Sulisoqarnermut Inatsisilerinermullu allaffik ataatsimik marlunnilluunniit sulisoqarnermut siunnersortissarsiorpoq

Suliffeqarfimmi suleqatigiinnut ilanngukkusussinnaavit, tassani siunertarigatsigu Kalaallit Nunaanni Namminersorlutik Oqartussani sulisunik aqutsinermi pitsaalluinnartumik tunniussaqarnitsigut Kalaallit Nunaanni ineriartortitsinermut nukissaqalersitsinissarput?

Aningaasaqarnermut Sulisoqarnermullu Aqutsisoqarfimmi Kalaallit Nunaanni Namminersorlutik Oqartussani taakkulu ataanni immikkoortortani tamani aamma peqqinnissaqarfimmi sulisut pillugit suliassanik suliarinnittarpugut. Tamatuma saniatigut sulisunut isumaqatigiissutit, inatsisit isumaqatigiissutaasimasullu pillugit pisortat siunnersorlugillu ilitsersortarpavut. Atorfinitsitsinermi isumaqatigiissutit sulisunullu allakkat suliarisarpavut. Maanna ataatsimik marlunnilluunniit sulisoqarnermut siunnersortissarsiorpugut, sulisoqatigiinni Kalaalliit Nunaanni Peqqinnissaqarfimmut sullissisunut ilaasussanik.

Sulisoqarnermut Inatsisilerinermullu allaffik sulisoqarnermut siunnersortinik qulinik, sulisoqarnermut inatsisilerituunik marlunnik allaffinnilu pisortanik marlunnik sulisoqarpoq.

Suleqatigiinnut pingasunut avitaavugut, Nanoq pillugu suleqatigiit, Peqqik pillugu suleqatigiit inatsisilerituullu. Sulisoqarnermut Sullissivik Aningaasaqarnermut Akileraartarnermullu Naalakkersuisoqarfiup ataani Aningaasaqarnermut Sulisoqarnermullu Aqutsisoqarfimmi inissisimavoq.

Suliassatit pingaarnerit

Sulisunut siunnersortit ataaseq marlulluunniit ujartorpavut immikkoortortami suliassat assigiinngitsut suliarinissaannut sulisussat. Immikkoortortaq maanna inerisarneqaleruttorpoq, tassa siunnersortit peqqinnissaqarfimmi sulisut kiisalu qitiusumik allaffeqarfimmi sulisut akornanni sunniuteqaqatigiittoqarnerunissaa pilersinniarsarigatsigu. Atorfinni taamaammat suleqatigiinni suleriaatsinut sunneeqataanissamut ineriartortitseqataanissamullu periarfissaqarpoq.

Suliassatit pingaarnerit makkuupput:

• Atorfinititsinermi sulisoqarnermut suliassanik tunngassutilinnik suliaqarneq, matumani pingaartumik atorfinititsinermi isumaqatigiissusiorneq allakkianillu assigiinngitsunik suliaqarneq
• Akissarsianik, tapinik soraarnernillu allattuinerit
• Nalliuttorsiortut, ernisimasut nalunaarsorneqarneri il. il. pillugit sullissinerit
• Tjenestemandit soraarnerussutisiassaannut tunngasunik suliarinninneq
• Tjenestemandit pillugit inatsisit aamma atorfeqartitsinermi inatsisit pillugit malittarisassat allat pillugit siunnersuineq nassuiaassinerlu
• Isumaqatigiissutit nassuiarneri

Taakkua saniatigut ilitsersuusiorneq, immersuiffissaliorneq atortunillu tamanut saqqummiussineq kiisalu Kalaallit Nunaanni Namminersorlutik Oqartussani suliaqarfiit assigiinngitsut suliassanik isumaginninneq suliarisarsinnaavatit.

Suleriaatsinik, ingerlatsinernik il.il. pisariillisaanermik soqutigisaqaruit pikkoriffeqarlutillu, taakku iluaqutaassapput.

Suleqatissarsiorpugut:

• Bacheloritut, professionsbacheloritut imaluunniit allaffimmiutut ilinniagalimmik
• Assingusumik atorfeqarsimaneq iluaqutaassaaq, aammali ilinniakkannik naammasserlaajusinnaavutit
• Suleqatigiuminartuuvutit, isumasioqatigiuminartuuvutit aamma suleqatinnut ilisimasannik avitseqatigiillaqqissuullutit.
• Unamminartumik suliaqarnissamut naammassinninnissamullu tunuarsimaanngitsoq
• Oqaluttariarsornermi allattariarsornermilu qaffasissumik pitsaasumillu saqqummiisinnaasoq
• Kisitsisinik suliaqallaqqissuussaatit paasinnillaqqissuullutillu aammalu inatsisigut/aningaasaqarnikkut aarlerinarsinnaasunik takunnillaqqissuusariaqarlutit.
• Silatusaartoq, kiffartuusserusussusilik inussiarnersorlu

Inuiaat kalaallit, kulturi aamma kalaallit oqaasiinik ilisimasaqaruit iluaqutaassaaq

Suliassaqarfiup iluani sulilersussaq nutaaq ilinniartissinnaavarput.

Suliffeqarfittut neqeroorutigisinnaavagut suliffik sulisunik pimoorussisunik sulisulik aamma qanimut attaveqaqatigiiffiusoq, suliatigut isumasioqatigiiffiusartoq immikkoortortaqarfimmilu pisortanut qanimut oqaloqatigiiffiusartoq kiisalu inuttut ilinniakkatigullu ineriartorfissaqartoq.

Qinnuteqartoq eqqortunik uppernarsarneqarsinnaasunik piginnaaneqartoq, immikkut siunnersortitut imaluunniit siunnersortit pisortaattut/siunnersortaanertut atorfinitsinneqarsinnaavoq.

Uatsinnut tunngasutImmikkoortortaq Aningaasaqarnermut Sulisoqarnermullu aqutsisoqarfiup ataaniippoq, taanna Aningaasaqarnermut Akileraartarnermullu Naalakkersuisoqarfiup ataaniippoq taamaalillunilu Naalakkersuisut allaffeqarfianut ilaalluni.

ASA Kalaallit Nunaanni Namminersorlutik Oqartussanut ataatsimut sullissiviuvoq. Ilaatigut Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianut sulisunullu tunngasut, nutserisoqarneq kiisalu illuutinik ingerlatsineq aserfallatsaaliuinerlu akisussaaffigaavut.

ASA-p pingaartitai pingasut tassaapput:

Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut

Suleqatigiinneq - Suleqatigut sullitavullu pitsaasumik suleqatigaavut

Isumassuineq - Ikiuukkumatuujuvugut akunnitsinnilu paareqatigiilluta

Aningaasaqarnermut Sulisoqarnermullu aqutsiveqarfik uagullu naleqartitavut pillugit uani itinerusumik atuarsinnaavutit: www.asa.gl

Paasissutissat amerlanerusut

Atorfik pillugu paasisaqarusukkuit, allaffimmi pisortaq Inuk Uukkaaq Lundblad mailikkut ugguuna: iuld@nanoq.gl imaluunniit oqarasuaatip normuatigut ugguuna +299 34 66 07 attaveqarfiginissaanut tikilluaqqusaavutit.

Qinnuteqaat

Qinnuteqaammik tunniussinissamut killissarititaavoq apriilip 13. 2026. Ingerlaavartumik suliffissarsiortunik oqaloqateqarnerit ingerlanneqassapput.

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit. 

E-mail-ikkut qinnuteqaatinik tigusineq ajorpugut.