillu immikkoortunut tallimanut, Dronning Ingridillu Napparsimmavissuani qitiusumik immikkoortunut arfineq pingasunut Kigutileriveqarfimmut, Kalaallit Peqqissartut Illuannut Ingerlatsinermullu qitiusumik immikkoortumut agguagaalluni.

Ilinniagaqassutsikkut unammilligassarsiorpit, alapernaatsuuit assigiinngitsunillu suliaqarnissaq nuannaraajuk, taava nun atsinni Peqqinnissaqarfimmi sulinissaq ilinnut naleqquttuuvoq. Nunatsinni Peqqinnissaqarfik uani: www.peqqik.gl annertunerusumik paasisassarsiorfigisinnaavat.

Nunatsinni sunngiffimmi sammisaqarnissamut periarfissagissaarpoq. Aasami pisulluni angalaarneq, arfersiorneq, aallaaniarneq, aalisarneq angallammillu angalaarneq sammissaqqissuupput. Ukiumi arsarnerit, sisorarneq avannaanilu qimmeqarfimmiikkuit qimusserneq periarfissaapput. Illoqarfinni annerusuni kulturimut tunngasut annertupput, timersoqatigiiffeqarpoq, kusanartulianik saqummersitsisoqartarpoq, nipilersortunik tusarnaartitsisoqartarpoq, kaffisorniartarfeqarpoq neriniartarfeqarlunilu. Nunap immikkoortua atorfiniffissaq pillugu paasissutissanik nittartakkami: www.peqqik.gl-imi annertunerusunik pissarsisinnaavutit. 

Kalaallit Nunaanni Peqqinnissaqarfiup aaqqissuussaaneranut takussitissiaq uani takuuk: Organisationsdiagram Det Grønlandske Sundhedsvæsen

Kalaallit Nunaanni Peqqinnissaqarfik suliffittut pujortarfiunngilaq.

Qinnuteqaatit PDF-inngorlugit allakkiat Gjob.gl aqqutigalugu nassiussat kisiisa tigusinnaavagut.

Qinnuteqaatit mailikkut nassiussat ilinnut tunngatillugu isumannaallisaaniarneq pissutigalugu ingerlaannaq peerneqassapput.

Atorfik una qinnuteqarfigiuk