Sulisoqarnermut Inatsisilerinermullu allaffik marlunnik Sulisunut siunnersortissarsiorpoq

Suliffeqarfimmi pissanganartumi suleqatigiinnut ilanngukkusussinnaavit, tassani siunertarigatsigu Kalaallit Nunaanni Namminersorlutik Oqartussanut sulisunik aqutsinermi pitsaalluinnartumik tunniussaqarnitsigut Kalaallit Nunaanni ineriartortitsinermut nukissaqalersitsinissarput?

Kalaallit Nunaanni Namminersorlutik Oqartussat Qitiusumik Allaffeqarfiat suliffeqarfiuvoq pissanganartoq assigiinngitsunillu suliaqarfiusoq, tassaniipput naalakkersuisoqarfiit aqutsisoqarfiillu arlallit tamarmik immikkut aalajangersimasunik suliaqarfiusut.

Sulisoqarnermut Inatsisilerinermullu allaffik Aningaasaqarnermut Naalakkersuisoqarfimmi Aningaasaqarnermut Sulisoqarnermullu Aqutsisoqarfimmi inissisimavoq.

Kalaallit Nunaanni Namminersorlutik Oqartussat taakkulu ataanni immikkoortortat tamaasa taakkulu immikkoortuini peqqinnissaqarfimmilu sulisunut tunngasunik suliassat suliarisarnerinik suliaqartuuvugut. Taakku saniatigut isumaqatigiissutit pillugit pisortat siunnersorlugillu ilitsersortarpavut kiisalu Namminersorlutik Oqartussani atorfinitsitsinermut isumaqatigiissutinik sulisunullu allakkiortarpugut.

Sulisoqarnermut Inatsisilerinermullu allaffimmi sulisunut siunnersortit qulit, sulisunut inatsisilerituut marluk kiisalu allaffimmi pisortat marluk sulipput. 

Suliassatit pingaarnerit

Sulisunut siunnersortit marluk ujartorpagut immikkoortortami suliassat assigiinngitsut suliarinissaannut sulisussanik. Immikkoortortaq maanna inerisarneqaleruttorpoq, tassa peqqinnissaqarfimmi sulisut kiisalu qitiusumik allaffeqarfimmi sulisut sinneri pillugit suliassaqarfimmi sullissinermi ataqatigiinnerusumik ingerlannissaat ujartoratsigu. Atorfinni taamaammat suleqatigiinni suleriaatsinut sunneeqataallu silu inerisaanissamut periarfissaqarpoq. 

Suliassat pingaarnerit makkuussapput:

• Atorfinitsitsinermut tunngatillugu sulisoqarnermut suliassanik tunngassutilinnik suliaqartarneq soorlu pingaartumik atorfinitsitsinermut isumaqatigiissutinik allakkianillu assigiinngitsunik suliaqartarneq

• Akissarsianik, tapinik soraarnernillu allattuinerit

• Tjenestemandit soraarnerussutisiassaannut tunngasunik suliarinnittarneq

• Tjenestemandinut tunngatillugu inatsiseqartitsinermut aamma atorfeqartitsinermi inatsisinut tunngasuni malittarisassanut allanut tunngasunik siunnersuisarneq nassuiaassisarnerlu

• Isumaqatigiissutit nassuiarneri

Tamakkua saniatigut suliarisinnaavatit ilitsersuusiorneq, immersuiffissaliorneq atortunillu tamanut saqqummiussineq kiisalu Namminersorlutik Oqartussani suliaqarfiit assigiinngitsut suliassanik isumaginninneq.

Suleriaatsinik, ingerlatsinernik il.il. pisariillisaanermik soqutigisaqarpit pikkoriffeqarlutillu, taava tamanna iluaqutaalluassaaq.

Suleqatissarsiorpugut:

• Bacheloritut, professionsbacheloritut imaluunniit allaffimmiutut ilinniagalimmik

• Assingusumik atorfeqarsimaneq iluaqutaassaaq, kisianni ilinniakkannik naammasserlaaguit aamma ajunngilaq

• Suleqatigiuminartuuvutit, isumasioqatigiuminartuuvutit aamma suleqatinnut ilisimasannik avitseqatiginnillaqqissuullutit.

