Sulisoqarnermut Immikkoortortaqarfimmi siunnersorti

Sulisoqarnermut Immikkoortortaqarfimmi allaffissornikkut, ineriartornermut aaqqiisuusinermullu siunnersorti

Sulisoqarnermut Immikkoortortaqarfimmi allaffissornikkut sulianik assigiinngitsunik, ineriartortitsinikkut aammalu aaqqissuussinermi suliniutinik suliaqarneq pikkoriffigaajuk? Ataatsimut isiginnittariaaseqarlutit suliani ingerlatat assigiinngitsut tappiffigivigit?

Tusassimi inuit aammalu suliffeqarfik qitiutinneqartumi ulluinnarni allanngueqataanissannut periarfissaqarputit.

Uagut pilluta

Sulisoqarnermut aamma akissarsiaqarnermut immikkoortortaqarfik sulisunut aqutsisunullu qitiulluni naleqarsitsilernermik pilersitseqataanermut inissisimavoq. Suliffeqarfik nukittorsarnissaa suliaqarfigaarput – aammalu Tusassip periusissiaa 2025-28 ikorfartorneqarnissaa qulakkeertussaallugu. Suliassat assigiinngiiaarput, suliaqarfik nikerarluni, suliat killerititaat suliaq apeqqutaalluni nikerarsinnaasarluni. Sulisoqarnermut Immikkoortortaqarfimmi tunngaviusumik allaffissornikkut ineriartortitsinermullu suliassaritinneqartartut piginnaaseqarfigisariaqarpagut aammalu suliffeqarfimmut pingaarutilittut avitseqataasinnaassuseqartussaalluta.

Immikkoortortaqarfik 5-nik siunnersorteqarpoq, taakkunani marluk akissarsialerinermi suliaqartuullutik aammalu Sulisoqarnermut Immikkoortortaqarfimmi pisortaq toqqaannaq attaveqarfiusussaalluni. Allaffissorneq, ineriartortitsineq aammalu sulisoqarnermut tunngatillugu periusissiatigut angusaqarnissaq suliaqarfigissavat. Sulinerit aammalu suleriaatsit ajornannginnerulersinniarlugit suliniuteqarfittut ataavartumik ukkatarineqassapput, taakku atortorissaarutinik, politikkinik, pikkorissaanernik aammalu ilinniartitseqqinnernik ajornaatsunik paasinartunik pilersitsinikkut anguniarneqassallutik.

Suliffeqarfittut anguniagaqarusuttuuvugut aammalu nikerartuulluta, tassanilu Sulisoqarnermut Immikkoortortaqarfik sulisoqarnermut, suliffeqarfiunermi anguniagakkullu qitiusumik inissisimaveqarluni. Suleqatigiit tunniusimalluartut, suliffeqarfimmi innuttanut aqutsisunullu qanimut suleqateqartut ilagilissavatit, tassuunatigullu sinaakkutissat pitsaasut, atugarissaarneq annertooq aammalu sulisoqarnermut periutsinik pitsaalluinnartunik ingerlatseriaaseqartumi sulilissaatit.

Suliassatit

Atorfik siammasippoq – tamannalu pissanganarnerulersitsiinnartarpoq! Immikkoortortaqarfinnut qitiusunut pingasuusunut akisussaaffeqalerlutillu sunniisinnaassuseqalissaatit:

1. Sulisoqarnermi allaffissornikkut aammalu tapersiisarnikkut

• Sulilersitsineq aammalu sulilernermi suliffeqarfimmut iserluarnissamut ikiuutaaneq
• Akissarsiassat inissinniarneranut aammalu isumaqatigiissusiorneq
• Allaffissornermut ingerlariaatsit
• Sulisoqarnermut akissarsiaqarnermullu paasissutissanik pitsaasumik ingerlatsisoqarneranik attassisoqarneranillu qulakkeerinninneq
• Sulisoqarnermut Immikkoortortaqarfimmi allaffissornikkut ingerlariuutsini aaqqissueqqissaarneq aammalu pitsanngorsaaneq
• Ulluinnarni sulisoqarnermut apeqqutini aqutsisut sulisullu tapersersorneri

