Sulisoqarnermut siunnersorti

Atorfik saqqummiuteqqiraq: Royal Arctic Linemi HR-konsulent

Aqutsisut sulisullu qanimut suleqatigerusuppigit, aammalu sulisup suliffeqarfimmi sulilerneraniit ingerlaarnera tamaat pitsaasumik sinaakkusersueqataaffigerusuppiuk?

HR-konsulentimik pissarsiorpugut, ingerlatsineq, suleqatigiinneq ineriartortitsinerlu ataatsimoortillugit suliffigissallugu kajumittumik.

Royal Arctic Linemi Nuummi qullersaqarfimmi suleqatigiit ilagilissavatit. Tassani HR-imut tunngatillugu ilisimasatit sulininni atorsinnaassavatit, aqutsisunik sulisunillu suliat tunngatillugit suleriaatsinik ulluinnarni ingerlatsinitsinnik pitsaanerulersitsisunik ineriartortitseqataasinnaallutit.

Suliffik pillugu

HR-konsulentitut ulluinnarni suliassat assigiinngiiaartut suliarisassavatit, HR-imullu tunngatillugu allaffissornermi pingaarutilimmik inissisimassallutit.

HR-udviklingskonsulentit marluk, HR-konsulentit marluk, ilinniartoq ataaseq teamlederilu suleqatigissavatit. Qanimut suleqatigiippugut, assigiinngitsunillu ilisimasaqarnerput atorluarlugu ulluinnarni ilisimasanik avitseqatigiinneq ingerlattarlutigu.

Nammineq suliannut akisussaaffeqarnissamut periarfissaqassaatit, peqatigisaanillu suleqatit ilisimasaqarluartut ilisimasanik avitseqatigiinnermut tapersersortigisinnaassallugit.

Suliassatit ilaatigut tassaassapput:

• Sulisup suliffeqarfimmi sulilernerminiit ingerlaarnera tamakkerlugu HR-imut tunngasunik suliaqaqataaneq

• Suliffeqarfik tamakkerlugu aqutsisunik suleqateqarneq.

• workshopinik, ataatsimiinnernik saqqummiussinernillu ingerlatsineq

• sulisut atugarissaarnerannik misissuinernik APV-millu pilersaarusioqataaneq ingerlatsinerlu

• suleriaatsinik processinillu ineriartortitseqataaneq pitsanngorsaaqataanerlu

• HR-imi allaffissornerup pitsaasumik ingerlalluarneranik qulakkeerinninnissamut suleqatinik suleqateqarneq

Kinaavit?

HR-imut tunngasunik misilittagaqaruit aammalu allanik qanimut suleqateqarneq nuannarisarigukku, taava illit ujartorpaatsigit.

Uagutsinnut pingaarnerpaavoq inunnut suliffeqarfimmullu soqutiginninnissat aammalu akisussaaffimmik tigusisinnaanissat.

Takorloorparput:

• HR-imi, sulisoqarnermut tunngasuni imaluunniit assingusumik suliaqarnermi misilittagaqartutit

• aqutsisunik siunnersuinermik misilittagaqartutit imaluunniit tamatumani piginnaasannik ineriartortitserusuttutit

• nammineq iliuuseqartartutit suliatillu naammassinissaasa tungaanut malinnaavigisarlugit

• HR system Mindkey misilittagaqarfigigit.

Suliassaqarfiit tamarmik siornatigut misilittagaqarfigisimanngikkaluarukkit, tamanna qinnuteqarnissannut akornutaasariaqanngilaq. Uagutsinnut pingaarnerpaapput misilittakkatit ataatsimut isigalugit, kajumissutsit aammalu suliami ineriartorusussutsit.

Uatsinni sulileruit suna pissarsiarissaviuk?

Royal Arctic Linemi HR-imut tunngasumik akisussaaffeqarlutillu ineriartornissamut periarfissaqartumik suliaqassaatit.

HR-imi suleqatigiit ilisimasaqarluartut ilagilissavatit, immitsinnut sparringeqatigiittarluta suliassallu ataatsimoorluta kivittarlugit. Peqatigisaanik nammineq akisussaaffeqarnissamut aammalu HR-imi suleriaatsitsinnut sunniuteqarnissamut periarfissaqassaatit.

Ilaatigut makku neqeroorutigaavut:

• aqutsisunik medarbejderinillu qanimut suleqateqarfiusumik atorfik

• suliamut inuttullu ineriartornissamut periarfissat

• piginnaasannut misilittakkannullu naapertuuttumik akissarsiat atorfininnermilu atugassarititaasut

Soqutiginnippit?

Oqaloqatiginninnerit ingerlaavartumik ingerlattassavagut, qinnuteqartorlu eqqortoq utaqqisinnaavarput.

Suliffik pillugu apeqqutissaqaruit imaluunniit atorfik ilinnut naleqqussinnaanersoq paaserusukkukku, Teamleder Karl-Peter Kristensen oqarasuaatikkut +299 34 91 09-imut attavigisinnaavat.

Qinnuteqarnissat qilanaaraarput.