• Unamminartumik suliaqarnissamut naammassinninnissamullu tunuarsimaartuunngilatit

• Oqaluttariarsorlutit allattariarsorlutillu qaffasissumik pitsaasumillu saqqummiisinnaassaatit

• Iluaqutaassaaq kisitsisinik paasinnillaqqissuussaguit inatsiseqartitsinikkut/ aningaasaqarnikkut naliliisaarlutit misissuisinnaassuseqarluarlutit

• Inuiaat kalaallit, kulturi aamma kalaallit oqaasiinik ilisimasaqaruit iluaqutaassaaq

• Mianersorluni silatusaartoq, sullissillaqqillutit inussiarnersuullutillu

Suliffeqarfittut neqeroorutigisinnaavagut suliffik sulisunik pimoorussisunik sulisulik aamma qanimut attaveqaqatigiiffiusoq, suliatigut isumasioqatigiiffiusartoq immikkoortortaqarfimmilu pisortaanernut qanimut oqaloqatigiiffiusartoq kiisalu inuttut ilinniakkatigullu ineriartorfissaqartoq.

Qinnuteqartoq eqqortunik uppernarsarneqarsinnaasunik piginnaaneqartoq, immikkut siunnersortitut imaluunniit siunnersortit pisortaattut/siunnersortaanertut atorfinitsinneqarsinnaavoq.

Uatsinnut tunngasut Immikkoortortaq Aningaasaqarnermut Sulisoqarnermullu aqutsisoqarfiup ataaniippoq, taanna Aningaasaqarnermut Akileraartarnermullu Naalakkersuisoqarfiup ataaniippoq taamaalillunilu Naalakkersuisut allaffeqarfianut ilaalluni.

Aningaasaqarnermut Sulisoqarnermullu aqutsiveqarfik uagullu naleqartitavut pillugit uani itinerusumik atuarsinnaavutit:www.asa.gl

Paasissutissat amerlanerusut

Atorfik pillugu paasisaqarusukkuit, allaffimmi pisortaq Louise Reinholdt mailikkut ugguuna: lrei@nanoq.gl imaluunniit oqarasuaatip normuatigut ugguuna +299 34 58 50 attaveqarfiginissaanut tikilluaqqusaavutit.

Qinnuteqaat

Qinnuteqarfissap killinga tassaavoq 27. juli 2025. Sapaatip akunnera 31-mi oqaloqatiginninnerit ingerlanneqarnissaat naatsorsuutigineqarpoq.

Aningaasaqarnermut Sulisoqarnermullu Aqutsisoqarfik pillugu Aningaasaqarnermut Sulisoqarnermullu Aqutsisoqarfik, ulluinnarni ASA-mik taagorneqartoq, Kalaallit Nunaanni Namminersorlutik Oqartussat ataatsimoorussamik kiffartuussinermut sullissivigaat. ASA-p ilaatigut akisussaaffigai Namminersorlutik Oqartussat naatsorsuutaat, Qitiusumik Pisiortortarnermut Immikkoortortaqarfik, isumaqatigiissutinut tunngasut, akissarsianik sulisunillu sullissisarneq, sulisunik ineriartortitsineq, nutserisoqarneq kiisalu illuutinik ingerlatsisarneq aserfallatsaaliuinerlu.

ASA-p pingaartitai pingasut tassaapput:

Akisussaaffik - Qanoq iliuuseqarnivut, suliassavut sullitavullu eqqarsaatigalugit akisussaaffeqarpugut

Suleqatigiinneq - Suleqatigut sullitavullu pitsaasumik suleqatigaavut

Isumassuineq - Ikiuukkumatuujuvugut akunnitsinnilu paareqatigiilluta

Aningaasarsiatigut atorfinitsitaanermilu atugassarititaasut

Akissarsiat atorfininnermilu atugassarititaasut, tassunga ilanngullugit atorfinitsitaanermi soraarnermilu angalanissamut akiliunneqarnissamut pisattallu nassiunneqarnerannut Kalaallit Nunaanni Namminersorlutik Oqartussat kattuffiullu isumaqatiginniarsinnaatitaasup attuumassuteqarfigisap akornanni isumaqatigiissutaasut atorfininnerup nalaani atuuttut naapertorlugit ingerlanneqassapput.

Najugaq

Atorfimmut atatillugu sulisunut inissiamik innersuussisoqarsinnaanngilaq. Qinnuteqartoq Namminersorlutik Oqartussani atorfeqarnermini sulisutut ineqartinneqareersimaguni sulisutut ineqarsinnaatitaanini tigummiinnarsinnaavaa. Atorfimmut atatillugu ini atorfeqarnermut tunngavoq, taamaalilluni atorfeqarnerup unitsinnerani qimanneqassalluni.

Qinnuteqaatit, CV, ilinniarsimasanut pikkorissaatigisimasanullu uppernarsaatit kiisalu paasissutissat allat pisariaqarsinnaasut "qinnuteqaat nassiuguk" toorlugu nassiutikkit.

E-mail-ikkut qinnuteqaatinik tigusineq ajorpugut.

Qinnuteqaat nassiuguk