2. Sulisoqarnermit Immikkoortortaqarfimmi ineriartortitsineq aammalu suliniutit

• Sulisunik ineriartortitsineq
• Aqutsisunik ilinniartitsineq
• Employer branding
• Sulisoqarnermut Immikkoortortaqarfimmi atortorissaarutinik ingerlariuutsinillu ineriartortitsineq

3. Aaqqissuussamik Sulisoqarnermi Immikkoortortaqarfimmi suleqateqarneq

• Periusissiami Sulisoqarnermut Immikkoortortaqarfimmut tunngasinnaasunik aaqqiissutissanik ujaasineq, pilersitsineq aammalu nalilersuineq
• Sulisoqarnermut suliniutinik atuutsitsilernermi atuinermillu aqutsisunut avitseqateqarneq

Illit pillutit

• Ilinniarsimanerit aalajangersimasuusariaqanngilaq, taamaattorli ukiualunni Sulisoqarnermut Immikkoortortaqarfinni misilittagaqarsimanissat pisariaqassaaq
• Allaffissornermi, ineriartortitsinermi aammalu aaqqissuussinermi suliaqarneq nuannarivat
• Suleqateqarsinnaaneq pingaartitaraat aammalu suliassanik nammineq suliaqarnissamut aammalu suleqateqarnikkut naammassinnissinnaanissamut sulerusussuseqartuullutit
• Anguniagaqartuuvutit aaqqissuussamillu suliaqartarlutit
• Pitsaasumik anguniagaqarusuttuuvutit aammalu ilisarisimasaqalersinnaaneq ajornartinnagu
• Akisussaaffimmik tigusisinnaavutit aammalu kisivit suliaqarsinnaallutit suleqatillu eqimattatut angusaqarniarnermi suliaqarsinnaallutit
• Sullisserusuttuuvutit attaveqarsinnaanermilu allattariarsornikkut oqalunnermilu Kalaallisut Qallunaatullu piginnaasaqarluarlutit

Neqeroorutigaarput

Atorfik pissanganartoq suleqatillu piginnaasaqarluartut suliaminnik naammassinnerusuttut aamma suleqatit atugarissaarnissaannik angusaqarluarusuttut aammalu siunissamut pilersaarutinik annertuunik angusaqarusuttut, illillu inuttut sulianilu ineriartorfissamik ulikkaartoq.

Piginnaasat naapertorlugit akissarsiat

Ulluinnaat nikerartut ineriartorfiusullu

Suleqatit nuannersut, angusaqarusuttut aammalu persuarsiunngitsumik ingerlariaasillit

Suliffeqarfik periusissiamik nutaamik aallarniiffiusoq

Tusass pillugu paasisaqarnerugit: https://www.tusass.gl/

Qinnuteqaatit nassiutiguk

Atorfik piffissaq tamakkerlugu suliffiusoq Nuummi inissisimavoq.

Qinnuteqaatit aammalu oqaloqatiginninnerit ingerlaavartumik ingerlanneqarumaarput.

Qinnuteqaatit e-mailikkut tiguneq ajorpagut. Qarasaasiakkut qinnuteqaatit, CV il il ilanngullugit piaarnerpaamik atorfimmut qinnuteqarit.

Atorfinittussamik tulluartumik nassaartoqarpat atorfik inuttalerneqarumaarpoq.

Qinnuteqaat CV-lu linkeq talerpermiittoq toornikkut nassiunneqassapput.

Atorfik pillugu apeqqutissaqassagaanni Atorfilinnut pisortaq Rasmus Christensen attavigineqarsinnaavoq oqa. +299 236954 imaluunnit Sulisoqarnermit Immikkoortortaqarfimmi siunnersorti Ungaaq Abelsen oqa. +299 389418.

Tusarfiginissat qilanaaraarput.

Atorfik una qinnuteqarfigiuk